Korɛntə veelɛ 4:10 - Yálá laawoo hɛɓɛ (dc)

¹⁰ A yələ kəlee, mɔ̨nɔ̨ɠaa Jesus ə mįi, ku kaa di mįi ku kɔlɔ hu, ɲɛ̨n deei hvo kɛ mą, ə gɛ, Jesus ŋą yɛnɛ̨ɛ̨ yɛ pɛli tooi pono ŋą ku kɔ́lɔ hu.

Yálá laawoo hɛɓɛ

¹⁰ A yələ kəlee, mɔ̨nɔ̨ɠaa Jesus ə mįi, ku kaa di mįi ku kɔlɔ hu, ɲɛ̨n deei hvo kɛ mą, ə gɛ, Jesus ŋą yɛnɛ̨ɛ̨ yɛ pɛli tooi pono ŋą ku kɔ́lɔ hu.

Bible

¹⁰ Zîsɛ ŋɔsaai káa kúkponôi a tãi kélee a gɛ́ɛ ŋɔfúlu-laai e lɛ máŋ kúkponôi.

Korɛntə veelɛ 4:10 Referans Kwoze

Lomaŋ 6:5

Mąąhɔlɔɓo, akɛ gwaa kɛ yɛ Kristə, nwɔ haai mąą pɔɔ kɔ́ɔn Ɉu, pələ lɔ ɓə gu kaa pai gu kɔ́wɔ ɉii la ma yɛ pələi ə muhəɠə la ə kulɔ haaɓɛlaa lɔwai.

Timote veelɛ 2:11

Nwooi ŋɛ̨i, mąąnɛ̨ɛ̨i nuą di di kilitɔɔmą: «Akɛ gwa Kristə ni gwaa haa a kee, gwa diɛni gu kaa pai yɛnɛ̨ɛ̨ kɛi gee ɓa.

Piɛrə dɔlɔɔ 4:13

Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

Lomaŋ 6:8

Akɛ gu laai na guɔ diɛ gwa Kristə a ni gwaa haa gu kee pɔ, gu laai na guɔ diɛ gwa diɛ ni gu kaa pai yɛnɛ̨ɛ̨ kɛi gee pɔ.

Korɛntə veelɛ 13:4

A tɛ̨ą di gbanwo kolɔwa ɓa, nwɔ hviikpɛɛlaa hu, kɛlaa, gaa a vulú, Yálá nwɔ huwalawala laa háálai. Ɛlɛɛ, kuɔ kpɛlimąn, ku hvįikpɛɛi Kristə hu, kɛlaa, ku kaa pai kɛi a ku hvulúmąą kwa diɛni, Yálá nwɔ huwalawala laa háálai ká pɔ pələ.

Korɛntə veelɛ 1:5

Gbala ə tɔɔ, bələi lɔ gwa mɔ̨nɔ̨ mįi la kɛnɛ̨ Kristə mąą mɛ̨nį hu, bələ lɔ ɓə, Kristə haalai, gu wɔɔ liilaa hu a kɛnɛ̨ la.

Lomaŋ 8:36

Yɛ bələi Yálá lawoo hɛɓɛ́ ə mo la, yɛ mą: «Ə́ mąą mɛ̨nį ɓə da tuwɔ ku paai la, diɛ ku hon yɛ ɓɛlaa lonnii di kaa lii di paai.»

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Korɛntə veelɛ 1:9

A tɛ̨ą leelee, ku kili ə kɛ kɛa ɉu kuɔ, ku haa hiɛ li. Gɛ pələi tii, ku hvo ku gilitɔɔ ku kpɔwɔ ɓa, kɛlaa ku dɔɔ Yálá ɓa, yai a haa nuą nwun.

Galatə 6:17

Ə həɠə yiihu ɓa, və́ bɔ nu ta hvo nwə́lii woo ɲąąnwąną, mąąhɔlɔɓo, gbɔlɔɔnŋąa ŋɛ̨i gaa gɔ́lɔ́ ɓa, da nɛ diɛ: Jesus nwɔ ɓaa a ɲą́ą́.

Ɉaan 14:19

Ɉu hvo kɛa kwɛa li, yɛnɛ̨ɛ̨ nuą di hvo pai kɛa gáái, kɛlaa, ka wɛi, ka káá pai gáái mąąhɔlɔɓo, gáá a vúlú, kaa kpɛli ka káá pai kɛi a ka hulu.

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

Korɛntə veelɛ 4:11

Hvo gaai, yələ kəlee, kuɔi ku hvulú kɔwɔ ɲą, da ku kwɛlɛ haa ɓa, Jesus mąą mɛ̨nį ɓa, ə gɛ, Jesus ŋą yɛnɛ̨ɛ̨ yɛ pɛli tooi la pono ŋą kpɔ hələ-tətə, ku kɔlɔ hu, yai haa kaa mą.

Piɛrə dɔlɔɔ 4:14

Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Kili, a Yálá nwɔ Kilii, gaa ka pɔ.