Korɛntə veelɛ 7:4 - Yálá laawoo hɛɓɛ (dc)

⁴ Kilitɔɔmąą laa kɛnɛ̨ɛ̨ kaa ɲə́i, ká mąą mɛ̨nį ɓa, ɲɛ̨i pono kɛnɛ̨ɛ̨ kaa ɲə́i ká mąą mɛ̨nį ɓa, gwə́inɛ̨ɛ̨i kpɔ kɛnɛ̨ ku wɔ mɔ̨nmɔ̨ɠaa kəlee hu.

Yálá laawoo hɛɓɛ

⁴ Kilitɔɔmąą laa kɛnɛ̨ɛ̨ kaa ɲə́i, ká mąą mɛ̨nį ɓa, ɲɛ̨i pono kɛnɛ̨ɛ̨ kaa ɲə́i ká mąą mɛ̨nį ɓa, gwə́inɛ̨ɛ̨i kpɔ kɛnɛ̨ ku wɔ mɔ̨nmɔ̨ɠaa kəlee hu.

Bible

⁴ Náâi a káa kpɔ́ a ŋánaa. Ńii nɛɛ̂i kámɛni ma kpɔ́ a ŋánaa. Ńii láa fɛɛ̂i a ŋa-nɛnɛ. Kúmɛni-kpɔ̂lui kélee su, ńii nɛɛ̂i kpɔ́ a ŋánaa.

Korɛntə veelɛ 7:4 Referans Kwoze

Korɛntə veelɛ 1:4

Ya ɓə a gu liilaa, gu wɔ kwəi pilimąąɠaa kəlee hu, yɛ gɛ, guɔ pɛli, nuąi kwəi pilimąą hu di liilaai, a liilaai guɔ kpinįlee gwa ɉɔlɔɓo Yálá yəi.

Korɛntə veelɛ 3:12

Ku ɲɛ̨i kɛɛ mɔ̨ɔ̨ mɛ̨nį taaləi tii tɔwɔ, yili ɓə a ku wɔɔ laa na laa hvaŋą kɛ ɉu.

Zĩi 1:2

Ną́n nonnii, hu kɔ́ɔn mɛ̨nįɠaa da həli kaa, 'ká ká kwəinɛ̨ɛ̨ gəlee hu;

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Filipə 2:17

Ɉaláái ká wɔɔ laa na laa a gulɔ, da pɔ tíɓo, akɛ, naa kulɔ hɛn mąą a ɲą́mą, ŋą́ hvaa mą, ŋą́ dɛɛ ká pɔ, a gwə́inɛ̨ɛ̨.

Korɛntə dɔlɔɔ 1:4

Ŋą́ Yálá hɛɠɛɛ ɓo kaa mąą mɛ̨nį ɓa kpɛla pələi hvo mą, mɛ̨inɛ̨ɛ̨i aa gɛ kaa Jesus Kristə hu, mąą mɛ̨nį ɓa.

Tɛsalonikə dɔlɔɔ 2:19

Yili ɓa, ku wɔɔ kilitɔɔmąą laa ɓaa a lə? Lə ɓə a ku wɔɔ kwəinɛ̨ɛ̨? Ku kpɔwɔ ɲąą kɛnɛ̨ mɛ̨nįi a ku nwuɔ̨ ɓɔlɔ, gu Nąmu Jesus ɲɛ̨i ɓa, a ba yələ, ya ɓaa a lə? Kɛlɛi káá ɓə!

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.

Filipə 1:20

Yɛ bələi ɲɛ̨́i kaa la dɔwɔ a nwalawalaa, gílitɔɔ la mą, və́ pai nwumɛ̨i, kəlee, nwɔ́ kilitɔɔmąą laa kaa kpɔlɔɔ ɲee tɔ̨nɔ̨ mɛ̨i, yiihu, ə mą kɛ, a yələ kəlee, Kristə laa kaa pai tɛi ŋą́ yɛnɛ̨ɛ̨ hu, a pɛli ə kɛ, vúlú kɔwɔ ɲą, awala kɛ tii, a ɉáá mɛ̨nį.

