Levetekɔ 16:22 - Yálá laawoo hɛɓɛ (dc)

²² Mɛ̨nį ɲɔ̨nŋąąi tii kəlee da lɛɛ molu hilɛi tii ɓa, ə li la nɔi pun ɉu pələ. «Ɓɛlɔwai da li la a molui tii nɔi pun ɉu pələ,

Yálá laawoo hɛɓɛ

²² Mɛ̨nį ɲɔ̨nŋąąi tii kəlee da lɛɛ molu hilɛi tii ɓa, ə li la nɔi pun ɉu pələ. «Ɓɛlɔwai da li la a molui tii nɔi pun ɉu pələ,

Bible

²² M̀olii a pâi liî a ǹûai dísɔnyɔ̂ŋ-ŋai kélee lɔii da su ƃɛ́i núu da fé naa Kɔ́lɔŋ.

Levetekɔ 16:22 Referans Kwoze

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Mise 7:19

Gaa nwɔ̨nɔ̨ pai pənəi yɛ ku hon a lii nɛ̨ɛ̨ gwəi laa, yɛ ku wɔ nɛ̨ŋɛ̨nŋaa kiin-giin gɔwɔ mu; yɛ nɛ̨ŋɛ̨n gəlee pili gboloyá kpon gbala.

Mąątɛ̨nɛ̨ 103:12

Bələi lɔ hvóló həɠəi mąąkwɛaa la hvóló tooi ɓa, bələ lɔ ɓə a gu hɔn mąąkwɛa la guɔ.

Mąątɛ̨nɛ̨ 103:10

Hva gu hon yɛ bələi gu wɔ nɛ̨ŋɛ̨nŋaa kaa la, hva gu wɔ túwɔ́ pələ ɲɔ̨nŋaai kwələ kulɔ yɛ bələi gwa tuwɔ la.

Izikiɛ 18:22

Di hva kɛa di kiliŋąhiɛ nwɔ kulɔ nwoo mu laai lɔpee ta ɓa, kɛlaa dəlimo laai tii ə gɛ, yili mąą mɛ̨nį ɓə gaa pai lɛɛi la yɛnɛ̨ɛ̨.

Levetekɔ 16:21

Aarɔn a molu hilɛi tii lɛɛ a vulú, ə ɲee hveelɛi pɛlɛ nwuɔ̨, ə Israɛlə lonnii hɔnŋąą kəlee ɓo, da di wɔ woo tee ŋą mɛ̨nįɠaa kəlee da di wɔ kwɛli tee laa kəlee, yili ɓaa di wɔ nɛ̨ŋɛ̨n gəlee; ə gəlee pu molu hilɛi tii nwuɔ̨, yili pulu, ə nu ta kulɔ, yili ə molui tii hon, ə li la nɔi pun ɉu.

Levetekɔ 16:23

Aarɔn a pənə ə lɔ gee kaa kələ mu, ɉəɠəɠaai tii ə gɛ mą yɛ lɔ gɛɛnąą mąą həɠɛɛ ɓa, ə gulɔ mą ə bu laa.

Izikiɛ 4:4

'Laa ə́ kɛɓɛyee mɛ̨i; 'Israɛlə nu huwu nwɔ nɛ̨ŋɛ̨n hee ə́ nwuɔ̨; volóɠaai ə́ kaa pai gɛi laanin ə́ pələ tɔ̨nɔ̨, di wɔ nɛ̨ŋɛ̨nŋaai ti da kɛ lɔ ə́ nwuɔ̨ volóɠaai ti yee mu.

Levetekɔ 14:7

Yili pulu, nui ŋɛ̨i mąąnɛ̨ɛ̨ di mąą waa volóɲɔ̨n ɲəi, di da kpɛŋɛn mą, gee mɛ̨i mɛ̨ihveelɛ. Ə mo kɛa yɛ diɛ tɔ́n və mą, ə ɓo nwɛ̨ni hului tii ɓa ə li.