Korɛntə veelɛ 1:10 - Yálá laawoo hɛɓɛ (dc)

¹⁰ Yaa tii ɓə ku kulɔ ɉaa taa ləi tii yəi, yaa lɔ ɓə nwɔ̨nɔ̨ pai ku kulɔ ɲəi kɛi; yaa tii ɓə ku wɔɔ kilitɔɔmąą laa kaa mą, ya lɔ ɓə pai ku kulɔ ɲəi kɛi.

Yálá laawoo hɛɓɛ

¹⁰ Yaa tii ɓə ku kulɔ ɉaa taa ləi tii yəi, yaa lɔ ɓə nwɔ̨nɔ̨ pai ku kulɔ ɲəi kɛi; yaa tii ɓə ku wɔɔ kilitɔɔmąą laa kaa mą, ya lɔ ɓə pai ku kulɔ ɲəi kɛi.

Bible

¹⁰ e kúkùla zaa-woloi ti lá, ǹyaŋ a pâi ŋɔ́nɔ kúkula-yeei kɛ̂i; kwa kúkili pu ma a gɛ́ɛ a pâi ŋɔ́nɔ kúkula-yeei kɛ̂i.

Korɛntə veelɛ 1:10 Referans Kwoze

Timote dɔlɔɔ 4:10

Gbala ə tɔɔ, akɛ gu kaa mɔ̨nɔ̨ mįi, ɛlɛɛ, guɔ kɔ́, gu kili ɓə gu dɔɔ Yálá hvúlúmąą ɓa, yai a nu kanŋaa kəlee ɓalomun, gəlee ə mą kɛ, laa na nuą.

Piɛrə veelɛ 2:9

Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.

Mąątɛ̨nɛ̨ 34:19

Nuąi di lii yaliɛ di kwəi, Yai-Laa a mąąlɛɠɛ diɛ, nuąi di hviikpɛɛ kɛnɛ̨, a di nįilɔ.

Samuɛlə dɔlɔɔ 17:37

Yai-Laa, yai ə gulɔ yala da kwɛli di yee ɲąnin nɔwai, ya ɓə pai gulɔi Filisti kpolowai ŋɛ̨i yəi.» Saulə yɛ Davidə ɓa: «'Li! Yai-Laa ə lɛɛ ə́ pɔ.»

Lomaŋ 15:31

Ka Yálá hvɛli mą́ą́, ə gɛ gili walawala nuąi di kaa Ɉude, ŋą́ kulɔ di yəi; əgɛ, ɉamą tiɛ̨i ŋɛ̨i gáá lii naa lɛi Ɉerusalɛmə Yálá nwɔ nuą pɔ, di di yee hee mu a kwəinɛ̨ɛ̨.

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

Gɛlaɠaa 26:21

Yili mąą mɛ̨nį ɓə gɛ, Ɉuifəɠaa di ɉón ɓɛlɔwai ŋį́ kɛ la Yálá hee pɛlɛ́ mu, diɛ kɛ di nwɛ́i kpɛɛmą.

Azaya 46:3

'Ka ka wəli tɔɔ, Ɉakɔbə nwɔ nuą, kaai kpɔ tii, kaa lɛɛ a Israɛlə yəi bɛlɛ́n nuą, kaa kpɔ tii di ka ɲąąkɔn, ə həɠə ka káá yələ ɓa, kaai tii lɛɛ ka leeni kwəi, gɛ́ ka mąą mɛ̨nį ɲɛ̨i kulɔ;

Samuɛlə dɔlɔɔ 7:12

Samuɛlə ə kwɛni həɠə, ə vilɛn Mispa da daa ɲɛ̨i da kɛ ma: Ɲin, di ɲɛ̨n ma. Ə gɛɛnąąi tii laa hee a Ɛvɛn-Ezɛrə, yii mukulaa ɓaa: Mąąkɔ̨nwɔ̨ kwɛni, yɛ diɛ: «Yai-Laa a ku mąąkɔ̨nwɔ̨ a lɛɛ ɉu kwaa həli gɛɛnąąi ŋɛ̨i ɓa.»

Danîa 3:17

Akɛ mąąnɛ̨ɛ̨ ə́ ku pili vuulu nwɔ̨n tii hui, Yálái ŋɛ̨i ku kaa tiɓo kɛi ma, a pɛli ə ku kulɔ laa, ə ku kulɔ nwɔ̨nɔ̨ ə́ yee mu.

Danîa 6:16

Kɛlaa, nuąi tii, di bɛlɛ nwɔ̨nɔ̨ gee ɓa, di pa diɛ tɔɔmun ma: «Oo Tɔɔmun, ə́ kili kaa ɉu yɛ́ diɛ, Medi nuą da Pɛrsə nuą di wɔ tɔ́n, tɔɔmun a ɲee pɔɔ too ɉu, hva kɛa ɉəɠə mą.»

Korɛntə veelɛ 1:9

A tɛ̨ą leelee, ku kili ə kɛ kɛa ɉu kuɔ, ku haa hiɛ li. Gɛ pələi tii, ku hvo ku gilitɔɔ ku kpɔwɔ ɓa, kɛlaa ku dɔɔ Yálá ɓa, yai a haa nuą nwun.

Korɛntə veelɛ 6:9

diɛ ku kaa yɛ nuąi kɔlɔn və diɛ, yá pa, ku kɔlɔnŋąą, diɛ ku kaa yɛ haa nuą, yá pa, ku kaa yɛnɛ̨ɛ̨, da ku mɔ̨nɔ̨ɓo, kɛlaa, di hva ku paa,