Korɛntə veelɛ 11:21

Ku ɲɛ̨i paa mɛ̨nį kpɔ-kpɔɔ ka ŋɛ̨i gáá moi, ku ku kpɔwɔ lɛ lɔ yɛ hvįikpɛɛ nuą. Gáá hvaai yɛ ɓowomun, mɛ̨nįi da di kpɔwɔ ɲąą kɛnɛ̨ ɉu, ɲą́ą́ gbɛli ŋą́ gbɔ́wɔ́ ɲąą kɛnɛ̨ lɔ ɉu.

Korɛntə veelɛ 8:24

'Ká ká wɔɔ wɛlikɛmąąlaa lɛ kani diɛ a neelee, galan gbɔnŋaa ɲɛ̨i ɓa; ɛlɛɛ, ku kpɔwɔ ɲąąkɛnɛ̨i kwa mo ká mąą mɛ̨nį hu, 'ká nɛ diɛ, káá, tɛ̨ą kaa ku pɔ.

Korɛntə veelɛ 2:14

Yálá mąmą, yai a gɔ nɛ̨ɛ̨ guɔ a yələ kəlee Kristə haalai, ɛlɛɛ, yɛ gɔlɔn mɛ̨nį mąą kwəinɛ̨ɛ̨ lɛlɛɛ tɛ ku yee hu kɛɛnąą kəlee ɓa.

Korɛntə veelɛ 1:14

gbaa ə tɔɔ, káá gbɛa da wolo ɲąąkaa, káá kɛ, kuɔ ɓə a ká ɲɛ̨i pono mɛ̨nį nwun, yɛ bələi lɔ, ka káá la a kuɔ kpɛli ku wɛi, a gu Nąmu Jesus ŋą hvolói.

Lomaŋ 5:3

Yili pulu, mɔ̨nɔ̨ɠaai laai guɔ, gu kwəi a nɛ̨ɛ̨ ɉu. Mąąhɔlɔɓo, gu gɔlɔn guɔ mɔ̨nɔ̨ mį́ɛ hu ɓə, liikpələ kaa laa.

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Korɛntə veelɛ 7:14

Mąąhɔlɔɓo, gbɔ́wɔ́ ɲąąkɛnɛ̨i ŋį́ mo ɲɛ̨i ɓa, ká mąą mɛ̨nį hu, və́ nwúmɛ̨ li yili hu, kəlee, yɛ bələi kwa kɛ tɛ̨ą ɓoi la káá a yələ kəlee, ɲɛ̨i ponoi ku ɉɔlɔɓo ká yəi, káá nɛ a tɛ̨ą Titə ɲɛ̨i ɓa.

Korɛntə veelɛ 10:8

Mąąhɔlɔɓo, nwumɛ̨ hva pɛli tɛi a ɲą́ą́, ɉuwalawalai gu Nąmu Jesus ə dɛɛ bɔ́ ká hutɔɔ mɛ̨nį ɓa, ɉu, hvo dɛɛ li bɔ́, ká kala mɛ̨nį ɓa.

Filipə 1:14

Gɛ́ mɛ̨nį gaho ɲą, yili aa gu nąn nonnii tamąą di wɔɔ liikpələ ta kɛ mą, gu Ną́mu hu, di hva ɲɔw Yálá lawoo laa həli.

Filipə 1:26

Yili ɓa, ŋą́ pənə ŋą́ pa ka pɔ, gáái ká mo, mąąwiɛlaai ká yəi Jesus Kristə hu, da yɛ pɛlɛ mą.

Tɛsalonikə veelɛ 1:4

yili aa gɛ, káá ɓo a ku wɔɔ kpɔwɔ ɲąąkɛnɛ̨, Yálá ŋą kpɔnŋaai lɔwai, a ká wɔɔ tɔɔ a nwąnąi laa, ɛlɛɛ, ká wɔ laa na laa mɔ̨nɔ̨ɠaa da hukɔɔn mɛ̨nįɠaa hu, diɛi həlii káá.

Filemɔn 1:7

Gááyɔwɔ, ə́ wɔ wɛlikɛmąąlaa aa gwə́inɛ̨ɛ̨ kpɔ kɛnɛ̨, aa váŋąlɔ. Mąąhɔlɔɓo, ə́ yee hee mɛ̨nį nu mąąhəɠɛɛɠaa, a di liilaa yɛ di hvaŋąlɔ.