Biblia Todo Logo
Bib sou entènèt

- Piblisite -




Kolosə 3:1 - Yálá laawoo hɛɓɛ (dc)

1 Yii kɛa ká Kristə ni káá nwun, 'ká yələi pələ mɛ̨nįɠaa mąąkiliŋąhiɛ kɛ, ɓɛi Kristə kaa laa heeni Yálá ɓa-mįi-yee hu;

Gade chapit la Kopi

Yálá laawoo hɛɓɛ

1 Yii kɛa ká Kristə ni káá nwun, 'ká yələi pələ mɛ̨nįɠaa mąąkiliŋąhiɛ kɛ, ɓɛi Kristə kaa laa heeni Yálá ɓa-mįi-yee hu;

Gade chapit la Kopi

Bible

1 À kɛ̀ ǹyaŋ ka Kôrai-ni ka kámu siɣe saa yêei gîe ma, gɛ̀ ní ka zãâi kɔri nyíi-ŋai díkaa kúmɛi-perei, ƃɛi Kôrai káa naa see ni Ɣâla laa-mii-yee mɛi.

Gade chapit la Kopi




Kolosə 3:1
39 Referans Kwoze  

Nu liiɓa kɛɛ a haa tɛɛ nu pɔ, kɛlaa, Kili-Mąąhəɠɛɛ liiɓa kɛɛ, a yɛnɛ̨ɛ̨ da liilaa tɛɛ nu pɔ.


Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.


Ku wɛi, mɛ̨nįɠaai kaa kaa diɛ, ku hvo di pulu, kɛlaa yiiɠaai hva kaa, diɛ ɓə kwa gwɛli, yiiɠaai kaa kaa diɛ, hvoló tɔ̨nɔ̨ mɛ̨nįɠaa lɔ li, kɛlaa Yii kaa hvo mą, kpɛɛ hvo diɛ.


Ká wɔɔ yɛnɛ̨ɛ̨ kaa yələi pələ, hvo ɓɛ lɔi mɛ̨i.


Kɛlaa, ka ka wɔ hɛn gɔw laaikɛ yələkɔlɔn ɉu, ɓɛi koló hva pu laa hɛn da hu, kpɛ̨ɛ̨ hva hee la hɛn da ɓa, nwuɔ̨ nuą di hva pɛlɛ laa yali laa, diɛ nwuɔ̨ kɛ.


'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.


Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.


Yá yɛnɛ̨ɛ̨ kɛ pələ lɛ mą́ą́, kwəinɛ̨ɛ̨ kɛnɛ̨ lɔ ɓə ə́ lííla; a mɛ̨nį ɲąąnɛ̨ɛ̨ɠaai kpɛɛ hvo mą, diɛ ɓə ə́ ɓa-mįi-yee hu.


Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.


Kɛlaa, ə həɠə yiihu ɓa, Nu Lon gaa pai kɛi heeni Huwalawala Kəlee Ną́mu Yálá ɓa-mįi-yee mɛ̨i.»


Yii kɛa ká Kristə ni kaa haa, ɛlɛɛ, káá kulɔ yɛnɛ̨ɛ̨ hɛnŋaa yəi. Lə mɛ̨nį ɓa, ká dɔn bɔ yíiɓo, yɛ ká kɛ ni, a ká hɛlɛnŋąą yɛnɛ̨ɛ̨ ɓa?


Mɛ̨nįɠaa ŋɛ̨i ku kaa moi, gəlee nwun gbɔ-kpɔɔi ga mą, ya ka: ɉaláá laa həli mun gɛnɛ̨ɛ̨ taaləi tii ɓə gaa ká gu yəi, yai heeni dɔɔkpəlin ŋą mąąwiɛlaa yee lɛlɛɛ hu, yələkɔlɔn ɉu.


Gbɛɛ ɓə a pɛli di nwun na pili? Yaan, Jesus Kristə ə haa, ə pənə kpɔ nwɔ̨nɔ̨ ə nwun, gaa heeni Yálá ɓámįiyee hu pələ, yɛ Yálá hvɛli guɔ.


Kristə nwɛi, haláá tanɔ̨n gbən mə ə gulɔ nu kanŋaa di wɔɔ nɛ̨ŋɛ̨nŋaa mąą hvaalɛɛ mɛ̨nį ɓa, ə hee Yálá yee lɛlɛɛ mɛ̨i pələ, a yələ kəlee mɛ̨nį.


