Bib sou entènèt

Kolosə 1:23 - Yálá laawoo hɛɓɛ (dc)

²³ Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Gade chapit la Kopi

Yálá laawoo hɛɓɛ

²³ Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Gade chapit la Kopi

Bible

²³ Nyíŋi a pɔ̂ri kɛ̂i à kɛ̀ kà lɛ̀ɛ nɔ́ naa-lai su, kálii kɛ́ ƃo tɔnɔɔ ka fɔlɔ-fɔlɔ, káfa kákili kùla Duŋ Lɛ́lɛɛi ŋɔkili-kɛ-zui su nyíi ká mɛ̀nii. Duŋ Lɛ́lɛɛi ŋí e ƃo ŋeniɛi su gwaa kélee, nyíi ńyãa Pɔ̂ɔ ŋá kɛ̀ a maa-tii-kɛ-nuui.

Gade chapit la Kopi

tounen moute ⬆

Kolosə 1:23
72 Referans Kwoze

Hebreu 3:14

Guɔ ka kɛa gwaa kɛ kɛa a Kristə mɛlaani, akɛ, gwa lɛɛ lɔ tɔɔni gu tɔɔ kilitɔɔmąą laa hu, ə lɛɛ la ɉu ɲąąkpɛɛ yələ.

Hebreu 3:6

Kɛlaa, Kristə nwɛi, gaa a bɛlɛ́n non, yɛ ɓo ŋą pɛlɛ́i mɛ̨i. Ŋą pɛlɛ́i, ya ɓaa a guɔ, akɛ mɛ̨nįi gu kaa mąąkpɔn ɉii, a ɲɛ̨i pono, a kilitɔɔmąą laa, gwa gu yee kąnąn mą kpąą.

Hebreu 10:38

Nwɔ́ɔ́ tələnmomun, a yɛnɛ̨ɛ̨ kɛ laa na laa háálai, kɛlaa, a tinɛ̨n, a bulu tɔɔ mą, gwə́i hva kɛa nɛ̨ɛ̨ bɔ.»

Galatə 6:9

'Ká gu mɛ̨nį lɛlɛɛ kɛ, gu hvįi hvo kpɛɛ; mąąhɔlɔɓo, gwa wala tee mą, ɲələ a pa ɉəlii, gwa dɔlɔ hɔlɔɓo.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Ifisiɛŋ 3:17

Ə gɛ Kristə ə ɉeei kaa ká nįį pɔ, laa na laa hu, ká hamu ə kɛ a vilɛnŋąa, dɔɔ a nwalawala wɛlikɛmąąlaa mɛ̨i.

Lomaŋ 10:18

Akɛti nuąi di hvo laa na, di hvo mɔ̨ɔ̨ nwɛlɛɛ lɛlɛɛi ti mɛ̨n? Kɛlaa di mɛ̨n gbɔ! Yɛ bələi Yálá lawoo hɛɓɛ́ kaa moi la yɛ diɛ: Di woo ə həli yɛnɛ̨ɛ̨ nąą kəlee, di wɔ kalan gɛ woo ə həli lɔi kpɛlai.

Hebreu 6:19

Gilitɔɔmąąlaai gu yəi, gaa a gu kpulɔn ɲɛli, a poną, ganąn ŋąą gu kili pɔ a nwala-walaa, ə ɓo a tɛ̨ą, yɛ lɔ ɉəɠə ɓɛla pulu pələ Yálá lííla.

Tɛsalonikə dɔlɔɔ 3:5

Yɛ bələi vá pɛli kɛ níikpələ la, və́ nąą mąąkpɔn, ŋą́ nu tɔɔ ə pa ə ká wɔ laa na laa mąą wɛlɛɛ həɠə, ə paa la, ŋį́ kɛli ɲɔw, gɛ́ kɛ, ɲąąhɛn kɛmun hvo pa ká ɲąąhɛn, mɔ̨nɔ̨i ku mįi, hvo pa lɛɛ a kpɛli.

