Nwɔ̨n da ə kulɔ Yai-Laa lííla, ɉaláá hɛnŋąąi kɛ ɉaláá kulɔ kəhi mɛ̨i da ɉuwɔ wulɔɠaa, ə di kələn. Nuą kəlee di nąą kaa, di tómą a kwəinɛ̨ɛ̨, di pɛlɛ di liiɓa nɔi ɓa.

Gade chapit la

Samia Veerɛi 6:7

Yai-Laa ə nii ŋąnwąną kpɔ kɛnɛ̨ Uza pɔ, ə nɛ̨ɛ̨ mą ə gɛlɛ, ɉɔn tii mąą mɛ̨nį ɓa. Ə haa kpɔlɔɔ laa Yálá nwɔ kəhii kwɛlɛ.

Gade chapit la

Korɛntə dɔlɔɔ 10:11

Mɛ̨nįɠaai kpɔ tii di gɛ, di yiliɠaai pɛ̨ɛ̨, ə gɛ, ə kɛ a mɛ̨nį kɔɔn mąą, di bɛ̨ɛ̨, gu mąąkwɛli mɛ̨nį ɓa, guɔi gu kaa lɛɠɛi ɲɛ̨nɛ̨ɛ̨ ɲąąkpɛɛi lɔwai ŋɛ̨i ɓa.

Gade chapit la

Gɛlaɠaa 5:10

Ɲąąɓa, nɛ̨ɛ̨nui ti ə too Piɛrə kɔ́wɔ mu, ə haa. Ɓɛlɔwai ɉilɛlɛai di paa la, di gaa aa haa; di ɉəɠə dəli la, di noo ɉilɛ kwɛlɛ.

Gade chapit la

Gɛlaɠaa 5:5

Nwooɠaa ti mɛ̨n Ananiasə ə mo, ə too, ə haa. Nuą kpɔ mɛ̨nįi ti mɛ̨n, ɲɔw kɛnɛ̨ ə too di hu.

Gade chapit la

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Gade chapit la

Kɔlɔnikɔ Maa-ŋuŋ 24:2

Nadavə da Avihu di haa di nąn dɔwɔ, di hvo lon gaa. Di ɉaláá kulɔ kóloɠaa hee Eleazarə da Itamarə di nwuɔ̨.

Gade chapit la

Kɔlɔnikɔ Maa-ŋuŋ 15:13

Gɔwɔ tɔɔi lɔwai ka hvo kɛ ɓɛ, yili ɓə gɛ Yai-Laa gu wɔ Yálái ə haa too ku lɔwai. Mąąhɔlɔɓo ku hvo kɛ hvilɛn ni nwoo pulu.

Gade chapit la

Kɔlɔnikɔ Maa-ŋuŋ 13:10

Yai-Laa nwɔ liiholi ə ɓɛla Uza mɛ̨i, Yai-Laa ə nɛ̨ɛ̨ mą, ə Uza paa laa ɲąąɓa. Mąąhɔlɔɓo, aa kɛ ɲee hee mįnɛ̨ kəhi ɓa. Nąą lɔ ɓə ə haa laa Yálá lííla.

Gade chapit la

Tɔɔɓɛlaa veelɛ 1:12

Kɛlaa Eli yɛ diɛ: «Akɛ Yálá kwəi mɛ̨nį hukulɔ mun mąą a ɲą́ą́, gɛ́ nwɔ̨n ə kulɔ yələi ə ə́ kələn ka ə́ pɔ nuą!» Ɲąąɓa Yálá ə nwɔ̨n dɛɛ ə di kələn.

Gade chapit la

Tɔɔɓɛlaa veelɛ 1:10

Kɛlaa, Eli yɛ gɔ́laɠa nwun nąmu tii ɓa: «Akɛ Yálá kwəi mɛ̨nį hukulɔ mun mąą a ɲą́ą́, gɛ́ nwɔ̨n ə kulɔ yələi ə ə́ kələn. Ka ə́ pɔ nuą!» Ɲąąɓa, nwɔ̨n ə kulɔ yələi ə gɔlaɠa nwun nąmu tii da nwɔ kɔ́kulááɠaai kələn.

Gade chapit la

Samuɛlə dɔlɔɔ 6:19

Bɛtə-Sɛmɛsə nuą lɔwai, Yekonia lonnii di hvo gɛ di hvo di kwəinɛ̨ɛ̨ ɓɛlɔwai di Yai-Laa nwɔ kəhii kaa la. Yili ɓə gɛ, Yai-Laa ə nu pow mɛ̨ihveelɛ paa di lɔwai. Nuąi lɛɛ a di hvulú, di wɔlɔ, mąąhɔlɔɓo, Yai-Laa aa kɛ mɔ̨nɔ̨ kɛnɛ̨ laa di mɛ̨i.

Gade chapit la

Levetekɔ 16:1

Aarɔn non ɉinąą hveelɛi tii pa a nwɔ̨n lúwɔ́ hvo mą Yai-Laa lííla, di haa pulu, Yai-Laa yɛ Moisə ɓa:

Gade chapit la

Levetekɔ 10:5

Di lɛɠɛ laa, də li a diɛ ɉįi pulu pələ, di di lɛɛ di wɔ haláá kulɔ həɠəɠaai hu, yɛ bələi Moisə ə mo la.

Gade chapit la

Lɛɛ gbɔwɔ ɓa 24:1

Yai-Laa yɛ Moisə ɓa: «'Tɛ ɲee nwuɔ̨, ka Aarɔn, Nadavə, Avihu da Israɛlə kalanɉon pow mɛ̨ihveelɛi. Ka lɛɛ kwɛa la ka pɛlɛ ka liiɓa.

Gade chapit la

Tɔɔɓɛlaa dɔlɔɔ 18:38

Yai-Laa ə nwɔ̨n gulɔ yələi, ə ɉaláá hɛnŋąą kələn, ə gwɛi kələn, ə gwɛniɠaa kələn, bɔlɔi di gulɔ di dɔɔ, ə kəlee kələn, ɲái kɛ nowa hu, ə gbala.

Gade chapit la

Zôo 1:16

Ə lɛɛ lɔ nwoo hukulɔi, da kpɛli ə pa, yɛ diɛ: «Yələ gbąnąą aa too mɛlaaɠaa diɛ, aa di paa, da di mɛ̨i kaa nuą kəlee, aa di kəlee di kələn; ɲą́ą́ dɔ̨nɔ̨ lɔ ɓə kulɔ ɉu, gɛ́ pa nwɛlɛɛ ɓoi.»

Gade chapit la