Kolosə 4:6 - Yálá laawoo hɛɓɛ (dc)

⁶ 'Ká lono woo ə nɛ̨ɛ̨ nuą wəlii a yələ kəlee, yɛ pɛli nɛ̨ɛ̨laa pələ laa ɓoi nuą lɔwai, 'ká nu tɛitɛi woo pulu pənə, a ɲąą pənə pələ.

Yálá laawoo hɛɓɛ

⁶ 'Ká lono woo ə nɛ̨ɛ̨ nuą wəlii a yələ kəlee, yɛ pɛli nɛ̨ɛ̨laa pələ laa ɓoi nuą lɔwai, 'ká nu tɛitɛi woo pulu pənə, a ɲąą pənə pələ.

Bible

⁶ Ka lono-woo é kɛ́ a ǹɛ́lɛɛ, ǹɛ̃ɛ núu wólii yɛ̂ɛ kpolo, a gɛ́ɛ ka berei kɔlɔŋ ka pɔ̂ri núu kélee ŋɔmare-kɛɛ su kulâi lai.

Kolosə 4:6 Referans Kwoze

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Ikilisiati 10:12

Kilimąą mun vaa woo a mąąwiɛ nuą lɔwai, Kɛlaa, kilikpɛɛgwəi mun vaa woo a mɛlɛkpɛɛ mą nu lɔwai.

Markə 9:50

«Kpolo kaa a hɛn nɛlɛɛ, kɛlaa, kpolo leen a kpɛɛ mą, lə ɓə da pɛli neen gɛi la mą? Mąąnɛ̨ɛ̨ ka kɛ pələ a kɛ yɛ kpolo. 'Ka nɛ̨ɛ̨ a ka kee, liilaa ə kɛ ka lɔwai.»

Hanwon 15:4

Nu hvaŋąlɔ woo kaa a yíipoo wulu, Kɛlaa, nui nɛn gaa na hveelɛ, a nu lii yali gwəi

Hanwon 15:7

Kilimąą nuą hvaa woo a mɛ̨nį kɔ́lɔn ŋąą ɲąąkwɛlɛ, Kɛlaa, kilikpɛɛgwəi nuą di wɛi, a kɛ a mɛ̨nį takpɛli.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Maafîu 5:13

«Ka káá a yɛnɛ̨ɛ̨ kpolo-léén. Kɛlaa, akɛ kpolo-léén a kpɛɛ mą, lə ɓə da pɛli di néén gɛi la mą? Hva kɛa kɛ a hɛn da kɛ hɛn, mąąnɛ̨ɛ̨ lɔ di bili yɛnɛ̨ɛ̨, nuą diɛ tɛɛ ɉu.

Hanwon 10:21

Tələnmomun nwoo a liilaa tɛɛ nu pɔ, Kɛlaa, kilikpɛɛgwəi nuą da haa a mɛ̨nį kɔ́lɔn nwɛli.

Mąątɛ̨nɛ̨ 119:46

Gáá pai kɛi ə́ wɔ tiɓoɠaai hukulɔi tɔɔɓɛlaa ɲɛ̨i ɓa, hvə́ pai nwumɛ̨i yili kɛi.

Mąątɛ̨nɛ̨ 105:2

'Ka wələ too mą, 'ka hvɛli pɛlɛ gɔwɔ mu, 'ka kɛ nwɔ kpalo mɛ̨nįɠaa hu kulɔi gee mɛ̨i pɔlɔɔ-pɔlɔɔ.

Mąątɛ̨nɛ̨ 45:2

Woonɛ̨ɛ̨ aa kulɔ góókpala, gáá nu pɔlɔ wələi tooi tɔɔmun ma. Nɛ̨́n ə kɛ ná yɛ, hɛɓɛ́ kɛmun nwəlɛɛ, nwɔ hɛɓɛ́ kpɔw!

Lukə 4:22

Nu kəlee di kɛi mąąwiɛi kaa, ə lɛɛ, mɛ̨nį lɛlɛɛɠaa ŋɛ̨i kɛi kulɔ na yɛ mo, ə nuą kəlee kwəi pili diɛ. Di kɛi di kee mąąni kɛ, diɛ kɛ mą: «Akɛti, Ɉosɛfə lon vəi mɔ̨ɔ̨?»

Mąątɛ̨nɛ̨ 119:13

Mɛ̨nįɠaai kpɔ a kulɔ ə́ la, di kaa lɔ kɛa ná a wələ.

Mąątɛ̨nɛ̨ 66:16

'Ka pa, kaa kpɔ tii ka ɲɔw Yálá ɓai, 'ka pa, ka nwóó mɛ̨n, mɛ̨nįɠaai ə gɛ mą́ą́, ŋį́ di hukulɔ ka ɲɛ̨i ɓa.

Kɔlɔnikɔ Maa-ŋuŋ 16:24

'Ka gɛ mɛ̨nį mąąwiaɠaa hukulɔ lɔi kəlee hu, 'ka gɛ mɛ̨nį lɛlɛɛɠaa hukulɔ hį́i kəlee ɓa.

Dutɛrɔnome 11:19

Ka ka lonnii kalan na, kaa mo diɛ kɛlɛ-kɛlɛ; ka kɛ heeni ka yəi bɛlɛ́n-oo, ka kɛ pələ pɔ-oo, ka kɛ hiɛ ɓa-oo, ka kɛ laani-oo, ka kɛ tɔɔni-oo,

Levetekɔ 2:13

«Yálá kɔ́ hɛn nɔpee ə́ kaa pai la, mąąnɛɛ ə́ kpolo kɛ mą. 'Hvó kpɔ Lɛ̨ą kpolo ɓa, mąąhɔlɔɓo, kpolo kaa a ka Yálá ni ka lɔwai mįnɛ̨ gɔɔn mąą. Ə́ wɔ Yálá kɔ́ hɛn gəlee kpolo pɛlɛ mą, yɛ́ naa həli.

Izikiɛ 43:24

Ə́ pa a diɛ, ə́ di laa həli Yai-Laa ɓa, ɉaláá laa həli nuą di kpolo kpɛ̨ŋɛ̨n diɛ, di di kulɔ a haláá Yai-Laa ɓa.