Ifisiɛŋ 1:18

ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;

Korɛntə veelɛ 3:6

Yaa ɓə a hvaŋą tɛɛ ku pɔ, kuɔ pɛli kɛi a mįnɛ̨ nįnɛ̨ hu kóló kɛ nuą, mįnɛ̨ nįnɛ̨i tii hvo a hɛɓɛ́ kɔw, kɛlaa, gaa a Kili-Mąąhəɠɛɛ ŋą mɛ̨nį; hvo gaai, dɔn ɉɛɓɛ́, a nu paa, kɛlaa, Kili-Mąąhəɠɛɛ nwɛi, a yɛnɛ̨ɛ̨ tɛɛ nu pɔ.

Gɛlaɠaa 2:5

Yaan, Ɉuifəɠaai Yálá wɛli kaa diɛ, di həɠə yɛnɛ̨ɛ̨ nąą kəlee di pa Ɉerusalɛmə a volói ti.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

Kolosə 1:25

ŋą́ kɛ a ŋą tímun, yɛ bələi, Yálá ə mąą laa tɛɛ la bɔ́, ká mąą mɛ̨nį ɓa; ə gɛ, ŋą́ Yálá laa woo laa həli mɛ̨nį laa kulɔ,

Ɉaan 15:6

Nui a wala kanąn mą́ą́, da bili ɲɛnɛ̨ɛ̨, yɛ wulu wonwo a kulɔ mą, diɛ gɛ a kwɛi.

Lukə 22:32

Kɛlaa, ŋą́ą́ Yálá hvɛli yɛ́, əgɛ, ə́ wɔ kilitɔɔmąą hvo kulɔ ə́ yəi. Yɛ́n, yá pənə yá pai, ə́ ləɠəni hvaŋąlɔ.»

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,

Hebreu 4:14

Yii kani haláá laa həli mun gɛnɛ̨mun gaa ká gu yəi, a Yálá Lon Jesus, yai yələkɔlɔn ɉuɓɔ, 'ká gu naa na laa wooi ŋɛ̨i hon gani kpąą.

Kolosə 2:7

'Ká hamu ə hvilɛn kani Kristə mɛ̨i kpɔ kpąą, ká hu ə walawala a laa na laai di ká mąąkwɛli mą, ɛlɛɛ, káá ɓo la tii, a mɛ̨inɛ̨ɛ̨ hukɔlɔn nuą.

Galatə 5:7

'Ká gɔwɔ tɔɔ kani a nɛlɛɛ-ee, gbɛɛ ɓə bələ too ká tɔwɔ, yɛ kpɛ̨ąn ká tɔwɔ tɛ̨ą woo pɔ mɛ̨nį kɛɛ hu?

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Markə 16:15

Yili pulu, Jesus ə mo diɛ, yɛ diɛ: «Ka li yɛnɛ̨ɛ̨ nąą kəlee, ka wəlɛɛ lɛlɛɛ laa həli hį́i kəlee ɓa.

Sofoni 1:6

Nuąi daa di pulu tɔɔ Yai-Laa ɓa, di hva gɛ di hvo ɲɛ̨ilaa kwɛli mɛ̨nį ta hu, di hva mąąnikɛ, Gáá gəlee nwun napilii.

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.

Dutɛrɔnome 2:25

Ə həɠə háákələi ɓa, nu huwui kpɔ yələkɔlɔn mu, gáá ɲɔw lɔi di hu, di mąą yɛ kpɛlin ka ɲɛ̨itɔwɔ. Da kɛi pa ə́ laa pələ mɛ̨n ɉii, di kaa pai kɛi kpɛlin ɉi, di lii yɛ kpɛlin di kwəi.»

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.

