Levetekɔ 1:10 - Yálá laawoo hɛɓɛ (dc)

¹⁰ «Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Yálá laawoo hɛɓɛ

¹⁰ «Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Bible

¹⁰ “À kɛ̀ ŋɔkéreŋ sama-sɛŋ káa a ƃála kpaa ƃoli, é kɛ́ a zirɛ nyii pɔ́ɔ fé mai.

Levetekɔ 1:10 Referans Kwoze

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Malasi 1:14

Kpalo ɓɛlaai hvulu mun ma, yai a daatɛlɛɛ hilɛ kɔ́lɔi pɔ̨nɔ̨ɔ̨ lɛlɛɛɠaa a di həɠə ɉu a Yálá nwɔɔ, yɛ di lɛɛ ɲəi daatɛlɛɛ kwənąn ɉu, yiiɠaai kiliin ɉi ɲɔ̨nwɔ̨ɔ̨ kaa mą, yɛ bili gee mɛ̨i, yɛ gulɔ a haláá mą́ą́. Kpalo ɓɛlaai mąą nu ɓa, mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, gáá a Yálái gaa a tɔɔmun, hį́i kəlee diɛ ɲɔw nwɔ huwalawala ɓa.

Levetekɔ 22:19

ka kɛ bɔ di di yee hee mu, mąąnɛ̨ɛ̨ ɉaláá hɛn ə kɛ a taatɛlɛɛ hilɛ, kpɛɠii hvo kɛ mą, yɛ ə kɛ a nįŋɛ̨, ɓɛlaa, a wala kɛ tii ɓooli.

Levetekɔ 4:23

nɛ̨ŋɛ̨n ə ɉəɠə da nɛ mą, mąąnɛ̨ɛ̨ ə pa a ɓolu hilɛ yii kpɛɠii hva kɛ mą.

Lɛɛ gbɔwɔ ɓa 12:5

Mɛlaa lon, di kaa pai gɛi la, mąąnɛ̨ɛ̨ ə kɛ a ɉilɛ, aa kwɛlan dɔ̨nɔ̨ kɛ, kpɛɠii hvo kɛ mą, gɔlɔi pɔ̨nɔ̨ɔ̨, ka pɛli ka ɉəɠə ɓɛlaa lonnii, awala kɛ tii, ɓolu lonnii lɔwai.

Zɛnɛse 8:20

Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Zɛnɛse 4:4

Abɛlə yaan, ə pa a nwɔ ɓɛlaaɠaai non dɔlɔɔɠaa kəlee ə gulɔ Yai-Laa ɓa a haláá. Yai-Laa ə ɲɛ̨i lɛlɛɛ hee Abɛlə nwɔ kɔ́ɓo hɛn ma,

Piɛrə dɔlɔɔ 1:19

kɛlaa, ə kɛ a ɲąmąi mąą mɛ̨nį nwąnąą, yɛ ɓɛlaa lon kiliin ɉii ɲɔ̨nwɔ̨ɔ̨ hvo mą, da pɔɔ lɔpee ta, ya ɓaa a Kristə ɲąmą,

Lonon mo 15:5

Akɛ ɓɛlaa lon mə ka káá gələn ɉii, a wala kɛ tii liilaa haláá ɓə ka káá gulɔi, ka lɔɔ litɛlɛ tɔ̨nɔ̨ da gbulɔ pɛlɛ mą.

Izikiɛ 43:22

Vóló veelɛ yələ, yá pa a ɓolu hilɛi kpɔi hva kɛ mą; ə kɛ a yii da nɛ̨ŋɛ̨n gulɔ la ɉaláá kulɔi ɓa; yɛ bələi ka niŋɛ̨ lon nwɛi kɛ la.

Levetekɔ 3:1

«Nu ta a kɛ bɔ ə liilaa haláá kulɔ, a kɛ taatɛlɛɛ kpɛa-kpɛa ta ɓə, a gɛ a ɉilɛ, a wala kɛ tii, ɉaa. Mąą hvo nɛ̨ɛ̨li, hɛn ə́ kaa Yai-Laa kɔ́i la, kpɛɠii hvo kɛ mą.

