Levetekɔ 14:10 - Yálá laawoo hɛɓɛ (dc)

¹⁰ «Voló mɛ̨ihaaɓa yələ, ə ɓɛlaa hilɛ lon veelɛ həɠə, kpɛɠii hva kɛ diɛ, kwɛlan dɔ̨nɔ̨ ɓɛlaa lon ɉaa tɔ̨nɔ̨, kpɛɠii hva kɛ mą, lɛɠɛ hunwɔ̨ kəgən ɉu mɛ̨inąąn a haláá hɛn, ə ɲɔwɔn a wulɔ, ɛlɛɛ kəgən gbulɔ wulɔ hu.

Yálá laawoo hɛɓɛ

¹⁰ «Voló mɛ̨ihaaɓa yələ, ə ɓɛlaa hilɛ lon veelɛ həɠə, kpɛɠii hva kɛ diɛ, kwɛlan dɔ̨nɔ̨ ɓɛlaa lon ɉaa tɔ̨nɔ̨, kpɛɠii hva kɛ mą, lɛɠɛ hunwɔ̨ kəgən ɉu mɛ̨inąąn a haláá hɛn, ə ɲɔwɔn a wulɔ, ɛlɛɛ kəgən gbulɔ wulɔ hu.

Bible

¹⁰ “Voloi ǹɔ́ɔlu mɛi saaƃa ɣelei a pâi pâi a kóraŋ tɔnɔ ƃala sirɛ feerɛ da kóraŋ tɔnɔ ƃala saa tɔnɔ nyii-ŋai pɔ́ɔ fé diai, lɛ̀ɣɛ pãŋ lɔ́ɔlu sumoɔɔ a ɔle-wúlɔ da ɔle-wúlɔ kɔ̂pu gborâ.

Levetekɔ 14:10 Referans Kwoze

Levetekɔ 2:1

«Nu ta a kɛ bɔ ə Yai-Laa kɔ́ a hɛn da, ɉɛn tii mąąnɛ̨ɛ̨ ə kɛ a lɛɠɛ hunwɔ̨, ə wulɔ pu mą, ə lansan kpɛŋɛn mɛ̨i.

Lukə 5:14

Jesus ə mo mą, yɛ mą: «Hvo mɛ̨nįi ŋɛ̨i hukulɔ nui lɔpee ta ɓa, pələi ŋɛ̨i yaa kɛ la, li ə́ ə́ kpɔɔ lɛ ɉala laa həli mun gɛnɛ̨ ɓa, yili pulu, ɉaláá yii Moisə ə vaaɓo, yɛ hvólóɲɔ̨n gɛ mun gɔlɔi a pono ə gulɔ, ə́ yili kulɔ, əgɛ, nuą di gɔlɔn diɛ ə́ kɔ́lɔi aa pono.»

Markə 1:44

Hvo mɛ̨nį ŋɛ̨i hukulɔ nui lɔpee ta ɓa. Kɛlaa, li ə́ kpɔɔ lɛ ɉaláá laa həli mun mą, yɛ mą: Gɔ́lɔ́ a pono. Yili pulu, ɉaláá yii Moisə ə vaaɓo, ə́ yili kulɔ, ə gɛ, nu kəlee di gɔlɔn diɛ ə́ kɔ́lɔi aa pono, ə́ mąą a həɠə.

Maafîu 8:4

Yili pulu Jesus yɛ mą: «'Hvó mɛ̨nįi ŋɛ̨i ɓo nu ta ɓa. Kɛlaa, li ə́ ə́ kpɔɔ lɛ ɉaláá laa həli mun ma, yɛ mą: Gɔ́lɔi aa pono. Ɛlɛɛ, ɉaláá yii Moisə ə vaaɓo, ə́ gulɔ. Ə gɛ, nu kəlee di gɔlɔn diɛ: Ə́ kɔ́lɔi aa pono, ə́ mąą aa həɠə.»

Levetekɔ 14:21

«Nui tii a kɛ a yeehowolomun, a wala pɛli ɉɛnŋąą kəlee hɔlɔɓoi, a ɓɛlaa lon dɔ̨nɔ̨ həɠə a bɔɔŋą pɛli haláá, diɛ naa həli a naa həli pələ, di nɛ̨ŋɛ̨n mąąhvaalɛɛ kóló kɛ mɛ̨i, ə lɛɠɛ hunwɔ̨ kəgən ɉu haaɓa həɠə yii daa ɲɔwɔn a wulɔ, a Yálá kɔ́ hɛn da kəgən gbulɔ wulɔ;

Levetekɔ 14:15

Ɉaláá laa həli mun a gəgən gbulɔ wulɔi tii həɠə, ə da wolo pu gɔɓɛ yee ɲą,

Levetekɔ 14:12

Ɉaláá laa həli mun a mɛlaa hilɛ lon dɔ̨nɔ̨ həɠə, ə naa həli a nu pɔɔŋą pɛli haláá, ə wulɔ kəɠən gbulɔ pɛlɛ mą; Ə di lɛ Yai-Laa ɓa a naa həli pələ, a di laa həli pələ pɔlɔ.