Piɛrə dɔlɔɔ 1:5

a káái Yálá ŋą hvaŋą yee kaa káá, laa na laa háálai, ɓalo mɛ̨nįi ɉɛ̨ą yiliɛi, doo mɛ̨nį ɓa pono ɲą, ɲąąkpɛɛi lɔwai.

Taitɔ 3:7

Ə gɛ, yii kɛa gu mąą aa həɠə ŋą mɛ̨inɛ̨ɛ̨ háálai, gu kɛ kɛa, yɛ bələi gilitɔɔmąą laa tii kaa la, a ɲɛnɛ̨ɛ̨ nįnɛ̨ hɔlɔɓo nuą kwɛlin.

Timote dɔlɔɔ 2:7

ɛlɛɛ, yili mąą mɛ̨nį ɓə, di gɛ́ la, ɲą́ą́, a kúláá da kɛla; gáá tɛ̨ą ɓoi, və́ lɛɛ kɛi, gáá a huwu takpɛliɠaa mąąkwɛlimun, laa na laa hu da tɛ̨ą.

Timote dɔlɔɔ 1:12

Gáá gu Ną́mu Jesus Kristə mąmąɓoi, yai vaŋą tɛɛ bɔ́, ə gáá a nui mąąnɛ̨ɛ̨ ə gilitɔɔmą, ə ɉə́ɠə, ə gɛ́ a ŋą tímun,

Tɛsalonikə veelɛ 2:16

Gu Ną́mu Jesus Kristə yaa kpinįlee da gu Ną́n Yálá, diɛi gu wɛlila kɛ, ɛlɛɛ, ə gu liilaa, a yii kpɛɛ hvo mą, da kilitɔɔmąą laa lɛlɛɛ,

Tɛsalonikə dɔlɔɔ 5:8

kɛlaa, guɔi a yələɓɔɔ lonnii, 'ká gu kɛ gili-gili, 'ká gu gu kəɠə-mɛ̨i-həɠə too, yai a laa na laa, da wɛlikɛmąą laa, ɛlɛɛ, ɓalo mɛ̨nį ŋą kilitɔɔmąą laa ə kɛ a mɔlɔ.

Tɛsalonikə dɔlɔɔ 3:3

əgɛ, nu ta hu hvo pa pu mą, háákələi mɔ̨nɔ̨ɠaa ŋɛ̨i hu, gbala ə tɔɔ, ká kili kaa ɉu káá, yili ɓə naa gu tɔwɔ.

Ifisiɛŋ 4:16

Ɉáálai ɓə gɔlɔ tɔɔ-tɔɔiɠaa kəlee yiliɛ la gee ɓa kpąą, ə lɛɛ gbulɔnaɠaa kəlee heɛi gee ɓa a nwalawalaa, yɛ kɛnɛ̨ la wɛlikɛmąąlaa háálai. Gólói di tɛitɛi da pɛli gɛi, ə ɓo a ɲąąkwɛlɛɛ di lɔwai a wɛlikɛmąąlaa.

Ifisiɛŋ 2:21

Kristə hu ɓə, bɛlɛ́ nąą kəlee a haŋąn na, yɛ kɛnɛ̨, yɛ kɛ a pɛlɛ́ mąąhəɠɛɛ gu Nąmu hu.

Galatə 5:5

Yii ɓaa ku wɛi, Kili-Mąąhəɠɛɛ háálai, laa na laa hu, ku kaa ku tələnmo mɛ̨nį mąąkpɔn ɉii la, yai a ku mąąhəɠə mɛ̨nį, ku kilitɔɔmą.

Galatə 4:11

Ɲɔw kaa ɉú ká mąą mɛ̨nį ɓa, akɛti góló kɛnɛ̨i ŋį́ gɛ káá, ə lɛɛ mɔ̨ɔ̨ a kpɛli!

Korɛntə veelɛ 11:23

Di kaa a Kristə ŋą tínuą? Ɓowo hvaa ka ŋɛ̨i gáá moi, Nwɛ́i lanŋąąi di wɛi mɛ̨i! Hvįikpɛɛ hu, dɛ́ɠɛɛi diɛ! Gaho hu, dɛ́ɠɛɛi diɛ! Kɛlɛɓo hu, dɛ́ɠɛɛi diɛ kpɔ kɛnɛ̨! Nu tɛɛ haa wolo la, dɛ́ɠɛɛi diɛ kpɔ pun!

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Korɛntə dɔlɔɔ 3:5

Gbɛɛ ɓaa a Apɔlɔsə? Gbɛɛ ɓaa a Polə? Di kaa lɔ a tínuąi, diɛi pa a káá laa na la pələ mɛ̨i. Di tɛitɛi di di wɔɔ mąątí kɛ, yɛ bələ gu Nąmu ə mąąlaa tɛɛ la di pɔ.

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Kili-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Lomaŋ 5:5

Kilitɔɔmąą laa yaan hva nu ɓowo. Gbala ə tɔɔ, Yálá ə nwɔ wɛlikɛmąąlaa yɛɛ gu nįį pɔ Kili-Mąąhəɠɛɛ háálai, yai ə dɛɛ gu pɔ.

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Gɛlaɠaa 26:16

Kɛlaa, 'ə́ muhəɠə, 'ə́ haŋąn ə́ tɔɔ, Mɛ̨nįi ŋį́ gbɔ́ɔ́ lɛ la yɛ́, ya ka: Ŋą́ ə́ həɠə ɉu, yɛ́ kɛ a nwɔ́ tímun, da gwɛlɛɛn gɛɛ ŋɛ̨i ə́ gáá ɉu, mąą kɛla, da gwɛlɛɛn gɛɛ yiiɠaai kpɔ nwɔ̨nɔ̨, gáá pai gbɔ́wɔ́ lɛ ɉu yɛ́.

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Gɛlaɠaa 11:23

Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Gɛlaɠaa 1:25

ə gɛ, mąą nu ə kɛ a Ɉudasə mąąhvalən, ə́ diɓoi ŋɛ̨i ə́ dɛɛ ku pɔ ɉu; yaai Ɉudasə ə nąą lɛɛ laa, yɛ li ɓɛi gaa bɔ.»

Gɛlaɠaa 1:17

Ɉudasə tii ə kɛ a gu ta. Gwa diɛni kəlee ɓə di gólói ŋɛ̨i tɛɛ gu pɔ.

Lukə 6:48

Hulɔnu ta yii ə kɛ bɔ ə pɛlɛ́ tɔɔ. Ə li, ə dɔɔ hvaɲą ŋą, ɓɛlɔwai tulɔ kɛnɛ̨ ə pu la, ya ə hvɛɛ, ə hee bɛlɛi tii ɓa; kɛlaa, hvo kpɛli bɛlɛi tii tumo dɔɔi, mąąhɔlɔɓo, ɉulɔnui tii ə nwɔ pɛlɛ́i tɔɔ kpɔ kpaan.

Izikiɛ 18:26

Tələnmomun a bulu tinɛ̨n nwɔ tələnmo yíi ɓa, yɛ hulu mɛ̨nį kɛ, a haa yili mąą mɛ̨nį ɓa; vulu mɛ̨nįi tii ə gɛ, yili mąą mɛ̨nį ɓə a haa la.

Woolaa 3:66

Ə́ wɔ liiholi ɲąątɔɔ diɛ ə́ di kulɔ ə́ wɔ yələkɔlɔn mu; di həɠə ə́ ɲɛ̨ilaa.

Mąątɛ̨nɛ̨ 125:5

Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i.

Korɛntə veelɛ 4:1

Yii yan, Yálá nwɔ ɲɛ̨imąąwɛlikaa hu, aa goloi ŋɛ̨i kalihvaɓo kuɔ, ku hvįi hva kpɛɛ gɛi.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Swiv nou:

Lyen patwone

Piblisite

Piblisite