Kolosə 1:15 - Yálá laawoo hɛɓɛ (dc)

¹⁵ Gaa a Yálái káá hvo mą, mąą ninįn, ə ɓo pɛli-hɛn gəlee tɔwɔ.

Yálá laawoo hɛɓɛ

¹⁵ Gaa a Yálái káá hvo mą, mąą nįnįn, ə ɓo pɛli-hɛn gəlee tɔwɔ.

Bible

¹⁵ Gáa a Ŋ̀âlai nyíi kúfa gâai bɔɔkɔ̂ŋ, gáa a ǹúui maa-ŋuŋ ŋ̀éniɛi su kpɛtɛ-sãai kélee tuɛ;

Kolosə 1:15 Referans Kwoze

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Ɉaan 14:9

Jesus yɛ mą: «Filipə gwa gaa ni gwaa lɔwai tamąą kɛ gu kee ɓa, ya ɓə hvo gɔ́lɔ́n? Nui a gáá, a kɛ tii aa Ną́n gaa. Lə mɛ̨nį ɓa ə́ kaa kɛi mą́ą́: ‹ə́ Ną́n nɛ kuɔ?›

Ɉaan 1:1

Gɛɛ Yálá hvo yɛnɛ̨ɛ̨ pɛli, tɔlɔɔ, woo ə gbɛa kɛ laa. Nwoo tii, ə kɛ Yálá pɔ, gaa a Yálá.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Filipə 2:6

Yai, bələi mąn Yálá laa kaa ɲəi, hvo giliŋąhiɛ li da Yálá di pɛli mɛ̨nį ɓa, hvo kąnąn yili ɓa.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Mąątɛ̨nɛ̨ 89:27

Yaa tii, gaa pai kɛi mą́ą́: «Ną́n! Nwɔ́ Yálá! Málo kwɛni!»

Lomaŋ 8:29

Mąąhɔlɔɓo, nuąi ə gbɛa di kɔ́lɔn, aa gbɛa kɛ di həɠə ɉu, diɛ kɛ yɛ non, ə gɛ, yili yɛ kɛ a nu kpulu tamąą di liɛ.

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ:

Hebreu 1:6

Kɛlaa yaamun, ɓɛlɔwai ə kɛli pa Lon dɔlɔɔ lɛi la yɛnɛ̨ɛ̨ ɓa, ə mo yɛ: «Yálá ŋą malakaɠaa kəlee, 'ká kwɛli hvilɛn mą.»

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Ɉaan 15:24

Ə li kɛ və́ pa, və́ kpalo mɛ̨nįɠaa kɛ di lɔwai, yii nui lɔpee ta hva pɛli gɛi, nɛ̨ŋɛ̨n və li kɛ diɛ. Kɛlaa, yiihu kɛa, daa mɛ̨nįɠaa tii kaa, diɛ ku wɛli kpɛɛ mąą laa kulɔ a kuɔ, ɲą́ą́ kwa Ną́n.

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Kolosə 1:13

Aa gu kulɔ kpinį ŋą luwɔlaa yəi, aa gu lɔ nwɛlikɛmąą lon ŋą tɔɔlaa hu.

Hebreu 11:27

Laa na laa háálai, Moisə ə həɠə Eziptə lɔi hu, hvo ɲɔw tɔɔmun ŋą lííholi ɓa, ɛlɛɛ, ə tɔɔ kpąą, yɛ ɲɛ̨i a kɛ nui hva kaa, mą.

Lonon mo 12:8

Ŋą́ kɛ gáá mɛ̨nį ɓoi mą ŋą́ mo mą a ɉu pɔ̨nɔ̨ɔ̨, yɛ kwa kɛi ku kee ɲɛ̨ilai kaa. Ɛlɛɛ, a Yai-Laa koloon ɉu kaa. Ka tɔɔ pələ kɛ ləi, kaa nwɔ́ tímun Moisə laa pələ ɓo?»

Lɛɛ gbɔwɔ ɓa 24:10

Di Israɛlə nwɔ Yálái kaa, gɔwɔ mu ə kɛi lən yɛ da diamąn pɛlɛ laa, dɛɠiɛ yɛ yələkɔlɔn.