Levetekɔ 11:2 - Yálá laawoo hɛɓɛ (dc)

² «Ka mɛ̨nįi ŋɛ̨i ɓo Israɛlə lonnii diɛ, kaa diɛ: Yɛnɛ̨ɛ̨ huwɔɠaa kəlee lɔwai, yiiɠaai ka pɛli di mįi, diɛ ka:

Yálá laawoo hɛɓɛ

² «Ka mɛ̨nįi ŋɛ̨i ɓo Israɛlə lonnii diɛ, kaa diɛ: Yɛnɛ̨ɛ̨ huwɔɠaa kəlee lɔwai, yiiɠaai ka pɛli di mįi, diɛ ka:

Bible

² “Ka m̀ó Eezuɛ-ŋai dîa kâai, zua-ŋai ŋí ƃé ka pɔ̂ri miî ǹɔ́ɔ fɛnɛ-sãai kélee sáma ǹɔii mai.

Levetekɔ 11:2 Referans Kwoze

Hebreu 9:10

Kɛlaa, yiliɠaai kɔwɔ hvilɛnŋąąi lɔ kɛ, laa mįi mə̨nį, da kpələ hɛn mɛ̨nį, da nu mąą waa pələɠaa diɛ, dɔ́nŋaa tii di kɛ lɔ a ɲɛ̨i kɛ mąą, ə lɛɛ ɉu, ɲələ leelee yɛ həli mą.

Maafîu 15:11

Hɛn nɔpee nu a dɛ na, hva mąą liɓi. Kɛlaa, yii a kulɔ nu la, ya ɓə a mąąliɓi.»

Levetekɔ 11:11

Mąąnɛ̨ɛ̨ ka di kaa a huwɔɠaai tɔ́n gaa diɛ, mąą hvo nɛ̨ɛ̨li ka hvo di huwɔ mįi, ɛlɛɛ ka di powa kaa a hɛn mąąliɓiɛ.

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.

Danîa 1:8

Daniɛlə ə giliŋąhiɛ, yɛ diɛ: «Mąą hvo nɛ̨ɛ̨li hvo gbɔwɔ kɔ́hɔɓo a tɔɔmun nwɔ laa mį́i hɛn, da nwɔ lɔɔi a kɛ gbələi.» Yili bə gɛ ə li, ə ɉu hvɛli gbɛtɛgbuwulu nwun nąmu ɓa, yɛ mą: «Və́ bɔ və́ gɔ́hɔɓo a gɔ̨nɔ̨nŋaai tii.»

Izikiɛ 4:14

Ŋą́ nwoo pulu pənə, gɛ́ mą: «Yai-Laa, nwɔ́ Yálá, və́ ta dɛ́a mįi li; ə həɠə nólókolo yələ ɓa, ə həli la háákəlee ɓa; huwɔ powa, awala kɛti, huwɔi mɛlan ɉuwɔ aa wolo mą; və́ ta da mįi li; huwɔ yii tɔ́n gaa mą, da hvo ta lɔ li ná.»

Levetekɔ 11:39

«Ɉuwɔɠaai di kaa a ka kɔ̨nɔ̨n, da a haa gbɔwɔ ɓa, nui a ɲee pɛlɛ ɓɔwa ɓa, a tɔ́n ɉəɠə ə lɛɛ ɉu yələ ə wulu.

Levetekɔ 11:34

Akɛ yá ɓə kɛ ɉɛnɲaŋąi tii hu, ɲái tii a taɠa kɔ̨nɔ̨n ma, gɔ̨nɔ̨n tii a kɛ a mąąliɓiɛ; a kɛ a kpələ hɛn lɔpee, mąą a liɓi.

Levetekɔ 11:29

«Huwɔɠaai da tala lɔi ɓa, yiiɠaai tɔ́n gaa diɛ, diɛ ka: Ɉɛ̨ŋɛ̨, ɲinɛ̨, kwələ huwui lɔpee,

Levetekɔ 11:21

Kɛlaa, koon-koon ɉɛnŋąąi di kɔ́wɔ kaa di mu nąąn, daɠaa kaa laa, ka pɛli mįi, diɛ ɓaa: yiiɠaai di kɔ́wɔ kaa diɛ, di wɛla ə ɓo diɛ, diɛ pɛli teen ɉii la lɔi mɛ̨i.

Levetekɔ 11:13

«Nwɛ̨niɠaa lɔwai, yiiɠaai tɔ́n gaa mą, mąą hvo nɛ̨ɛ̨li ka hvo mįi, diɛ ka: kuwɔ, kuwɔkpaan da yápɔ-kuwɔɠaa kəlee, ka hvo da mįi.

Levetekɔ 11:9

«Yái huwɔɠaa lɔwai, yiiɠaai ka pɛli di mįi diɛ ka: Yái huwɔ lɔpee, ə kɛ a gboloyá hu huwɔ, ə kɛ a tɛɛyá hu huwɔ, gala ə ɓo mą, ka pɛli mįi.

Levetekɔ 11:4

Kɛlaa, ɉuwɔɠaai da kɔ̨nɔ̨n mįi diɛ pənə diɛ dɛ di lá di kɔ́wɔ ɲąnin mɛla hvo ɓoli ɉu hveelɛ, ka hvo da mįi; diɛ ɓaa: Ɲɔ̨ɔ̨mɛ̨ɛ̨, mąąhɔlɔɓo, bələi mąn a kɔ̨nɔ̨n mįi la, yɛ pənə yɛ dɛ ná, gɔwɔ ɲąnin və ɓɛlaɓo li ɉu hveelɛ, tɔ́n gaa mą.

Levetekɔ 11:1

Yai-Laa yɛ Moisə da Aarɔn diɛ:

Levetekɔ 11:3

Huwɔi lɔpee gɔwɔɲąnįn mɛlaɓoɔ ɉu hveelɛ, diɛ kɔ̨nɔ̨n mįi diɛ pənə diɛ dɛ di lá diɛ ɉu mįi, ka pɛli ka di mįi,