Korɛntə veelɛ 1:7 - Yálá laawoo hɛɓɛ (dc)

⁷ Ɛlɛɛ, mɛ̨nįi ku ɲɛ̨i kaa dɔwɔ a nwalawalaa, yɛ hvilɛn na ka mąą mɛ̨nį ɓa, ya ka: Ku kili kaa ɉu kuɔ, ku wɔɔ mɔ̨nɔ̨ɠaai ta mįi ka káá moi, bələ lɔ ɓə ka káá pai ku wɔ liilaa ta hɔlɔɓoi la.

Yálá laawoo hɛɓɛ

⁷ Ɛlɛɛ, mɛ̨nįi ku ɲɛ̨i kaa dɔwɔ a nwalawalaa, yɛ hvilɛn na ka mąą mɛ̨nį ɓa, ya ka: Ku kili kaa ɉu kuɔ, ku wɔɔ mɔ̨nɔ̨ɠaai ta mįi ka káá moi, bələ lɔ ɓə ka káá pai ku wɔ liilaa ta hɔlɔɓoi la.

Bible

⁷ Gili-kɛ-zui gáa kúyêei kámɛni mai, va tumo; kpɛ́ni fêi, ku gɔ́lɔŋ berei ká kúmɛni-solii da sɔlɔ ƃô lai, ka pâi máŋ kúŋa-nɛnɛi da sɔlɔ ƃôi.

Korɛntə veelɛ 1:7 Referans Kwoze

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Timote veelɛ 2:12

Gwa diɛni gwa mɔ̨nɔ̨ mįi gee ɓa, gwa diɛni gu kaa pai tɔɔlaa kɛi gee ɓa. Akɛ gwa lənə mą, yaa kpɛlimąn a lənə guɔ.

Korɛntə veelɛ 12:20

Ɲɔw kaa ɉú, gɛ́ kɛ ŋą́ pa, və́ pa ká kaa yɛ bələ, gáá la bɔi; ɛlɛɛ, kaan káá gáá yɛ bələi ká la bɔ və́ kɛ la. Gáá ɲɔwi, kiti hvo pa kɛ ká lɔwai, tolo, lííholi, hvaa, laa kala, laa pələ ɓo, tɛɠɛɓo ɉu, da mɛ̨nį yɔhɔ-yɔhɔɠaa.

Korɛntə veelɛ 7:9

Gwə́inɛ̨ɛ̨i yiihu, ká lii ɲąąnwąną mɛ̨nį hvəə, gwə́inɛ̨ɛ̨i la, kɛlaa, ká lii ɲąąnwąną mɛ̨nįi tii, aa gɛ, káá ká hɔn mąąpənə. Mąąhɔlɔɓo, ká lii ɲąąnwąną mɛ̨nįi, bələ ɓə Yálá ə kɛ la bɔ, yii ɓaa ká pɔ pələ nwɛi, ku hvo mɛ̨nį ɲɔ̨n da laa li káá.

Korɛntə veelɛ 1:14

gbaa ə tɔɔ, káá gbɛa da wolo ɲąąkaa, káá kɛ, kuɔ ɓə a ká ɲɛ̨i pono mɛ̨nį nwun, yɛ bələi lɔ, ka káá la a kuɔ kpɛli ku wɛi, a gu Nąmu Jesus ŋą hvolói.

Korɛntə dɔlɔɔ 10:13

Ɲąąhɛn mɛ̨nįɠaai həli káá, bɛliɛi lɔ nu kanma, Yálá a kulɔ nwoo ɓa, hvo pai nɛɛi laa, di hvo ká ɲąąhɛn, hvo tɛɛ ká hvaŋą ɓa. Ɲąąhɛn mɛ̨nį a həli káá, a ká kulɔ ɉu pələ lɛ káá, a hvaŋą tɛɛ ká pɔ, káá pɛli mu.

Maafîu 23:30

A kɛ tii kɛa kaa kɛ mą: ‹Akɛ kɛ ku wɔlɔ kɛ ku nąnni di wɔ hvólói hu, ku hvə li too di pɔ, ku hvo Yálá kwəi mɛ̨nį hukulɔ nuąi paa.›

Timote veelɛ 3:11

náánɔ̨nwɔ̨i di mo, da mɔ̨nɔ̨ɠaai ŋą́ mįi Antiɔsə, Ikoniumə da Listrə. Laanɔ̨nwɔ̨ ləi ɓə di hvo ɉee li mą́ą́, ə́ gəlee gbaɠala kɔ́lɔn, gəlee hu, Ną́mu ə gúlɔ ɉu.

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.