Ɉeremi 9:8 - Yálá laawoo hɛɓɛ (dc)

⁸ Yili a kɛ tii, mąą hvo mɔ̨ɔ̨ nɛ̨ɛ̨li və́ di hutɔɔ? Vá mɔ̨ɔ̨ pɛli nwąną kulɔi nu huwu taaləi ŋɛ̨i ɓa? Ɲą́ą́ Yai-Laa nwóó li.

Yálá laawoo hɛɓɛ

⁸ Yili a kɛ tii, mąą hvo mɔ̨ɔ̨ nɛ̨ɛ̨li və́ di hutɔɔ? Vá mɔ̨ɔ̨ pɛli nwąną kulɔi nu huwu taaləi ŋɛ̨i ɓa? Ɲą́ą́ Yai-Laa nwóó li.

Bible

⁸ Dínɛŋ káa a tɔ̃a nyíi a núu pàa. Gɛ́ lòno a núu-pɛlɛ pere tèe-tee. Da lôno a lii-see pere dílâoi-ni pɔ. Kɛ́lɛ dí kɛ̀ gbã tèe díperêi dí líi su.

Ɉeremi 9:8 Referans Kwoze

Mąątɛ̨nɛ̨ 28:3

Hvó ɉón yɛ bələi yá liiɲɔ̨n gwəi nuą hon nai, ə mą kɛ, túwɔ́ pələ ɲɔ̨n gulɔ nuą, da kɛ liilaa mɛ̨nį ɓoi di ɓɛlaa diɛ, Kɛlaa, di lii laa hvɛɛ a mɛ̨nį ɲɔ̨n gɛ kili.

Ɉeremi 9:3

Nu kəlee ə gbɔwɔ mɛ̨i kaa mɛlan dɔwɔ. Ka hvo ka kili lɛɛ ka nąn non ma, mąąhɔlɔɓo, nąn non gəlee kaa gee ɓa a kɔ́. Nui ka yáá ka káá ka kee pɔ yɛ ə́ laa mąą hiɛ.

Mąątɛ̨nɛ̨ 120:3

Lə kpɔ ɓə da pɛli dɛɛi ə́ pɔ? Lə ɓə nwɔ̨nɔ̨ da pɛli gɛi yɛ́? A nu pu laaləiɠaa tii?

Mąątɛ̨nɛ̨ 57:4

Ee kə! Yálá 'ə hvaa mą, ə lɛɛ yələi pələ, 'ə málo wɛ! Nui vánąi, ə ɲɛ̨i paa! Yálá ə nwɔ wɛlikɛmąąlaa da nwɔ tɛ̨ąi tɛɛ kuɔ wɛ!

Mąątɛ̨nɛ̨ 55:21

Ɉulɔnui tii ə kɛi mɛlaa kɛlɛ, nwooi ə gwɛlɛ, ə yili mąą kala.

Mąątɛ̨nɛ̨ 12:2

Yai-Laa, 'pa kilɛ-mą́ą́! Tələnmo nuą daa kpɛɛ, tələnmo mɛ̨nį aa kpɛɛ nu kanŋaa lɔwai.

Samia Veerɛi 3:27

Pənəi Avnɛrə ə mo ə pa, Ɉoabə ə li la ɉįi laa kpulu kpon gwɛlɛ pələ a gbanalaa, yɛ aa kɛi kɛ ə mɛ̨nį ta mo mą a nɛlɛɛ. Ə ɓɔwa pu gwəi, ə baa; Ɉoabə ə nəɠə Asahɛlə nwąną kulɔ.

Ɉeremi 9:5

Hulu mɛ̨nį, too mɛ̨i, yili lɔ ɓə kɛa di yee pɔ, di hva kɛa tɛ̨ą ɓo, di hvo bɔ di hvo Yai-Laa kɔ́lɔn. Ɲą́ą́ Yai-Laa nwóó li.

Ɉeremi 5:26

Gaa tii, mɛ̨nį ɲɔ̨n gɛ nuą kaa nwɔ nuą lɔwai, daa hee nuą tɔwɔ di loɔ yɛ nwɛ̨nį kpɛmun. Diɛ hɛlɛn dɛ, diɛ nu hon na.

Mąątɛ̨nɛ̨ 64:8

Kɛlaa, Yálá aa kilɛn bili diɛ, daa mɛ̨ikɔwɠaa kaa lɔ kɛa di tɛɠii, di kpɔwɔ mɛ̨nįi lɔ di gɛ, yaa lɔ li.

Mąątɛ̨nɛ̨ 35:20

Líilaa woo hvo ta kulɔ li di la, nɔi lonnii yiiɠaai di wəli pulu laɠiɛi, yiliɠaai ɓə da kɛ di laa mąąhiɛi a lɛɛ pɛlɛɛ di nwuɔ̨, a yələ kəlee.

Hanwon 25:18

Nui a lɛɛ kɛla hvaa ɓo a mɛlan gaalon naa, gɛ pələ kaa yɛ, gbɔn gɛnɛ̨, yɛ ɓɔwa kwɛa, yɛ mɛ̨ɛ̨kɔw ɲąą kulaa.

Ɉeremi 9:4

Diɛ di kee ni ɓowo. Nu ta hva tɛ̨ą ɓo, daa di nɛn mąą kwɛli lɛɛ kɛɛ ɓa. Daa kala, di hva kɛa pɛli pənəi di hvo pa bɔ́. Di hɔn mąą hva kɛa hvalin.

Mise 6:12

Daai ŋɛ̨i hu hɛn gɔw nąmįną kaa lɔ wea mɛ̨nįɠaa hu, ɉu nuą diɛ mɛ̨nį ɓo a nu ɓowo pələ.

Mąątɛ̨nɛ̨ 12:3

Lɛɛ lɔ ɓə da gɛ di kee ɓa: Di laawulun yɛ ɲąątɛ kɛ, di nɛ̨n ə ɓo di la hveelɛ.

Mąątɛ̨nɛ̨ 62:5

Mąąhɔlɔɓo, di kwəi kiliɠaa kaa lɔ a nu ɓowo mɛ̨nį, di liiɓa ɓaa diɛ lɛɛ kɛ, da lúwɔ́ too a di laaləi, diɛ nɛ̨ŋɛ̨naa kɛ, di kwəi pələ.

Ɉeremi 5:9

Túwɔ́ taalə a kɛ tii, ya ɓə mɔ̨ɔ̨ vá pɛli mɛ̨nį laai la nuą tii diɛ? Ə lɛɛ, nu huwu taaləi tii, vá mɔ̨ɔ̨ nwáná kulɔ diɛ? Ɲą́ą́ Yai-Laa nwóó li.