Korɛntə veelɛ 7:5 - Yálá laawoo hɛɓɛ (dc)

⁵ Hvo gaai, bələi mąn ku paa la Masedoanə, ku hvo hvįįtɔɔ hɔlɔɓo, kɛlaa mɔ̨nɔ̨ huwu lɔpee ə həli kuɔ; di kɔ pɛlɛ kuɔ ɲɛnɛ̨ɛ̨ pələ, ɲɔw yɛ ɓo ku hu pələ.

Yálá laawoo hɛɓɛ

⁵ Hvo gaai, bələi mąn ku paa la Masedoanə, ku hvo hvįįtɔɔ hɔlɔɓo, kɛlaa mɔ̨nɔ̨ huwu lɔpee ə həli kuɔ; di kɔ pɛlɛ kuɔ ɲɛnɛ̨ɛ̨ pələ, ɲɔw yɛ ɓo ku hu pələ.

Bible

⁵ Kpɛ́ni fêi, tãi máŋ ku pà la Masadoniai, kúkponôi fe vii tɔ̂ɔni, kɛ́lɛ, ku kɛ́ nɔ́ mɛni-kpɔ̂lu su kwaa kélee ma-kwa ǹaa-ƃela ku kɛ̀ laa-saa kɛ̂i, yao kɛ́ ƃo kúkɔlɔ̂i.

Korɛntə veelɛ 7:5 Referans Kwoze

Korɛntə veelɛ 2:13

kɛlaa, níí hvo kɛ laa li gwə́i, mąąhɔlɔɓo, və́ ną́n non Titə kaa. Ŋį́ yələ wala kɛ diɛ, gɛ́ kɛa li Masedoanə lɔi hu.

Dutɛrɔnome 32:25

Da hvilɛn taa pɔ, kɔ́ kɔ́ ɓɔwa ə di lonnii kulɔ di yəi, da lɔ bɛlɛ́n, ɲɔwu aa daa tɔɔlaa. Laŋąlon da halakpɛla di hɔɔ kwɛni a kɛ tɔ̨nɔ̨. Ɲini kpələ lon da hulɔ golo pɔlɔ di haa pələ a kɛ tɔ̨nɔ̨.

Gɛlaɠaa 20:1

Yii kɛa di nu kpulu ɲąąyɛɛ, Polə ə galan nɛa təli, ə di hvaŋąlɔ, ə yələ wala too diɛ, yɛ li Masedoanə lɔi hu pələ.

Tɛsalonikə dɔlɔɔ 3:5

Yɛ bələi vá pɛli kɛ níikpələ la, və́ nąą mąąkpɔn, ŋą́ nu tɔɔ ə pa ə ká wɔ laa na laa mąą wɛlɛɛ həɠə, ə paa la, ŋį́ kɛli ɲɔw, gɛ́ kɛ, ɲąąhɛn kɛmun hvo pa ká ɲąąhɛn, mɔ̨nɔ̨i ku mįi, hvo pa lɛɛ a kpɛli.

Galatə 4:11

Ɲɔw kaa ɉú ká mąą mɛ̨nį ɓa, akɛti góló kɛnɛ̨i ŋį́ gɛ káá, ə lɛɛ mɔ̨ɔ̨ a kpɛli!

Korɛntə veelɛ 2:9

Gbala ə tɔɔ, ɉɛɓɛ́i ŋą́ dɛɛ káá, yii lɔ kɛ gwə́i, ya ɓaa, ŋį́ ká hukɔɔn, akɛ ká lɛɛ nwoo mu kɛ mɛ̨nį kəlee hu.

Korɛntə veelɛ 2:3

Nwɔ́ hɛɓɛ́i pɛ̨ɛ̨ nwun ni kɛ. Və́ kɛ bɔ, ŋą́ pa laa, və́ kɛ liiɲąnwąną hu, a nuąi mąą nɛ̨ɛ̨ di gwə́inɛ̨ɛ̨ di laa pɔɔ. Nwɛ́i náái kpɔ tii na, gɛ́, yii kpɔ hvilɛn na ká mąą mɛ̨nį, nwɔ́ kwəinɛ̨ɛ̨ kaa lɔ a káá kpɛlimąn ká wɔɔ kwəinɛ̨ɛ̨.

Korɛntə dɔlɔɔ 16:5

Gáá pai Masedoanə hu ɓɔi, gɛ́ pa ka pɔɔli.

Korɛntə dɔlɔɔ 15:31

Yələ kəlee, gáá tɔɔni haa wolo la, ną́n nonnii, gáá moi káá a tɛ̨ą, káá ɓə a nwɔ́ɔ́ kpɔwɔɲąą kɛnɛ̨ gu Nąmu Kristə hu.

Ɉeremi 45:3

Máá aa wɛli, mɔ̨nɔ̨ɠaa daa laa mą́ą́, Yai-Laa kaa da laai mɛ̨i! Vį́į́ aa kpɛɛ, ŋą́ą́ wɔlɔ, ŋą́ą́ ɲiŋɛ; və́ hvįįtɔɔ hɔlɔɓoi.»

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Ɉeremi 8:18

Gáá mɔ̨nɔ̨ hu, yii naai hvo mą, ɉú aa haa,

Ɉeremi 6:25

Ka hvo kɛ ka káá lii yɛɛ kɔwɔ ta hu, ka hvo ɉon a pələ ta. Mąąhɔlɔɓo, ka yowoɠaa di wɔ kɔlaɠai pɛlɛɛ laa, aa kɛ a mɛ̨nį-o!

Azaya 33:12

Nɔi nuą kaa pai kɛi kələn ɉii yɛ kpolo kɔ́w, di kaa pai kɛi yɛ, ɲąąlənŋaai da dee, nwɔ̨n ɲɛ gələn.

Zôo 18:11

Mąąɲɔw mɛ̨nįɠaa kaa pai həlii mą pələ kəlee, diɛ hvilɛn bulu gɔwɔ hvilɛn ɉii tɛi tɛi kəlee.

Zɛnɛse 8:9

Kɛlaa, nwɛ̨ni tii hvo kɛɛnąą ta hɔlɔɓo ɓɛi a hee laa, mąąhɔlɔɓo, yá ə kɛ ni lɔi mɛ̨i. Ə pənə ə pa, Noe ə ɉon ə nɔ gələn ɉu.

Lomaŋ 15:26

Mąąhɔlɔɓo, Masedoanə nuą da Akaiə nuą daa di kiliŋąhiɛ ə gɛ di mɛ̨inɛ̨ɛ̨ kɛ Yálá nwɔ nuą Ɉerusalɛmə diɛ, mąąhɔlɔɓo di yee ɲą aa kpɛɛ.