Korɛntə veelɛ 9:2 - Yálá laawoo hɛɓɛ (dc)

² Ŋą́ ka wɔ kiliŋąhiɛ lɛlɛɛ kɔ́lɔn, ɛlɛɛ, ŋą́ ɲɛ̨́i pono la Masedoanə lɔi hu nuą ɲɛ̨i ɓa; ŋą́ kɛ kɛi diɛ: Akaiə yee ɲąą pɛliɛi, gwɛlan dɔ̨nɔ̨ ka; ɛlɛɛ, ká wɔɔ tɔɔ a nwąnąi laa tii, aa kalan gbɔn damąą lii muhəɠə a nɛlɛɛ.

Yálá laawoo hɛɓɛ

² Ŋą́ ka wɔ kiliŋąhiɛ lɛlɛɛ kɔ́lɔn, ɛlɛɛ, ŋą́ ɲɛ̨́i pono la Masedoanə lɔi hu nuą ɲɛ̨i ɓa; ŋą́ kɛ kɛi diɛ: Akaiə yee ɲąą pɛliɛi, gwɛlan dɔ̨nɔ̨ ka; ɛlɛɛ, ká wɔɔ tɔɔ a nwąnąi laa tii, aa kalan gbɔn damąą lii muhəɠə a nɛlɛɛ.

Bible

² kpɛ́ni fêi, ŋá gɔ́lɔŋ a gɛ́ɛ kákpɛtɛɛ̂i, nyíi ŋa maa-yoŋka teêi kámɛni ma Masadonia-ƃelai ŋɛi. Ŋá mò a gɛ́ɛ Ɛkeya e gbîŋ kpɛ̀tɛ góraŋ tɛ̀ɛ ti zu; ǹyaŋ káwɛli-kɛ-maai a ǹúui damaa líi mu siɣe.

Korɛntə veelɛ 9:2 Referans Kwoze

Korɛntə veelɛ 8:10

Liɛwoo ka ti gáá dɛɛ ká pɔ yili hu: Hvo gaai, yili ɓə bɛliɛ káá, gwɛlan tɛɛ, káá ɓə kɛ a nu tɔlɔɔɠaa, gilii ti ə too káá, káá gɛ.

Korɛntə veelɛ 8:8

Və́ moi yɛ ŋą́ kɛli tɔ́n naa ká mɛ̨i yili hu, kɛlaa, ŋą́ kɛi nu takpɛliɠaa kwəinɛ̨ɛ̨ pələ hukulɔ káá, gáá bɔ ká ká wɔɔ wɛlikɛmąąlaa lɛ kpɔ ɉu a neelee.

Korɛntə veelɛ 8:24

'Ká ká wɔɔ wɛlikɛmąąlaa lɛ kani diɛ a neelee, galan gbɔnŋaa ɲɛ̨i ɓa; ɛlɛɛ, ku kpɔwɔ ɲąąkɛnɛ̨i kwa mo ká mąą mɛ̨nį hu, 'ká nɛ diɛ, káá, tɛ̨ą kaa ku pɔ.

Hebreu 10:24

'Ká gu gu keeni mɛ̨ikaa, guɔ gu kee lii muhəɠə wɛlikɛmąą laa pɔ pələ, da mɛ̨nį lɛlɛɛ kɛɛ.

Korɛntə dɔlɔɔ 16:15

Ną́n nonnii! Mɛ̨nį tɔ̨nɔ̨ ɓə gáá ɉu hvɛlii káá, 'ká kili kaa ɉu, Stefanasə da ɲəi bɛlɛ́n nuą ɓə kɛ a Akaiə nuą dɔlɔɔ, diɛ di kpɔwɔ kɛ a nu mąąhəɠɛɛɠaa di wɔɔ tínuą.

Tɛsalonikə dɔlɔɔ 1:7

Yili ɓa, káá kɛ kɛa a kɔ́ɔnmąą lɛlɛɛ, Masedoanə da Akaiə laa na nuą kəlee diɛ.

Korɛntə veelɛ 8:19

Ɛlɛɛ nwɔ̨nɔ̨, yaa ɓə galan gbɔn gəlee di di yee lɛ mą, ə kɛ ku pɔ, ku wɔɔ hiɛɠaai hu, nú-kpɔwɔlaa kólói ŋɛ̨i hu, a gólói ku kaa gɛi, gu Nąmu kpinįi laa mąąwiɛ mɛ̨nį ɓa, ɛlɛɛ, ku wɔ kiliŋąhiɛ lɛlɛɛɠaa pɔ mɛ̨nį yɛ kɛ.

Korɛntə veelɛ 7:4

Kilitɔɔmąą laa kɛnɛ̨ɛ̨ kaa ɲə́i, ká mąą mɛ̨nį ɓa, ɲɛ̨i pono kɛnɛ̨ɛ̨ kaa ɲə́i ká mąą mɛ̨nį ɓa, gwə́inɛ̨ɛ̨i kpɔ kɛnɛ̨ ku wɔ mɔ̨nmɔ̨ɠaa kəlee hu.

Korɛntə veelɛ 1:1

Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun, kwa gu nąn non Timote ɓə ɉɛɓɛ́i ŋɛ̨i tɛɛi Yálá ŋą kpɔn ɓa, yai gaa Korɛntə, ə mą kɛ, galan nɛai di kaa Akaiə nąą kəlee.

Gɛlaɠaa 18:12

Galiɔn nwɔ ɲąąwooɓo yələ, Akaiə lɔi hu, Ɉuifəɠaa di wɔɔ yowolaa ə hvilɛn Polə ɓa, di ɉon di li la gití haɠa ɓa.

Gɛlaɠaa 24:17

«Gwɛlan damąą kulaa ɉu, ŋą pənə ŋį́ pa nwɔ́ nuąi pɔ a mɛ̨inɛ̨ɛ̨ wali da Yálá kɔ wali.

Lomaŋ 15:26

Mąąhɔlɔɓo, Masedoanə nuą da Akaiə nuą daa di kiliŋąhiɛ ə gɛ di mɛ̨inɛ̨ɛ̨ kɛ Yálá nwɔ nuą Ɉerusalɛmə diɛ, mąąhɔlɔɓo di yee ɲą aa kpɛɛ.

Korɛntə veelɛ 7:14

Mąąhɔlɔɓo, gbɔ́wɔ́ ɲąąkɛnɛ̨i ŋį́ mo ɲɛ̨i ɓa, ká mąą mɛ̨nį hu, və́ nwúmɛ̨ li yili hu, kəlee, yɛ bələi kwa kɛ tɛ̨ą ɓoi la káá a yələ kəlee, ɲɛ̨i ponoi ku ɉɔlɔɓo ká yəi, káá nɛ a tɛ̨ą Titə ɲɛ̨i ɓa.

Korɛntə veelɛ 8:11

Yiihu kani, 'ká ká yee laa kulɔ; a kɛ tii, mɛ̨nįɠaa káá mąą kili tee ká kwəi a nɛlɛɛ, naa a kulɔ ká yəi, yɛ bələi ká yee pɛlimąą mɛ̨nįɠaa kaa la.