Levetekɔ 4:3

«Akɛ ɉaláá laa həli mun di ɉee diɛ nwulɔ mąąhəɠɛɛ lɔ mą ya ɓə nɛ̨ŋɛ̨n ɉəɠə, ə nɔi nuą kəlee kɛ la tii a nɛ̨ŋɛ̨n ɉəɠə nuą. Mąąnɛ̨ɛ̨ ə pa a nįŋɛ̨ hilɛ lon kpɛɠii hvo mą Yai-Laa pɔ, a nɛ̨ŋɛ̨n tii ə ɉəɠə mąąhvaalɛɛ haláá.

Levetekɔ 5:15

«Nu ta a Yálá laa kala nɛ̨ŋɛ̨n ɉəɠə dɛɠii, yɛ Yai-Laa kɔ́ a ɲɔ̨nwɔ̨ɔ̨; mąąnɛ̨ɛ̨ ə pa a bɔɔŋą pɛli hɛn a ɓɛlaa hilɛi kpɛɠii hvo mą, ə ɉəɠə nwɔ taatɛlɛɛ kpulu hu, diɛ ɉɔ̨nwɔ̨ laa ɓo a wali, yɛ bələi bɛlɛ́ mąąhəɠɛɛ mu wali kaa la, ə naa həli a bɔɔŋą pɛli haláá.

Levetekɔ 9:2

Yɛ Aarɔn ɓa: «Nįŋɛ̨ lon gwɛli, nɛ̨ŋɛ̨n ɉaláá mɛ̨nį ɓa, da ɓɛlaa hilɛ tɔ̨nɔ̨ haláá yii da gəlee kələn mąą mɛ̨nį ɓa, kpɛɠii hvo kɛ veelɛi tii ta ɓa. Ə́ di laa həli Yai-Laa ɓa.

Levetekɔ 14:10

«Voló mɛ̨ihaaɓa yələ, ə ɓɛlaa hilɛ lon veelɛ həɠə, kpɛɠii hva kɛ diɛ, kwɛlan dɔ̨nɔ̨ ɓɛlaa lon ɉaa tɔ̨nɔ̨, kpɛɠii hva kɛ mą, lɛɠɛ hunwɔ̨ kəgən ɉu mɛ̨inąąn a haláá hɛn, ə ɲɔwɔn a wulɔ, ɛlɛɛ kəgən gbulɔ wulɔ hu.

Levetekɔ 16:3

«Ɉɛn mąąnɛ̨ɛ̨ ə kɛ Aarɔn yəi yɛ lɔ la gee kaa kələ mu ya ka: Nįŋɛ̨ hilɛ gbɔn dɔ̨nɔ̨, yii gaa a nɛ̨ŋɛ̨n mąąhvaalɛɛ haláá hɛn, ə ɓɛlaa hilɛ tɔ̨nɔ̨ kulɔ a haláái da gəlee kələn.

Levetekɔ 16:5

Israɛlə lonnii di pɛlɛ di kee ɓa, di ɓolu hilɛ hveelɛ tɛɛ bɔ a nɛ̨ŋɛ̨n mąąhvaalɛɛ haláá hɛn, di bɛlɛ ɓɛlaa hilɛ tɔ̨nɔ̨ ɓa, yii da gɛ a haláái da gəlee kələn.

Levetekɔ 23:12

Voló tɔ̨nɔ̨i tii yee mu, mąąnɛ̨ɛ̨ ka haláá kulɔ Yai-Laa ɓa a kwɛlan dɔ̨nɔ̨ ɓɛlaa lon, yii kpɛɠii hva kɛ mą, a haláá hɛn da gəlee kələn,

Lonon mo 6:14

A pa a kwɛlan dɔ̨nɔ̨ ɓɛlaa hilɛ lon kpɛɠii hva kɛ mą, a Yai-Laa kɔ́ hɛn a nɛ̨ŋɛ̨n mąąhvaalɛɛ haláá hɛn, ə bɛlɛ ɓɛlaa hilɛ tɔ̨nɔ̨ ɓa yii kpɛɠii hvo mą, a liilaa haláá.

Lonon mo 19:2

«Ɲɛnɛ̨ɛ̨ hon bələ ta ka; Yai-Laa ɓə mo. 'Mo Israɛlə lonnii diɛ di pa ə́ pɔ a nįŋɛ̨ háá kpɔluɔ, pɔɔ hva kɛ mą, mąą kulɔi hva kɛ mą, a nįŋɛ̨i hvo nii kóló kɛ li.