Korɛntə veelɛ 4:7 - Yálá laawoo hɛɓɛ (dc)

⁷ Kɛlaa, ɉɛn gɔw ti, naaikɛɛi gu yəi ləɠi-kpɛli hu, ə gɛ, nuą diɛ pɛli gbaɠala kaai a nɛlɛɛ, diɛ kɛ ɉuwalawala kɛnɛ̨ taaləi ti ə həɠə Yálá pɔ, kuɔ hvəə.

Yálá laawoo hɛɓɛ

⁷ Kɛlaa, ɉɛn gɔw ti, naaikɛɛi gu yəi ləɠi-kpɛli hu, ə gɛ, nuą diɛ pɛli gbaɠala kaai a nɛlɛɛ, diɛ kɛ ɉuwalawala kɛnɛ̨ taaləi ti ə həɠə Yálá pɔ, kuɔ hvəə.

Bible

⁷ Kɛ́lɛ, dɔɔ-sɛŋ ŋí káa kúyêei pɔrɔ-leɣi su, nyíi a nɛ̀ a gɛ́ɛ ŋwála-wala su-kɛ́tɛi ŋí fa kûla kúyêei, kɛ́lɛ, a kûla Ɣâla yêei.

Korɛntə veelɛ 4:7 Referans Kwoze

Korɛntə veelɛ 5:1

Mąąhɔlɔɓo, ku kili kaa ɉu kuɔ, bɛlɛ́i ŋɛ̨i ku kaa mu ɓɛ yɛnɛ̨ɛ̨, gaa lɔ a ɓuwu, a pa kalai, pɛlɛ́ kpɔ-kpɔɔ kaa ku yəi, yai Yálá kpinįi ə dɔɔ, yələkɔlɔn ɉu pɛlɛ́ li, nu yee hvə dɔɔ li;

Korɛntə dɔlɔɔ 1:28

Hɛn yɛnɛ̨ɛ̨ dɔlɔ hvo mą, diɛ viiɓo, yii mąn hvo yɛnɛ̨ɛ̨, ya ɓə Yálá ə ɉəɠə, yɛ ɉɛn yɛnɛ̨ɛ̨, vaŋą hukala a diɛ.

Kolosə 2:3

A yai, kili mɛ̨nį da mɛ̨nį kɔlɔŋąą ŋą hɛngɔw kəlee kaa ɉu.

Woolaa 4:2

Siɔn lonnii di a di mąą mɛ̨ni nwąnąąi, yɛ hɛni hu waa, gɛ pələ a kɛ ləi yai, da di kɔɔn ləɠi-kpɛli ɓa, a yai ləɠi tɔɔmun a dɔɔ?

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Korɛntə veelɛ 10:10

gbala ə tɔɔ, daɠaa da kɛ diɛ: Nwɔ hɛɓɛ́ɠaai hu woo walawalaai, dɛɛ, gbinį lee ɓa, a kɛ ku lɔwai, nwoo vaŋą hvo ɉu.

Maafîu 13:44

«Yálá-taa tɔɔlaa kaa yɛ, hɛn gɔw yii noɔ tíi hu. Yii hulɔnu ta ə li, ə gaa, ə pənə ə mɛ̨i kpulu. Gwəi ə nɛ̨ɛ̨ kpɔ kɛnɛ̨, ə li ə ɲəi hɛn gəlee lɔwɔ́tɔɔ, ə pənə ə pa, ə díi tii ya la.»

Timote veelɛ 2:20

Pɛlɛ́ kɛnɛ̨ mu hɛnɲąŋą kəlee di hvo lɔ a: hɛni da wali kwɛli, daɠaa da kɛ a wulu, da ləɠi-pɔlɔ. Da daɠaa kɛ a di yee huɓo hɛnɲąŋą walawala, daɠaa di ɓo a hvįikpɛɛ kóló kɛ hɛn.

Korɛntə veelɛ 4:1

Yii yan, Yálá nwɔ ɲɛ̨imąąwɛlikaa hu, aa goloi ŋɛ̨i kalihvaɓo kuɔ, ku hvįi hva kpɛɛ gɛi.

