Levetekɔ 12:7 - Yálá laawoo hɛɓɛ (dc)

⁷ Ɉaláá laa həli mun a di laa həli Yai-Laa ɓa, ə nɛ̨ŋɛ̨n mąąhvaalɛɛ kóló kɛ nɛ̨ɛ̨nui tii ɓa; a kɛ tii, mąą nɛ̨ɛ̨nui mąą aa həɠə ɲąmąi tii kulɔ mą mąą mɛ̨nį ɓa. «Nɛ̨ɛ̨nu a naayɛɛ a lon ɉulɔnu, a wala kɛ tii, lon nɛ̨ɛ̨nu, Dɔ́n gaa mɛ̨i, yaa li.

Yálá laawoo hɛɓɛ

⁷ Ɉaláá laa həli mun a di laa həli Yai-Laa ɓa, ə nɛ̨ŋɛ̨n mąąhvaalɛɛ kóló kɛ nɛ̨ɛ̨nui tii ɓa; a kɛ tii, mąą nɛ̨ɛ̨nui mąą aa həɠə ɲąmąi tii kulɔ mą mąą mɛ̨nį ɓa. «Nɛ̨ɛ̨nu a naayɛɛ a lon ɉulɔnu, a wala kɛ tii, lon nɛ̨ɛ̨nu, Dɔ́n gaa mɛ̨i, yaa li.

Bible

⁷ Gɛ̀ ní Zâla láa soŋ-nuui a pâi zãai ŋí láa serîi Yâwɛɛ ma nɛnîi kpîŋ ŋɔsɔnyɔ̂ŋ su mɛni lɛɛ mɛni ma ŋãai kúla gbonoi mɛni ma. Ǹyaŋ a pâi kɛ̂i a m̀aa waa. Dɔ̂ŋ-ŋai ká ŋí fɛ̂ɛ nɛnî é mɛi káa tãi m̀aa a fóloŋ lai.

Levetekɔ 12:7 Referans Kwoze

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Korɛntə dɔlɔɔ 7:14

Mąąhɔlɔɓo, ɉulɔnui hvo a laa na mun, kalan non nɛ̨ɛ̨nu yɛ ɓo ɲəi, mąąhəɠɛɛi nɛ̨ą háálai. Ɛlɛɛ, nɛ̨ɛ̨nui hvo a laa na mun, ɉilɛ yɛ ɓo a kalan non, mąąhəɠɛɛi ɉilɛ háálai. Yili awala kɛ tii, di lonnii da kɛ yɛ hali pulu nuą; yá pa, di mąąhəɠɛɛi.

Lomaŋ 3:26

Bələ ɓə ə kɛ la bɔ ə nwɔ tələnmolaa too la pono ŋą, ə gɛ, nuą di gɔlɔn; ə lɛɛ, nuąi da laa Jesus la ə di kɛ a tələnmo nuą.

Lomaŋ 3:23

Nu kəlee daa nɛ̨ŋɛ̨n ɉəɠə daa hvɛɠɛ a Yálá nwɔ mąąwiɛlaa hu.

Zôo 14:4

Gbɛɛ kpɔ ɓə laa yɛ pɛli mɛ̨nį ɲɔ̨nwɔ̨ɔ̨, da nɛlɛɛ gulɔ ɉu kɛi yɛ bələi ə́ kaa la? Mąą nu hvo mą!

Zôo 1:5

Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.

Levetekɔ 4:35

Ə nwulɔ kɛɛnąą kəlee kulɔ mą, yɛ bələi da gulɔ la liilaa haláá ɓɛlaa ɓa. Ɉaláá laa həli mun ə di kələn ɉaláá kulɔ kəhi mɛ̨i, ɓɛlɛɛ ɉaláá kɔ̨nɔ̨nŋąą diɛ yiiɠaai a Yai-Laa nwɛiɠaai. Ɉaláá laa həli mun a gólói tii kɛ nui a ɉon gɛ mąą mɛ̨nį ɓa, nɛ̨ŋɛ̨n mąą nu ə ɉəɠə mąąhvaa a lɛɛ.

Levetekɔ 4:31

Ə nwulɔ kɛɛnąąɠaa kəlee kulɔ mą, yɛ bələi da gɛ la a niilaa haláá hɛn. Ɉaláá laa həli mun ə di kələn ɉaláá kulɔ kəhi mɛ̨i, gaa a haláá mąą kun nɛ̨ɛ̨, yɛ Yai-Laa liilaa. Ɉaláá laa həli mun a nɛ̨ŋɛ̨n mąąhvaalɛɛ kólói tii kɛ nɛ̨ŋɛ̨n ɉəɠə mun tii mɛ̨i, mąąhvaa a lɛɛ.

Levetekɔ 4:26

Ə ɉuwɔ wulɔɠaa kəlee kələn ɉaláá kulɔ kəhi mɛ̨i, yɛ bələi da gɛ la a liilaa haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nuą ɲɛ̨itɔwɔ mun ma, mąąhvaa a lɛɛ.

Levetekɔ 4:20

Bələi a gɛ la a nɛ̨ŋɛ̨n mąą hvaalɛɛ haláá nįŋɛ̨, bələ lɔ ɓə a gɛ la a niŋɛ̨i tii. Bələ lɔ ɓə a gɛ la a gbɔwɔ nwɛi. Yili ɓa, ɉaláá laa həli mun a gɛ lɔ tii a di wɛi, a kɛ tii, di mąąhvaa a lɛɛ.

Levetekɔ 1:4

Yai-Laa a ɲee hee mu, ə ɲee pɛlɛ daatɛlɛɛ nwuɔ̨, ə ɉɛatɔɔ mą, nwɔ nɛ̨ŋɛ̨n mąąhvaalɛɛ mɛ̨nį ɓa.

Levetekɔ 12:6

«Non gaa nɛ̨ɛ̨nu mąąhəɠə hvóló a kpɛɛ, ə kɛ a lon ɉulɔnu, ə kɛ a lon nɛ̨ɛ̨nu, mąąnɛ̨ɛ̨ ɓɛlaa lon yii aa kwɛlan dɔ̨nɔ̨ kɛ, ə li la gee kaa kələ laaləi ɉaláá laa həli mun bɔ, di gulɔ a haláá yii da gəlee kələn; da tonwələn dɔ̨nɔ̨, a wala kɛ tii ɓopo tɔ̨nɔ̨, di gɛ a nɛ̨ŋɛ̨n mąąhvaalɛɛ haláá hɛn.

Levetekɔ 12:8

«Akɛ a wala pɛli ɓɛlaa lon ɉɔ̨nwɔ̨ hɔlɔɓoi, tonwələn veelɛ ɓə a paa la, dɔ̨nɔ̨ ə kɛ a haláái da gəlee kələn; dɔ̨nɔ̨ ə kɛ a nɛ̨ŋɛ̨n mąąhvaalɛɛ haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nɛ̨ɛ̨nui tii ɓa, a kɛ tii, mąą aa həɠə.»

Levetekɔ 15:15

Ɉaláá laa həli mun a donwələn tii tɔ̨nɔ̨ kɛ a nɛ̨ŋɛ̨n mąąhvaalɛɛ haláá hɛn, ə dɔ̨nɔ̨ kɛ a haláái da gəlee kələn. Ɉaláá laa həli mun a nɛ̨ŋɛ̨n mąąhvaalɛɛ woo ɓo mɛ̨i Yai-Laa lííla Dɔ́n ti kulɔ mɛ̨nį ɓa mą.