Korɛntə veelɛ 5:1 - Yálá laawoo hɛɓɛ (dc)

¹ Mąąhɔlɔɓo, ku kili kaa ɉu kuɔ, bɛlɛ́i ŋɛ̨i ku kaa mu ɓɛ yɛnɛ̨ɛ̨, gaa lɔ a ɓuwu, a pa kalai, pɛlɛ́ kpɔ-kpɔɔ kaa ku yəi, yai Yálá kpinįi ə dɔɔ, yələkɔlɔn ɉu pɛlɛ́ li, nu yee hvə dɔɔ li;

Yálá laawoo hɛɓɛ

¹ Mąąhɔlɔɓo, ku kili kaa ɉu kuɔ, bɛlɛ́i ŋɛ̨i ku kaa mu ɓɛ yɛnɛ̨ɛ̨, gaa lɔ a ɓuwu, a pa kalai, pɛlɛ́ kpɔ-kpɔɔ kaa ku yəi, yai Yálá kpinįi ə dɔɔ, yələkɔlɔn ɉu pɛlɛ́ li, nu yee hvə dɔɔ li;

Bible

¹ Ku gɔ́lɔŋ a gɛ́ɛ à kɛ̀ ǹɔii ŋí su-pɛrɛi kúkaa mui garâi, pɛ́rɛ káa kúyêei é kúla Ɣâla yêei, nyíi gáa a pɛ́rɛ dífe dɔɔ ni a díyêei. Gáa a wɔlɔ-wɔlɔ-pɛrɛ Ɣâla-taa.

Korɛntə veelɛ 5:1 Referans Kwoze

Zɔ̂ŋ Maa-ŋuŋ 3:2

Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

Hebreu 9:24

Ɉəɠə pɛlɛ́i nu ə dɔɔ a ɲee ɓɛ lɔi mɛ̨i, yai gaa a neelee mąą nįnįn, mu hvəə Kristə ə lɔ laa, kɛlaa, ə lɔ kpɔ yələkɔlɔn ɉu leelee, əgɛ, yɛ pɛli tɔɔi Yálá liila gu mąą mɛ̨nį ɓa.

Korɛntə veelɛ 4:7

Kɛlaa, ɉɛn gɔw ti, naaikɛɛi gu yəi ləɠi-kpɛli hu, ə gɛ, nuą diɛ pɛli gbaɠala kaai a nɛlɛɛ, diɛ kɛ ɉuwalawala kɛnɛ̨ taaləi ti ə həɠə Yálá pɔ, kuɔ hvəə.

Hebreu 9:11

Kɛlaa, Kristə ə pa ə kɛ a ɉaláá laa həli mun gɛnɛ̨, mɛ̨inɛ̨ɛ̨ɠaai gaa pai, di mąą mɛ̨nį ɓa. Ɉəɠə pɛlɛ́i gaa nwɔ tíɓo kɛi mu, gɛnɛ̨i, mąą mɛ̨nį pɛliɛ ɉu kpɔ hvɛɛ-hvɛɛ, hvo a nu kan ɲee pɔɔ, mukulaa ɓaa, hvo a ɲɛnɛ̨ɛ̨ ŋɛ̨i hu mɛ̨nį,

Zôo 4:19

A kɛ tii ləɠi pɔlɔ pɛlɛ mu nuą da kɛ ləi, diɛi da luwun, diɛ pənə a pɔlɔ? Diɛ di kiin naa nɛ̨ɛ̨ yɛ kolo.

Piɛrə dɔlɔɔ 1:4

a kwɛlin ɉɛn hva kpɔ pɛli kalai, hva kɔhɔɓo, hva luwun, gwɛlan ɉɛn tii, həɛi ká tɔwɔ yələi;

Korɛntə veelɛ 5:4

Ɓɛlɔwai gu kaa ni la ɲɛ̨nɛ̨ɛ̨ pɛlɛ́i ŋɛ̨i mui, gu kaa ɲiŋɛ̨i yɛ tiɛ̨ kɛnɛ̨ a kɛ gu nwuɔ̨, tɛ̨ą li, hvo kɛli gu kulɔ nu kɔ́lɔ hu, kɛlaa, ku kaa bɔ ku yələkɔlɔn ɉu nwɛi tɛ mą, ə gɛ, yɛnɛ̨ɛ̨ kpɛɛ hvo mą, ə hɛn haa kaa mą mąą hvalin.

