Levetekɔ 12:6 - Yálá laawoo hɛɓɛ (dc)

⁶ «Non gaa nɛ̨ɛ̨nu mąąhəɠə hvóló a kpɛɛ, ə kɛ a lon ɉulɔnu, ə kɛ a lon nɛ̨ɛ̨nu, mąąnɛ̨ɛ̨ ɓɛlaa lon yii aa kwɛlan dɔ̨nɔ̨ kɛ, ə li la gee kaa kələ laaləi ɉaláá laa həli mun bɔ, di gulɔ a haláá yii da gəlee kələn; da tonwələn dɔ̨nɔ̨, a wala kɛ tii ɓopo tɔ̨nɔ̨, di gɛ a nɛ̨ŋɛ̨n mąąhvaalɛɛ haláá hɛn.

Yálá laawoo hɛɓɛ

⁶ «Non gaa nɛ̨ɛ̨nu mąąhəɠə hvóló a kpɛɛ, ə kɛ a lon ɉulɔnu, ə kɛ a lon nɛ̨ɛ̨nu, mąąnɛ̨ɛ̨ ɓɛlaa lon yii aa kwɛlan dɔ̨nɔ̨ kɛ, ə li la gee kaa kələ laaləi ɉaláá laa həli mun bɔ, di gulɔ a haláá yii da gəlee kələn; da tonwələn dɔ̨nɔ̨, a wala kɛ tii ɓopo tɔ̨nɔ̨, di gɛ a nɛ̨ŋɛ̨n mąąhvaalɛɛ haláá hɛn.

Bible

⁶ “Tãi ŋ̀ele kûu-ŋai ŋí da kpɛ̀ɛ lai, ǹóloŋ é máŋ kɛ́ a surɔ̂ŋ-loo kpaa máŋ nɛnî-loo, gɔ̃ɔ-leei é pá a kóraŋ tɔnɔ ƃala loŋ kéreŋ sala kula mɛni ma da popôo kpaa toloŋ tɔnɔ sɔnyɔ̂ŋ sala kula mɛni ma Yâwɛɛ ŋɔpɛ́rɛi lá.

Levetekɔ 12:6 Referans Kwoze

Lukə 2:22

Yili pulu, ɓɛlɔwai mąąnɛ̨ɛ̨ kɛ di Mari da non di mąą haláá kulɔ la, əgɛ, di mąą ə həɠə yɛ bələi Moisə ə bɛ̨ɛ̨ la dɔ́n ɉɛɓɛ́ hu, ɲələ ə ɉəli, Ɉosɛfə da Mari də li Ɉerusalɛmə Yálá hee pɛlɛ́ mu; nąąlɔwai ɓə di nokoloi tii laakwɛlanmo la Ną́mu Yálá ɓa.

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Levetekɔ 15:29

Voló mɛ̨ihaaɓa yələ, a tonwələn, a wala kɛ tii ɓopo hveelɛ həɠə, ə paa la ɉaláá laa həli mun bɔ gee kaa kələ laaləi.

Lonon mo 6:10

Voló mɛ̨ihaaɓa yələ, a pa a ɓopo hveelɛ, a wala kɛ tii tonwələn veelɛ, ɉaláá laa həli mun bɔ, gee kaa kələ laaləi.

Levetekɔ 15:14

Voló mɛ̨ihaaɓa yələ a pa a tɔ́nwələn veelɛ a wala kɛ tii ɓopo hveelɛ, ə paa la Yai-Laa lííla gee kaa kələ laaləi, ə di tɛɛ ɉaláá laa həli mun bɔ.

Levetekɔ 14:22

Tonwələn veelɛ a wala kɛ tii ɓopo hveelɛ, yii ɲee a pɛli mą. Dɔ̨nɔ̨ a kɛ a nɛ̨ŋɛ̨n ɉaláá dɔ̨nɔ̨ ə ɓo a haláái da gələn.

Levetekɔ 12:2

«'Mo Israɛlə lonnii diɛ, yɛ diɛ: «Akɛ nɛ̨ɛ̨nu a naayɛɛ a hulɔnu, tɔ́n gaa mą hvóló mɛ̨ihveelɛ yee mu, yɛ bələi lɔ a kɛ la nwɔ ɲąnin gaai lɔwai.

Zɛnɛse 15:9

Yai-Laa yɛ mą: «Pa a ɉuwɔ haaɓai ŋɛ̨i gáá pai giliin ɉii yɛ́, gəlee dɛitɛi, yii aa kwelan ɉaaɓa kɛ. Diɛ ɓaa: hoo hvaalən non, yɛ ɓo a ɉaa, ɓooli haa da ɓɛlaa hilɛ, tonwələn da ɓopo lon.»

Levetekɔ 12:5

A naayɛɛ a lon nɛ̨ɛ̨nu, tɔ́n gaa mą lɔwɔ hveelɛ yee mu, yɛ pələi lɔ tɔ́n gaa la mɛ̨i nwɔ ɲąnin gaai lɔwai, ɲąmąi tii kulɔ mą, mąą mɛ̨nį ɓa. A mąąhəɠə hvóló pow mɛ̨ida kɔ́w mɛ̨ida tɛɛ pulu.

Levetekɔ 12:7

Ɉaláá laa həli mun a di laa həli Yai-Laa ɓa, ə nɛ̨ŋɛ̨n mąąhvaalɛɛ kóló kɛ nɛ̨ɛ̨nui tii ɓa; a kɛ tii, mąą nɛ̨ɛ̨nui mąą aa həɠə ɲąmąi tii kulɔ mą mąą mɛ̨nį ɓa. «Nɛ̨ɛ̨nu a naayɛɛ a lon ɉulɔnu, a wala kɛ tii, lon nɛ̨ɛ̨nu, Dɔ́n gaa mɛ̨i, yaa li.