Kolosə 4:10 - Yálá laawoo hɛɓɛ (dc)

¹⁰ Aristarkə, yai kwa yaa ku kaa gaho ɲą, yɛ ka tuwɔ ɓo, ə mą kɛ, Barnabasə dɛlɛn non Markə, yɛ ka tuwɔ ɓo. Markə ti, daa hiɛ mąą mɛ̨nį hukulɔ kaa, a pa ka pɔɔli, ka ka yee hee mu a nɛlɛɛ.

Yálá laawoo hɛɓɛ

¹⁰ Aristarkə, yai kwa yaa ku kaa gaho ɲą, yɛ ka tuwɔ ɓo, ə mą kɛ, Barnabasə dɛlɛn non Markə, yɛ ka tuwɔ ɓo. Markə ti, daa hiɛ mąą mɛ̨nį hukulɔ kaa, a pa ka pɔɔli, ka ka yee hee mu a nɛlɛɛ.

Bible

¹⁰ Ɛresitakɔ nyíi gáa a ḿarâŋ-pelesinɛi e fàa kâa. Mâki máŋ nyíi gáa a Banaba ǹêɣei e fàa kâa (nyíi ŋa wɔ́lɔ maa-mɛni ƃo kâai-à pà kápɔ naa, ka káyêei see mu).

Kolosə 4:10 Referans Kwoze

Filemɔn 1:24

Ə mą kɛ Markə, Aristarkə, Demasə da Lukə diɛi kwa diɛni ku kaa góló tɔ̨nɔ̨i ŋɛ̨i ɓa diɛ kpɛli diɛ ə́ tuwɔ ɓɔ.

Timote veelɛ 4:11

Lukə yaa tanɔ̨n lɔ ɓə ɓɛ bɔ́, yá kɛli pa, ká Markə ká pa, mąąhɔlɔɓo, a pɛli kpɔnmąą tɛɛ bɔ́ góló hu.

Gɛlaɠaa 19:29

Gɛɛ tii, daa kəlee ə kɛ lɔ ɉuwu-ɉuwu, nuą di wɛan, di li a di kpulu ɓɛi di kɛli ɲąąkpɔn gɛ laa a bɔlɔ-pɔlɔ, di Gaiusə da Aristarkə hon a yee tɛɛ mąą laa, di li a diɛ, nu hveelɛi ti di kɛ a Masedoanə lɔi hu nuą, ɛlɛɛ, da Polə ni ɓə kɛ ɉiɛ hu.

Gɛlaɠaa 27:2

Ku tɛ Adramitiumə kələn da ɉu, yɛ li Asi lɔi gbonwo ɓa pələ, ku bələ hon gɛa. Masedoanə mun da ə kɛ ku pɔ, naa ɓaa: Aristarkə, bɔ taai ɓaa Tesalonikə.

Gɛlaɠaa 20:4

Nuąi da diɛni di kɛli ɉiɛ kulɔ, diɛ ɓaa: Sopatrɔsə, yai kɛ a Pirusə lon, a Bere daai mun, Aristarkə da Sekundusə yai kɛ a Tesalonikə daai mun, Gaiusə yai a Dɛrbe mun, da Timote, ɛlɛɛ nwɔ̨nɔ̨, Tisikə da Trofimə, diɛi a Asi lɔi hu nuą.

Gɛlaɠaa 12:12

Yii kɛa ə mąą mɛ̨nį kpaɠala kaa, ə li Ɉaan ŋɛ̨i naa mɛ̨i hee ɓaa Markə, nee Mari yəi bɛlɛ́n. Nu kpulu tamąą daa di ɲąąkpɔn gɛ laa diɛ Yálá hvɛli.

Piɛrə dɔlɔɔ 5:13

Yálá ŋą kpɔn Babilonə, diɛ ká tuwɔ ɓo, ə mą kɛ, Markə yai a nón laa na pələ mɛ̨i, yaa kpɛli yɛ ka tuwɔ ɓo.

Lomaŋ 16:7

Ŋą́ Andronikusə da nɛ̨ą Ɉuniasə di tuwɔ ɓo, diɛi di kaa a nwɔ nuą, kwa diɛni ku kaa gaho tɔ̨nɔ̨ ŋą. Di gbɛa kɛ a Kristə nwɔ kɛlaɠaa dɔ́wɔ́.

Lomaŋ 16:2

'Ká ka yee hee mu gu Nąmu laa hu, yɛ bələi da gɛ la a nu mąąhəɠɛɛ; 'ká kpɔnmąą tɛɛ bɔ ganąn mɛ̨nįɠaa kəlee hu. Hvo gaai, yaa kpinįlee ti, aa kpɔnmąą tɛɛ nu tamąą pɔ, gəlee ə mą kɛ ŋą́ą́ Polə.

Gɛlaɠaa 13:13

Polə da mɛlan di həɠə Pafɔsə diɛ li Pɛrsə daai, Pamfili lɔi hu. Nąą ɓə Ɉaan-Markə ə həɠə laa di pɔ yɛ li Ɉerusalɛmə.

Gɛlaɠaa 4:36

Ɉosɛfə ə gɛ lɔ ti, yai gɛlaɠaa di naa mɛ̨i hee a Barnabasə, mukulaa ɓaa: Liilaa lon. Ə kɛ a lévi ta, gaa lɔi ɓaa kɛ a Siprə tíi ə kɛ ɲəi,

Gɛlaɠaa 13:5

Di həliɛ Salaminə, də li Yálá hvɛli pɛlɛ́ɠaa mu diɛ Yálá lawoo laa həli diɛ. Ɉaan-Markə ə kɛ di pɔ, yɛ kpɔnmąą tɛɛ di pɔ.

Gɛlaɠaa 12:25

Ɓɛlɔwai Barnabasə da Solə di kpɛɛ la a di wɔ hiɛi kulaa Ɉerusalɛmə, di Ɉaan hvilɛn di pɔ, yai naa mɛ̨i hee ɓaa: Markə.

Filemɔn 1:23

Epafrasə ŋɛ̨i kwa yaa ku kaa gaho ŋą Jesus Kristə laa mąą mɛ̨nį ɓa, yɛ ə́ tuwɔ ɓo.