Kolosə 2:1 - Yálá laawoo hɛɓɛ (dc)

¹ Gáá bɔ́, gɔ́ kɛnɛ̨i ŋɛ̨i gáá gɔi, ká gili kɔlɔn kaa diɛ, ka mąą mɛ̨nį ɓə gáá gɔi la, ə mą kɛ, Laodise nuą da nuąi kpɔ di hvo ni ɲɛ̨́ilaai kaa li.

Yálá laawoo hɛɓɛ

¹ Gáá bɔ́, gɔ́ kɛnɛ̨i ŋɛ̨i gáá gɔi, ká gili kɔlɔn kaa diɛ, ka mąą mɛ̨nį ɓə gáá gɔi la, ə mą kɛ, Laodise nuą da nuąi kpɔ di hvo ni ɲɛ̨́ilaai kaa li.

Bible

¹ Mɛni ma ŋa ŋ̀wɛ̂lii ka gɔ́lɔŋ berei ŋa kɔ̂i la kpɔ́ a gbanaŋɔɔ kámɛni mai, da diai díkaa Leodisiɛ da diai kélee dífe niî ŋ́gaa níi,

Kolosə 2:1 Referans Kwoze

Kolosə 1:29

Nwɔ́ɔ́ tɔɔ a nwąnąi laa nwun gaa mą, ya ɓaa; gɔi gáá gɔi, a hvaŋąi kolo kɛi ɉú.

Filipə 1:30

Gɔ́ tɔ̨nɔ̨i ŋɛ̨i ká gáá gɛ́ gɔ́i, ɛlɛɛ, ká kili ə ɓo ɉu, káá, gáá ni mąi, káá kpɛli ká da kɔ́.

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Gɛlaɠaa 20:38

Yii kpɔ liihɛlɛn doo diɛ, ya ɓaa: Kɛi Polə ə mo diɛ: «Di hvo kɛa pai ɲɛ̨ilaai gaai.» Yili pulu, di lɛɛ bulu dəli di dɔɔ pələi ɓɛi da gələn ɉəɠə laai.

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

Kolosə 2:5

Ə mą kɛ, gbínį hvo ka lɔwai, kɛlaa, gáá laa a gíli, gɛ́ ká yee kɛ mɛ̨nį ka kɛ tíi ɓa kpɔ tii kpąą, a laa na laa Kristə ɓa, gwəinɛ̨ɛ̨ kulɔ.

Galatə 4:19

Nónnii, gáá mɔ̨nɔ̨ mįi ká mąą mɛ̨nį hu yɛ nɛ̨ɛ̨nu nwɔ mɔ̨nɔ̨i a mįi kwəinwąną lɔwai, ə lɛɛ ɉu, ká Kristə mąą mɛ̨nį huponoɔ kaa ká lɔwai.

Gɛlaɠaa 20:25

«Ŋą́ kɛi tɛɛ ka kəlee ka lɔwai, gɛ́ Yálá-taa tɔɔlaa laa həli. Kɛlaa, gílí kaa ɉu gɛ́ diɛ, ə həɠə kɛa yiihu ɓa, ká hvo kɛa pai ɲɛ̨́ilaai kaai.

Lukə 22:44

Ə kɛ yɛ nu a kɛ ɉaa kɔ́wɔ ŋą, yɛ Yálá hvɛli kpɔ a mɔlɔɔ. Hvɛnɛ̨ yɛ kulɔ mą yɛ ŋąmą, yɛ hvilɛn nɔi ɓa.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.

Zɛnɛse 30:8

Rasɛlə ə naa hee a Nɛftali. Yɛ mą: «Ŋą́ą́ kɔ́ pɛlɛ níɛ ɓa, gɔ́ aa nɛ̨ɛ̨ mą́ą́.»