Levetekɔ 11:25 - Yálá laawoo hɛɓɛ (dc)

²⁵ Nui lɔpee a di ta powa kpəŋə, mąąnɛ̨ɛ̨ ə mąą həɠə waa, mąą nu mąą liɓiɛ ə lɛɛ ɉu yələ ə wulu.

Yálá laawoo hɛɓɛ

²⁵ Nui lɔpee a di ta powa kpəŋə, mąąnɛ̨ɛ̨ ə mąą həɠə waa, mąą nu mąą liɓiɛ ə lɛɛ ɉu yələ ə wulu.

Bible

²⁵ Ǹúui kélee a tela da poma siɣei, fɛ̂ɛ maa nuui é ŋɔseɣei waa ǹyaŋ maa nuui maa fé pâi kɛ̂i a ŋ̀waa é lɛ́ɛ la zu ɣele wulii é kɛ́.

Levetekɔ 11:25 Referans Kwoze

Lonon mo 31:24

Ka ka mąą həɠəɠaa waa a voló mɛ̨ihveelɛ yələ, tɔ́n a kulɔ kaa, yili pulu kaa kɛa tɛ taai.»

Levetekɔ 15:5

Nui a tunwɔ̨n gbin tii ɓa, mąąnɛ̨ɛ̨ mąą nu ə mąą həɠəɠaa waa; ə gbinį waa a yá, ɛlɛɛ, Dɔ́n a lɛɛ mąą nu ɓa ə lɛɛ ɉu yələ ə wulu.

Levetekɔ 14:8

Nui tii di mąą waa, a mąą həɠəɠaa waa ə gɔlɔ ɓa ləɠa kəlee kalaan, ə nwaa yái, ə gɛ mąą ə həɠə. Yili pulu, ə tɛ taai, kɛlaa a hvóló mɛ̨ihveelɛ kɛ hva lɔ ɲəi bɛlɛ́n.

Levetekɔ 11:40

Nui a ɉuwɔ powai tii ta mįi, mąąnɛ̨ɛ̨ ə mąąhəɠəɠaa waa, tɔ́n a kɛ mą ə lɛɛ ɉu yələ ə wulu.

Lonon mo 19:10

Nui a nįŋɛ̨ háá luwui tii kələ, yaa kpɛli mąąnɛ̨ɛ̨ ə mąąhəɠəɠaa waa, tɔ́n a lɛɛ mą ə lɛɛ ɉu yələ ə wulu. Ka yíi pələ ta li, yɛi kɛ a Israɛlə ə mą kɛ nwɛ̨ąi ka lɔwai, yili mąą hva hvalin.

Levetekɔ 16:28

Nui a li ɉɛnŋąąi tii kələn ɉii, a lɛɛ daa pulu ə mąą hɛnŋąą waa, ə gbinį waa, hvo tɛɠa kɛ tɛi taai.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Hebreu 9:10

Kɛlaa, yiliɠaai kɔwɔ hvilɛnŋąąi lɔ kɛ, laa mįi mə̨nį, da kpələ hɛn mɛ̨nį, da nu mąą waa pələɠaa diɛ, dɔ́nŋaa tii di kɛ lɔ a ɲɛ̨i kɛ mąą, ə lɛɛ ɉu, ɲələ leelee yɛ həli mą.

Gɛlaɠaa 22:16

Lə mɛ̨nį ɓa gaa ə́ hu? 'Ə́ muhəɠə ə́ li, di ə́ mąąwaa, ə́ mąą ə həɠə ə́ wɔ nɛ̨ŋɛ̨nŋaai yəi, a Naa hvɛlii yá mo.›»

Ɉaan 13:8

Piɛrə yɛ mą: «Ə́ gɔ́wɔ́ mąąwaai, a ɲą́ą́! Kpaa!» Jesus yɛ mą: «Ŋą́ wala ə́ waa, ə́ nwɔ nąą hvo nwɔ́ mɛ̨nįi hu.»

Zakari 13:1

Mąą yələi tii, yá nwun gulɔi ta a kulɔ, Davidə nwɔ pɛlɛ́i mąą mɛ̨nį ɓa, da Ɉerusalɛmə nuą; yɛ kɛ a di wɔ nɛ̨ŋɛ̨nŋaai, da di mąąliɓi mɛ̨nį kəlee hali.

Mąątɛ̨nɛ̨ 51:7

Hvo gaai, di gáá mɛ̨nį ɲɔ̨n ɉu, néé ə mą́ą́ koo həɠə nɛ̨ŋɛ̨n ɉu.

Mąątɛ̨nɛ̨ 51:2

Ɓɛlɔwai Yálá kwəi mɛ̨nį hu kulɔ mun Natan ə li ɉɔn moi la mą, yɛ hvilɛn na Bɛtsabe mąą mɛ̨nį ɓa.

Lonon mo 19:19

Nui tɔ́n və mą, a ɲá ta taɠa nui tɔ́n gaa mą mą, a voló ɉaaɓa yələ da voló mɛ̨ihveelɛ yələ. Voló mɛ̨ihveelɛ yələ nwɛi tii a mąą nu nwɔ nɛ̨ŋɛ̨n kulɔ mą. Yili ə mąą həɠəɠaa waa, ə nwaa yái; yələ wulii pɔ, mąą a kɛ a ɉəɠɛɛ.