Zɛnɛse 3:19

Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Markə 14:58

«Kwaa ta ɉulɔnui ŋɛ̨i woo mɛ̨n, yɛ kɛ diɛ: ‹Yálá hee pɛlɛ́i ŋɛ̨i nuą di dɔɔ, gáá pai bui, ŋą pənə ŋį́ da kpɛli tɔɔ hvóló haaɓa yee mu, yii nuą di hvo dɔɔ li.›»

Piɛrə veelɛ 3:11

Yɛ bələi Ɉɛnŋąa ti kaa pai kalai la ti, pələi mąąnɛ̨ɛ̨ ka túwɔ́ pələ ə kɛ la, kaa kpinįi kaa gbaɠala kɔ́lɔn. Ɓɛlɔwai ka káá Yálá pa hvóló mąąkpɔn ɉi la, ka ka ŋąą wala, ə gɛ, ə pa a mąą hulaa. Mąąnɛ̨ɛ̨ ka wɔ kanąn Yálá ɓa laa ə ka túwɔ́ pələ mąąhəɠə. Ba hvóló, nwɔ̨n a yələkɔlɔn gələn, hɛnŋąai kpɔ di kaa yələkɔlɔn ɉu di həɠeen.

Kolosə 2:11

Yaa tii ɉu ɓə, káá kɛ la a kɛ́nɛ̨-lonni, ka wɔ kɛ́nɛ̨ kuu hvo kɛ li, yɛ bələi nuą da gɛ la. Kɛlaa, yili ɓə a Kristə ŋą kɛ́nɛ̨ kui; yai gu wɔ nɛ̨ŋɛ̨n gɔlɔi kulɔ guɔ.

Zɔ̂ŋ Maa-ŋuŋ 3:19

Yili hu ɓə, gwa gɔlɔn na, guɔ gu kaa tɛ̨ą hu, ɛlɛɛ, gu kaa pai liilaa hɔlɔɓoi níila,

Zɔ̂ŋ Maa-ŋuŋ 3:14

Gu wɛi, gu kili kaa ɉu guɔ gwaa kulɔ haa hu, gwaa lɔ yɛnɛ̨ɛ̨ hu, hvó gaai, gwa gu nąn nonnii wɛlilakɛ. Nui wɛlikɛmąąlaa hvo ɉu gaa ni haa hu.

Hebreu 11:10

Mąąhɔlɔɓo, taai dɔɔ mun, da ɲɛlɛkɛmun gaa a Yálá kpinįi, ya ɓə Abrahamə ə kɛli mąąkpɔn.

Korɛntə dɔlɔɔ 3:9

Gbala ə tɔɔ, ku kaa kólo kɛi gii ɓa Yálá yəi ɲɛa, káá ɓə a Yálá ŋą tíi, a Yálá ŋą pɛlɛ́i.

Mąątɛ̨nɛ̨ 56:9

Yáá nwɔ́ mɔ̨nɔ̨ɠaai kəlee lono, ə́ yee hiɛ ɲɛ̨́i, ə́ ɲɛ̨́iyá kələ kpɛli mąn; kɛlɛi yili kəlee pɛ̨ɛ̨ ə́ wɔ hɛɓɛ́i hu?

Zôo 30:22

Yɛ́ li a ɲą́ą́ hvaŋą hoo mɛ̨i, gɛ́ həɠeen tulɔ ya kɛnɛ̨ hu.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Azaya 38:12

Daa nwɔ́ yɛnɛ̨ɛ̨ wɛan ɲə́i, daa li la kwəa la, yɛ ɓuwu haɠa. Gáá yɛ həɠə palamun, ŋą́ą́ həli nwɔ́ yɛnɛ̨ɛ̨ laa kulɔi, daa nwɔ́ yeei vani tee. Ə həɠə yələ wala pɔ ɓa, gɛɛ kpinį hvo pɛlɛ, yáá mą kpɛɛ a ɉú kalaa.

Gɛlaɠaa 7:48

«Kɛlaa ə mą kɛ tii, hɛn gəlee mɛ̨imun, hva hee nu tɔɔ pɛlɛ́ mu. Yɛ bələi Yálá kwəi mɛ̨nį hukulɔ mun ə mo la, yɛ kɛ: