Levetekɔ 15:5 - Yálá laawoo hɛɓɛ (dc)

⁵ Nui a tunwɔ̨n gbin tii ɓa, mąąnɛ̨ɛ̨ mąą nu ə mąą həɠəɠaa waa; ə gbinį waa a yá, ɛlɛɛ, Dɔ́n a lɛɛ mąą nu ɓa ə lɛɛ ɉu yələ ə wulu.

Yálá laawoo hɛɓɛ

⁵ Nui a tunwɔ̨n gbin tii ɓa, mąąnɛ̨ɛ̨ mąą nu ə mąą həɠəɠaa waa; ə gbinį waa a yá, ɛlɛɛ, Dɔ́n a lɛɛ mąą nu ɓa ə lɛɛ ɉu yələ ə wulu.

Bible

⁵ Ǹúui kélee a lɛɣɛ maa nuui ŋɔgbìŋ mai, maa nuui é gbîŋ waa da ŋɔseɣei, ǹyaŋ vé pâi kɛ̂i a maa waa é lɛ́ɛ la zu ɣele wulii é kɛ́.

Levetekɔ 15:5 Referans Kwoze

Levetekɔ 11:25

Nui lɔpee a di ta powa kpəŋə, mąąnɛ̨ɛ̨ ə mąą həɠə waa, mąą nu mąą liɓiɛ ə lɛɛ ɉu yələ ə wulu.

Levetekɔ 17:15

«Nui lɔpee! Ə kɛ a nɔi lon, ə kɛ a nwɛ̨ą, a huwɔ haa gbɔwɔ ɓa mįi, awala kɛ tii, lɔwɔ huwɔ ta ə wolo mą, ə baa, nui a mįi, mąąnɛ̨ɛ̨ mąą nu ə mąą həɠə waa, ə gbinį waa a yá, tɔ́n a kɛ mąą nu ɓa a mąą yələ, ə lɛɛ ɉu yələ ə wulu, nąąlɔwai ɓə mąą a həɠə la.

Levetekɔ 16:26

«Nui di dɔɔ yɛ li a Azazɛlə nwɔ ɓolu hilɛi, a gbɛa mąą hɛnŋąą waa, ə gbinį waa gɛɛ hvo kɛ tɛi taai.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.

Zĩi 4:8

'Ká ká mąą lɛɠɛ Yálá ɓa, a mąą lɛɠɛ káá. 'Ká ká wɔɔ nɛŋɛ̨n ɲeeɠaa mąą waa, 'ká ká lii hu mąąhəɠə, ká hu hveelɛ nuą ŋɛ̨i!

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Hebreu 9:26

Akɛ yili ɉuwu ɓə kɛ, Kristə ə li gbɔwɔ kulɔ a haláá geemɛ̨i tamąą, ə həɠə kpɔ yɛnɛ̨ɛ̨ kɔwɔ tɔɔ yələ ɓa. Kɛlaa, a tɛ̨ą. Ə gɛ lɔ taanɔ̨n gbən, a vóló ɲąąkpɛɛi yələi ŋɛ̨i, ə too la pono ɲą, ə nɛ̨ŋɛ̨nŋaa waa, a gbɔwɔ kulɔi ə mo a haláá.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Izikiɛ 36:29

Gáá pai ka wɔ mąąliɓi mɛ̨nįɠaa kəlee kulɔi kaa, gɛ́ gɛ ɓá yɛ lɛlɛ káá, vá kɛa pulu too kaa.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Azaya 22:14

Yai-Laa Mɛ̨nį Kəlee ŋą Hééɓomun, yai ɲee a pɛli mɛ̨nį kəlee ɓa ə mɛ̨nįi ŋɛ̨i ɓo mą́ą́, yɛ mą́ą́: Nɛ̨ŋɛ̨n tii hvo pai kulɔi kaa a yələ ta, hvo kɛli ka haa. Nąmu Yai-Laa Mɛ̨nį Kəlee ŋą Hééɓomun, yai ɲee a pɛli mɛ̨nį kəlee ɓa aa gwɛla.

Azaya 1:16

'Ka ka waa, ka ka mąąhəɠə, 'ka ka wɔ nwąnąlɔ túwɔ́ɠaa mąą kwɛa mą́ą́, 'ka kpəla mɛ̨nį ɲɔ̨n ma

Mąątɛ̨nɛ̨ 51:7

Hvo gaai, di gáá mɛ̨nį ɲɔ̨n ɉu, néé ə mą́ą́ koo həɠə nɛ̨ŋɛ̨n ɉu.

Mąątɛ̨nɛ̨ 51:2

Ɓɛlɔwai Yálá kwəi mɛ̨nį hu kulɔ mun Natan ə li ɉɔn moi la mą, yɛ hvilɛn na Bɛtsabe mąą mɛ̨nį ɓa.

Mąątɛ̨nɛ̨ 26:6

Gáá ɲə́i waai, gɛ́ nwɔ́ kwəi kwələlaa lɛ la, əgɛ, gɛ́ pɛli kɛa haláá kulɔi yɛ́ Yai-Laa.