Kolosə 2:12

Gu lowii di mo gwa diɛni, a mąąwaa ɓo, gwa diɛni gwaa nwɔ̨nɔ̨ nwun, gbala ə tɔɔ, ká laa Yálá ŋą huwalawalalaa la, yai nwun haa nuą lɔwai.

Zôo 4:19

A kɛ tii ləɠi pɔlɔ pɛlɛ mu nuą da kɛ ləi, diɛi da luwun, diɛ pənə a pɔlɔ? Diɛ di kiin naa nɛ̨ɛ̨ yɛ kolo.

Tɛsalonikə dɔlɔɔ 1:5

Gbala ə tɔɔ, nwɛlɛɛ lɛlɛɛi ku naa həlii, hvo kɛ pa li ká pɔ, a woo kpɛli-kpɛli, kɛlaa ə kɛ a huwalawalalaa, a Kili-Mąąhəɠɛɛ kɛ mɛ̨nį, naa kulaa kpɔ a neelee. Ɛlɛɛ, bələ kpɔ ɓə ə kɛ la, káá kpinįi ká kilaa ponoɔi tii ɉu, yili ə həli tii kuɔ ká pɔɔli, ká mąą mɛ̨nį ɓa.

Ifisiɛŋ 2:5

ɓɛlɔwai gu kɛ la a haa nuą a gu wɔ nɛ̨ŋɛ̨nŋaa la pɔɔ, ə yɛnɛ̨ɛ̨ tɛɛ gu pɔ, gwa Kristə ni, ká ɓalo lɔ a mɛ̨inɛ̨ɛ̨ kpɛli-kpɛli,

Korɛntə veelɛ 13:4

A tɛ̨ą di gbanwo kolɔwa ɓa, nwɔ hviikpɛɛlaa hu, kɛlaa, gaa a vulú, Yálá nwɔ huwalawala laa háálai. Ɛlɛɛ, kuɔ kpɛlimąn, ku hvįikpɛɛi Kristə hu, kɛlaa, ku kaa pai kɛi a ku hvulúmąą kwa diɛni, Yálá nwɔ huwalawala laa háálai ká pɔ pələ.

Nwun mąąɓo 7:2

Yai-Laa yɛ Zedeɔn ɓa: «Nu kpului ŋɛ̨i ə pɔ, gɛnɛ̨i, vá pɛli gɔ́ wiɛi Madian nuą mɛ̨i di yee hu, ə gɛ, Israɛlə lonnii di hvo pa di huɲąŋą kɛnɛ̨, diɛ kɛ diɛ: Di wɔ kuláálaa ɓə di yeetɛɛmąą kɛ la. Mąąwiɛi mąąnɛ̨ɛ̨ ə tɛɛ bɔ́, di hvo pa gɛ a di wɔɔ.

Korɛntə veelɛ 6:10

da ku liikələn ku kwəi, kɛlaa, ku kwəinɛ̨ɛ̨i lɔ a yələ kəlee, ku kaa a yeehowolo nuą, kɛlaa, kuɔ nu tamąą kɛ a hɛn gɔw nąmįną, ku hvɛɠɛɛ, kɛlaa yaamun, hɛn gəlee kaa ku yəi.

Maafîu 13:52

Yili pulu, yɛ diɛ: «Tɔ́n galamɔ̨ɔ̨i lɔpee gilaa a pono Yálá-taa tɔɔlaa mąą mɛ̨nį hu, a ɲee hee mu, a kɛ yɛ: pɛlɛ́ nąmu ta, yaai, a hɛn nįnɛ̨ hɔlɔɓo, nwɔ hɛn gɔw pɔlɔi hu.»

Zôo 10:9

Gbaɠala kaa yɛ́, yɛ́ ɓə bɛ́li a ləɠi pɔlɔ. Ya ka ə́ kaa bɔ ə́ pənə ə́ nɔ́ pɔlɔ hu.

Zôo 33:6

Yálá ɲɛ̨i ɓa, gwa yɛ́ gu kaa tɔ̨nɔ̨, ɲą́ą́ gbɛli mąn, di bɛ́li lɔ a pɔlɔ.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Tɛsalonikə dɔlɔɔ 4:4

Nu tɛitɛi ə nɛ̨ą laa hɔnmo mąąhəɠəlaa hu, da ɓɛlɛ laa;