Jesus yɛ mą: «Yaa kpɔlɔ ka tii yaa hvilɛn mɛ̨i, ya ɓaa a ɲą́ą́! Gáá moi kaa, ə həɠə háákələi ɓa, ka káá pai Nu Lon kaai heeni Yálá yee-lɛlɛɛ-mɛ̨i Huwalawala kɛnɛ̨ hu, yili pulu, ka gaa yɛ həɠə yələi yɛ yɛɛ tulɔ kpinįn ɉu.»


Nui ŋɛ̨i yɛɛ, ya lɔ ɓə nwɔ̨nɔ̨ tɛ, yɛ laŋįn yələkɔlɔn gəlee mɛ̨i, əgɛ, ə yələ kwəi kəlee hvɛɛ.


Jesus ə nwoo pulu pənə, yɛ mą: «Ɲą́ą́ ɓə a yaa. Ɲą́ą́ ŋɛ̨i a Nu Lon ka káá pai gáái heeni Yálá yee lɛlɛɛ mɛ̨i, huwalawala kɛnɛ̨ hu, tulɔ kpiliɠilin mɛ̨i, gɛ́ pa.»


Ɛlɛɛ, malakaɠaa tii, nɛlɛ ɓə aa ta kɛ mą: «'Hee mamįiyee hu, ŋą́ ə́ yowoɠaa kəlee pɛlɛ ə́ kɔ́wɔ mu, yɛ haɠa?»


Mąąhɔlɔɓɔ, Davidə kpinį, hvo tɛ yələkɔlɔn ɉu, kɛlaa, ə mo yɛ mą: «‹Námu Yálá ə mo Ną́mu ɓa yɛ mą: Pa ə́ hee ɲéé lɛlɛɛ mɛ̨i.


Mąąhɔlɔɓo, Davidə yaa kpinįi ə mo kpɔ Yálá mąątɛ̨nɛ̨ wələ hu, yɛ kɛ mą: «‹Ną́mu Yálá ə mo Ną́mu ɓa yɛ mą: Hee mamįiyee hu;


Jesus kpɛɛ kɛa a nwooɠaa tii ɓoɔ diɛ, ə muhəɠə ə tɛ yələi ə hee Yálá yee lɛlɛɛ mɛ̨i.


Hvo gaai, Davidə kili ŋą ponoi Yálá ə mo, yɛ mą: «‹Yai-Laa ə mo nwɔ́ mɛ̨nį Ną́mu ɓa, yɛ mą: «Pa ə hee mamįiyee hu, ə lɛɛ la ɉu, ŋą ə́ yowoɠaa kəlee too ə́ kɔ́wɔ mu.»›


yai tɛi ə mo yələkɔlɔn ɉu, ə hee Yálá ɓa-mįi-yee hu pələ, a yai, malakaɠaa, hééɓolaa kəlee da hvaŋą laa kəlee kaa ɲee mu.


Kɛlaa, Yálá ə kɛ Etiɛnə pɔ, ɲɛ̨i heɛ ɲələi pələ; ə Yálá nwɔ mąąwiɛ laa kaa, Jesus ə ɓo tɔɔni Yálá yee lɛlɛɛ hu pələ,


«‹Yálá ə mo nwun mąąɓomun yii ə mąą minə həɠə mą, yɛ mą: «Pa ə́ hee má-mɛɛ-yee hu, ə lɛɛ la ɉu ŋą́ ə́ yowoɠaa too ə́ kɔ́wɔ mu ə́ hiɛ di mɛ̨i.»›


Mɛ̨nį hukpɛ kili a nu tɛ yələi, yɛ ɲąmuątaa pələ kulɔ nu yəi.


Yálá mąątɛ̨nɛ̨ wələ. Davidə nwɔ wələ. Mɛ̨nįi Yai-Laa ə mo nwɔ́ mɛ̨nį nąmu ɓa, ya ka: «'Hee mamįiyee hu pələ, ə lɛɛ ɉu, ŋį ə́ yowo kɛ a ə́ kɔ́wɔ tɔɔ kpəlin!»


Kilimąą mun gili a kóló lɛlɛɛ kɛ, Kɛlaa, kilikpɛɛgwəi mun a mɛ̨nį kəlee ŋąą kaa lɔ a gɔɓɛi pələ.


Nɛ̨ąą, 'ká lɛɛ ká hilɛni woo ɲą, yɛ bələi ká gɛ la gu Nąmu ɓa.


Swiv nou:

Piblisite


Piblisite