Lonon mo 19:8

Nui tii nįŋɛ̨ kələn, yaa kpɛli a mąą həɠəɠaa waa, ə gbinį waa, yaa kpɛli tɔ́n a lɛɛ mą ə lɛɛ ɉu yələ ə wulu.

Levetekɔ 15:13

«Ɲɔ̨n a kpɛɛ nu ɓa, bələi a tɛɛ la tɔ́n yɛ kulɔ mą, bələ ka: A hvóló mɛ̨ihveelɛ kɛ, ə nwɔ həɠəɠaa waa, ə gbinį lee waa tɛɛyá hu, akɛ tii, mąą aa həɠə.

Levetekɔ 14:47

Nu ta a yii bɛlɛ́n, mąąnɛ̨ɛ̨ ə mąą həɠə waa; ɛlɛɛ nu a kɔ̨nɔ̨n mįi laa, mąąnɛ̨ɛ̨ ə mąą həɠəɠaa waa.

Levetekɔ 11:28

Ɛlɛɛ nui lɔpee a da powa həɠə, mąąnɛ̨ɛ̨ ə mąąhəɠə waa. Mąą nu aa gbɔwɔ mąąliɓi a volói tii ə lɛɛ la ɉu yələ ə wulu. Ɉuwɔɠaai tɔ́n gaa mą ka mąą mɛ̨nį ɓa, diɛ ka tii.

Lɛɛ gbɔwɔ ɓa 19:14

Moisə ə ɲee yɛɛ, ə pa nuą pɔ. Ə nuą mąąhəɠə, di di mąą həɠəɠaa waa.

Lɛɛ gbɔwɔ ɓa 19:10

Yai-Laa yɛ Moisə ɓa: «Li ə́ mo Israɛlə lonnii diɛ, di di mąąhəɠə háákələi da tinąą; di di mąą həɠəɠaa waa.

Levetekɔ 11:24

«Ɉuwɔɠaai tɔ́n gaa mą, nui lɔpee a tunwɔ̨n da powa ɓa, a kɛ tii, mąą nu aa gbɔwɔ mąąliɓi a volói tii, ə lɛɛ la ɉu yələ ə wulu.

Levetekɔ 11:26

Huwɔi lɔpee gɔwɔ ɲąnin və ɓɛla li, hva pɛli kɔ̨nɔ̨n bənəi hvo dɛ na, yɛ ɉu mįi, tɔ́n gaa mą. Nui a tunwɔ̨n diɛ, aa tɔ́n bɛlɛ gbɔwɔ ɓa.

Levetekɔ 13:6

Voló mɛ̨ihveelɛ yələ, ɉaláá laa həli mun a pənə ə mąąkpɛɛ, akɛ ɓɛi ɲɔ̨n gaa laa nąą a kɛi lɛɠɛ mą, hvo kulɔi pulu. Ɉaláá laa həli mun a mo mą yɛ mą: tɔ́n və yɛ́, ɲɔ̨n gbɛli kpɛli li. Mąą nu a mąąhəɠəɠaa waa lɔ ə li, a kɛ tii tɔ́n və mą.

Levetekɔ 16:26

«Nui di dɔɔ yɛ li a Azazɛlə nwɔ ɓolu hilɛi, a gbɛa mąą hɛnŋąą waa, ə gbinį waa gɛɛ hvo kɛ tɛi taai.

Levetekɔ 14:46

«Nu a lɔ bɛlɛ́n, ɓɛlɔwai tɔ́n gaa la bɛlɛ́ ɓa, akɛ tii mąą nu aa tɔ́n ɉee gbɔwɔ ɓa ə lɛɛ ɉu yələ ə́ wulu.

Levetekɔ 15:15

Ɉaláá laa həli mun a donwələn tii tɔ̨nɔ̨ kɛ a nɛ̨ŋɛ̨n mąąhvaalɛɛ haláá hɛn, ə dɔ̨nɔ̨ kɛ a haláái da gəlee kələn. Ɉaláá laa həli mun a nɛ̨ŋɛ̨n mąąhvaalɛɛ woo ɓo mɛ̨i Yai-Laa lííla Dɔ́n ti kulɔ mɛ̨nį ɓa mą.

Levetekɔ 17:15

«Nui lɔpee! Ə kɛ a nɔi lon, ə kɛ a nwɛ̨ą, a huwɔ haa gbɔwɔ ɓa mįi, awala kɛ tii, lɔwɔ huwɔ ta ə wolo mą, ə baa, nui a mįi, mąąnɛ̨ɛ̨ mąą nu ə mąą həɠə waa, ə gbinį waa a yá, tɔ́n a kɛ mąą nu ɓa a mąą yələ, ə lɛɛ ɉu yələ ə wulu, nąąlɔwai ɓə mąą a həɠə la.

Levetekɔ 22:6

Nui a tunwɔ̨n ɉɛnŋąąi tii ta ɓa, mąą a liɓi, ə lɛɛ ɉu yələ ə wulu; hva pɛli ɉaláá kɔ̨nɔ̨n mąą həɠɛɛ ta mįi, hvo kɛ li a gbɛa nwaa.

Lonon mo 19:7

Yili pulu, ɉaláá laa həli mun ə mąąhəɠəɠaa waa, ə gbinį waa a yá; yili pulu, ə tɛ taai. Kɛlaa, tɔ́n a lɛɛ mą ə lɛɛ ɉu yələ ə wulu.