Korɛntə veelɛ 3:2 - Yálá laawoo hɛɓɛ (dc)

² Káá ɓə a ku wɔɔ hɛɓɛ́i, ɉɛɓɛ́i tii pɛ̨ɛ̨i ku nii hu, nu kəlee di gɔlɔn, diɛ mo.

Yálá laawoo hɛɓɛ

² Káá ɓə a ku wɔɔ hɛɓɛ́i, ɉɛɓɛ́i tii pɛ̨ɛ̨i ku nii hu, nu kəlee di gɔlɔn, diɛ mo.

Bible

² Káa kpîŋ kákaa a kɔlɔ kúlɛ mɛni ma, nyíi bɔ̃yɛɛ̂i kálii su a gɛ́ɛ núu kélee dí gɔ́lɔŋ dí ǹónoi.

Korɛntə veelɛ 3:2 Referans Kwoze

Tɛsalonikə dɔlɔɔ 1:8

Ká pɔɔli ɓə gu Nąmu laa woo ə həɠə laa yɛ li Masedoanə da Akaiə, kɛlaa ka laa mɛ̨nį Yálá la, bələ aa taɠa-taɠa kɛɛnąą kəlee, ə mą kɛ kpɛli kɛ, ku hvo yili bələ ta ɓo li káá.

Filipə 1:7

Vialaɓoɔi ka mąą liihɛlɛn ə too mą́ą́, ka mąą mɛ̨nį kaa níí hu a hvóló kəlee, mąąhɔlɔɓo, mɛ̨inɛ̨ɛ̨i yálá ə gɛ mą́ą́, ká wɔɔ nąą kaa ɉu. Ə mą kɛ yiihu gáá gaho ŋą, ə mą kɛ, ŋą́ kɛ la gbɔ́ɔ́ ɓa gɛ́ wɛlɛɛ lɛlɛɛ mąąkɔ̨nwɔ̨, gɛ́ naa həli.

Lomaŋ 1:8

Gɛɛ və́ mɛ̨nį lɔpee ta ɓo, gáá nwɔ Yálá hɛɠɛɛɓoi Jesus Kristə laa hu ka mąą mɛ̨nį ɓa. Mąąhɔlɔɓo, nu kəlee kaa ka wɔ laa na mɛ̨nį mąą kɛla hvaa ɓoi a nɛlɛɛ.

Korɛntə veelɛ 12:15

Ɲą́ą́ nwɛ́i, ŋą́ pɛli mą ŋą́ gbɔ́wɔ́ kwɛlɛ, ɛlɛɛ, gáá pai gbɔ́wɔ́ kwɛlɛi kpɔ tɛ̨ɛ̨tɛ̨ɛ̨? Ká mąą mɛ̨nį ɓa. Ŋą́ kɛli ká wɛlilakɛ tii, yili hva mɔ̨ɔ̨ nwɛ́li too kaa?

Korɛntə veelɛ 11:11

Lə mɛ̨nį ɓa? Akɛ tii, ká wɛli ɓə mɔ̨ɔ̨ hvo mą́ą́? Yálá ɓə gbaɠala kaa mą!

Korɛntə veelɛ 7:3

Və́ yili ɓoi ti káá, ká hvala mɛ̨nį ɓa, mąąhɔlɔɓo, ŋą́ą́ gbɛa kɛ mo káá, ká káá ku lii hu, ə kɛ haa hu, ə kɛ ku hvulú kɔwɔ ɲą.

Korɛntə dɔlɔɔ 3:10

Mɛ̨inɛ̨ɛ̨ Yálá ə gɛ mą́ą́ ɉaalai, ɲą́ą́ yɛ yɛlɛkɛmun nɛlɛɛ, ŋą́ gɔ́wɔ hvilɛn, nu ta kpɛli ə dɔɔ. Kɛlaa, nu kəlee ə gɛ a nɛlɛɛ nwɛi tɔɔ pələ hu.

Korɛntə veelɛ 3:1

Kuɔ ɓə mɔ̨ɔ̨ kuɔ ku pa tɔɔ nwɔ̨nɔ̨, kuɔ ku kpɔwɔ lɛ káá a ku mąątɛ̨nɛ̨ pələ? Awala kɛ tii, ku kpɔwɔ mąą liɛwoo kɛ hɛɓɛ́ kɛ mɛ̨nį mąąkpaan gaa kuɔ, kuɔ paa la ká pɔ? A wala kɛ ti, káá dɛɛ ku pɔ, yɛ bələi yili mąąkpaan gaa la nu takpɛliɠaa diɛ?