Piɛrə dɔlɔɔ 1:19

kɛlaa, ə kɛ a ɲąmąi mąą mɛ̨nį nwąnąą, yɛ ɓɛlaa lon kiliin ɉii ɲɔ̨nwɔ̨ɔ̨ hvo mą, da pɔɔ lɔpee ta, ya ɓaa a Kristə ɲąmą,

Ɉaan 6:51

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

Ɉaan 6:33

Mąąhɔlɔɓo, gɔ̨nɔ̨n Yálá a dɛɛ nu pɔ, ya ɓaa yii həɠə yələi ə pa yɛnɛ̨ɛ̨, əgɛ, ə yɛnɛ̨ɛ̨ hva kpɛɛ tɛɛ nuą pɔ.»

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Lonon mo 28:20

Ka Yálá kɔ́ haláá pɛlɛ taatɛlɛɛ tɛi tɛi ɓa, a lɛɠɛ hunwɔ̨ kiin ŋąą a wulɔ; Gəgən ɲąą haaɓa nįŋɛ̨ hilɛ tɔ̨nɔ̨, mɛlaa hilɛ nwɛi gəgən ɲąą hveelɛ.

Lonon mo 6:14

A pa a kwɛlan dɔ̨nɔ̨ ɓɛlaa hilɛ lon kpɛɠii hva kɛ mą, a Yai-Laa kɔ́ hɛn a nɛ̨ŋɛ̨n mąąhvaalɛɛ haláá hɛn, ə bɛlɛ ɓɛlaa hilɛ tɔ̨nɔ̨ ɓa yii kpɛɠii hvo mą, a liilaa haláá.

Levetekɔ 23:13

Ka Yai-Laa kɔ́ hɛn bɛlɛ mą a lɛɠɛ hunwɔ̨ gəgən ɉu mɛ̨ida, ɲɔwɔɔ a wulɔ, yili kaa a haláá kɔ̨nɔ̨n mąą kun nɛ̨ɛ̨ a Yai-Laa nwɔɔ, yɛ niilaa, da nɔɔi ka bu nɔi ɓa, ɓɛi ka ɉaláá kulɔ laa, yii a kɛ a múluun gbulɔ.

Levetekɔ 9:1

Voló mɛ̨ihaaɓa yələ, Moisə ə Aarɔn da nonnii di təli, da Israɛlə kalanɉonŋąą;

Levetekɔ 4:32

«Akɛ ɓɛlaa ɓə gaa bɔ ə gɛ a nɛ̨ŋɛ̨n mąąhvaalɛɛ haláá hɛn, mąąnɛ̨ɛ̨ ə kɛ a ɓɛlaa haai kpɛɠii hvo kɛ mą.

Levetekɔ 2:13

«Yálá kɔ́ hɛn nɔpee ə́ kaa pai la, mąąnɛɛ ə́ kpolo kɛ mą. 'Hvó kpɔ Lɛ̨ą kpolo ɓa, mąąhɔlɔɓo, kpolo kaa a ka Yálá ni ka lɔwai mįnɛ̨ gɔɔn mąą. Ə́ wɔ Yálá kɔ́ hɛn gəlee kpolo pɛlɛ mą, yɛ́ naa həli.

Levetekɔ 2:11

«Ɉaláá hɛnŋąąi kpɔ ka káá pai kɛi Yai-Laa kɔ́i la ka hvo lɛɠɛ tɛ hɛn bu da hu. Mąą hvo nɛ̨ɛ̨li da kɛi Yai-Laa kɔ́ hɛn gələn, lɛɠɛ tɛ hɛn da kwɛ̨in nwulɔ di hvo kɛ da hu.

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Lɛɛ gbɔwɔ ɓa 29:40

Yili pulu, kilə haaɓa da gbulɔ, lɛɠɛ hunwɔ̨ hu, ɉumɔ̨ɔ̨ a wulɔ litɛlɛ tɔ̨nɔ̨ da gbulɔ, ə kɛ a wulɔ lɛlɛɛ, ɛlɛɛ, ə́ lɔɔ pu mą.

Levetekɔ 14:11

Ɉaláá laa həli mun tii mąąhəɠə kóló kɛi, a nui tii da nwɔ haláá hɛnŋąąi di tɔɔ Yai-Laa lííla, gee kaa kələ laaləi.

Lonon mo 7:43

Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.