Lonon mo 19:22

Nui tɔ́n gaa mą a tunwɔ̨n hɛn da ɓa, mąą hɛn yaa kpɛli mąą a liɓi. Ɛlɛɛ nui a tunwɔ̨n ɉɛn tii ɓa, tɔ́n a kɛ mą ə lɛɛ ɉu yələ ə wulu.»

Lonon mo 19:10

Nui a nįŋɛ̨ háá luwui tii kələ, yaa kpɛli mąąnɛ̨ɛ̨ ə mąąhəɠəɠaa waa, tɔ́n a lɛɛ mą ə lɛɛ ɉu yələ ə wulu. Ka yíi pələ ta li, yɛi kɛ a Israɛlə ə mą kɛ nwɛ̨ąi ka lɔwai, yili mąą hva hvalin.

Levetekɔ 16:28

Nui a li ɉɛnŋąąi tii kələn ɉii, a lɛɛ daa pulu ə mąą hɛnŋąą waa, ə gbinį waa, hvo tɛɠa kɛ tɛi taai.

Levetekɔ 14:27

Ɉaláá laa həli mun ə gɔɓɛ yee ɲą wulɔi tii ta taɠa gee mɛ̨i mɛ̨ihveelɛ a mamįiyee kpiɛ bələ kəleen, Yai-Laa lííla.

Levetekɔ 13:34

Voló mɛ̨ihveelɛ yələ, a ɲɔ̨n mąąkpɛɛ, akɛ ɲɔ̨n da hvo pɛlɛ li mą, akɛ hvo gɔlɔ nąą ta lɔ li ɉu, ɉaláá laa həli mun a kɛ ɲɔ̨n gɛ mun ma: tɔ́n və yɛ. Mąą nu a mąąhəɠəɠaa waa lɔ; a kɛ tii tɔ́n və mą.

Levetekɔ 13:6

Voló mɛ̨ihveelɛ yələ, ɉaláá laa həli mun a pənə ə mąąkpɛɛ, akɛ ɓɛi ɲɔ̨n gaa laa nąą a kɛi lɛɠɛ mą, hvo kulɔi pulu. Ɉaláá laa həli mun a mo mą yɛ mą: tɔ́n və yɛ́, ɲɔ̨n gbɛli kpɛli li. Mąą nu a mąąhəɠəɠaa waa lɔ ə li, a kɛ tii tɔ́n və mą.

Levetekɔ 11:32

Ɉuwɔ huwui tii ta powa a too hɛn da mɛ̨i, mąą hɛn tii mąą aa liɓi; Ə kɛ a wulu, ə kɛ a həɠə, ə kɛ a huwɔ kɔ́lɔ, ə kɛ a ɓíi, da kóló kɛ hɛnɲaŋą lɔpee ta, mąąnɛ̨ɛ̨ di mąą waa a yá, a kɛ a hɛn mąąliɓiɛ ə lɛɛ la ɉu yələ ə wulu, yili pulu mąą a həɠə.

Levetekɔ 11:28

Ɛlɛɛ nui lɔpee a da powa həɠə, mąąnɛ̨ɛ̨ ə mąąhəɠə waa. Mąą nu aa gbɔwɔ mąąliɓi a volói tii ə lɛɛ la ɉu yələ ə wulu. Ɉuwɔɠaai tɔ́n gaa mą ka mąą mɛ̨nį ɓa, diɛ ka tii.

Lɛɛ gbɔwɔ ɓa 19:10

Yai-Laa yɛ Moisə ɓa: «Li ə́ mo Israɛlə lonnii diɛ, di di mąąhəɠə háákələi da tinąą; di di mąą həɠəɠaa waa.

Levetekɔ 15:4

Nui ɲɔ̨n tii kaa mą, gbin lɔpee a laa ŋą, tɔ́n gaa gbin tii ɓa, hɛn lɔpee nui ti a hee mɛ̨i, tɔ́n gaa mą.

Levetekɔ 15:6

Ɉulɔnui ɲɔ̨n gaa mą, ɓɛi lɔpee a hee laa, nu ta a hee gɛɛnąą ti ɓa, mąąnɛ̨ɛ̨ mąą nu ə mąą həɠəɠaa waa; ə gbinį waa a ya, ɛlɛɛ, tɔ́n a lɛɛ mą, ə lɛɛ ɉu yələ ə wulu.

Samuɛlə dɔlɔɔ 20:26

Saulə hvo mɛ̨nį ta ɓo a ɲələi tii; ə kɛi giliŋąhiɛ yɛ kɛ diɛ gbaan mɛ̨nį ta aa gaa, aa tɔ́n da həɠə.

Levetekɔ 11:24

«Ɉuwɔɠaai tɔ́n gaa mą, nui lɔpee a tunwɔ̨n da powa ɓa, a kɛ tii, mąą nu aa gbɔwɔ mąąliɓi a volói tii, ə lɛɛ la ɉu yələ ə wulu.

Levetekɔ 15:18

«Hulɔnu ta da nɛ̨ɛ̨nu ta da laa, mąąnɛ̨ɛ̨ di di waa a ya tɔ́n gaa diɛ ə lɛɛ ɉu yələ ə wulu.