Biblia Todo Logo
Bib sou entènèt

- Piblisite -




Ɉeremi 9:23 - Yálá laawoo hɛɓɛ (dc)

23 Akɛ nu a kɛ bɔ ə gbɔwɔ ɲąąkɛnɛ, gbɔwɔ ɲąą kɛnɛ̨ mɛ̨nį nwun ga: Maa nɛɛ ə gɔ́lɔn yɛ kɛ, ɲąą ɓə, gaa a: Yee lɔ gee hu mɛ̨nį, tɛ̨ą mɛ̨nį, da tələnmo la ɓɛ yɛnɛ̨ɛ̨. Yili ɓə nwɛli kaa mą́ą́.

Gade chapit la Kopi

Yálá laawoo hɛɓɛ

23 Akɛ nu a kɛ bɔ ə gbɔwɔ ɲąąkɛnɛ, gbɔwɔ ɲąą kɛnɛ̨ mɛ̨nį nwun ga: Maa nɛɛ ə gɔ́lɔn yɛ kɛ, ɲąą ɓə, gaa a: Yee lɔ gee hu mɛ̨nį, tɛ̨ą mɛ̨nį, da tələnmo la ɓɛ yɛnɛ̨ɛ̨. Yili ɓə nwɛli kaa mą́ą́.

Gade chapit la Kopi

Bible

23 Yâwɛɛ è mò ǹyɛɛi, “Ǹúui nyíi dáreɛɛi, vé gíli tɔ̀ɔ ŋɔtárei ma. Ǹúui ŋ̀wála-walaai, vé gíli tɔ̀ɔ ŋɔwála-laai ma. Ǹúui nyíi dɔɔ̂i, vé gíli tɔ̀ɔ ŋɔtɔɔ-sãai ma.

Gade chapit la Kopi




Ɉeremi 9:23
54 Referans Kwoze  

Kpalo ɓɛlaai diɛ, da di kpɔwɔ kaa a kilimąą nuą, diɛ di kpɔwɔ kaa di kwəi pələ, a mɛ̨nį kɔ́lɔn nuą.


Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.


Da kɛ di kpɔɔ kaai yɛ kilimąą nuą, a mɛ̨nį gɛ, diɛmun daa ɓowo.


Diɛ di wɔ waliɠaa pili kwəli hąąɠaa, di wɔ hɛniɠaa di lɛɛ di ɲɛ̨i ɓa a hɛn gbɛli-kpɛli. Di wɔ walii da di wɔ hɛnii di hvo pai di ɓaloi a Yai-Laa nwɔ liiholi yələ.


Akɛ ya gwɛli yɛ pələi da walə kwɛli la, ə́ gwɛli pələ kɛ yɛ hɛn gɔw yii noɔ,


A tɛ̨ą, nɔi lonnii kaa kpɔlɔ yɛ nu nɔ̨ɔ̨n ɉii tanɔ̨n, nu kpɛa-kpɛa kaa kpɔlɔ a lɛɛ. Da di kɔ́ɔn, hvąŋą a kɛ a nwiaa dɛɛ diɛ.


Ka hvə tɔɔ kaa kɛ diɛ: «Ku wɔ huwalawalalaa ɓə gɛ kuɔ ɉɛn gɔw ŋɛ̨i hɔlɔɓo.»


Mɛ̨nį ɲɔ̨n gəlee ɉamu ɓaa a, wali lii. Gɛ mɛ̨nį nuą diɛ di kpɔwɔ kwɛlɛ mą, daa lan, daa di mąą kwɛa laa na pələ ɓa, ɛlɛɛ, daa di kpɔwɔ liikələn di kwəi, a kiliŋąhiɛ huwu tamąą.


Nwoo tii ə galan nɛai kwəi pili diɛ. Kɛlaa, Jesus ə pənə ə mo diɛ, yɛ diɛ: «Nónni, gɛ laa walai nu ə lɔ Yálá-taa tɔɔlaa hu.


Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.


Eziptə kaa pai kɛi a lɔi pun, a gboloon; bələ ɓə da gili kɔ́lɔn na, diɛ kɛ, Yai-Laa ɓaa a ɲą́ą́; hvó gaai ə kɛ diɛ: ‹Bɔ́ɔ́ ɓaa a Nilə; ɲą́ą́ ɓə naa.›


Hvo gaai, gaa kɛi diɛ; «Ŋą́ kɔ́ kuláaɠaai di hvo mɔ̨ɔ̨ ɓɔ́ a tɔɔɓɛlaa?


Mąą nu kaa pai kɛi a kilimąą mun, a wala kɛ tii, kilikpɛɛgwəi mun? Nu ta hvo yili kpaɠala kɔ́lɔn. Kɛlaa, hɛn kpɔ ŋą́ gwɛli gɛ́ kóló hu da nwɔ́ kili mɛ̨nį hu, gəlee kaa pai lɛɛi nui pai mą́ą́hvalin ɉi ɲəi. Yili kəlee kaa a kpɛli-kpɛli mɛ̨nį.


Goliatə ɲɛ̨i heei ə mo, ə Davidə kaa, ɲɛ̨i tɛɠɛ ə ɓo ɉu, yɛ gaa lɔ a hulɔnon golo, nwɔ kɔ́lɔ kwələ mu kpɔluɔ, ɲɛ̨ilai lɛlɛɛ.


Yii hu kɛa, ka ka kɛ pələ pɛli, ɓɛlɔwai ka káá pai vɛli kɛ hɛnŋaa tii woo mɛ̨n ɉii la, mąąnɛ̨ɛ̨, ka ka maa pɛlɛ, ka kwɛli hvilɛn mąąnįnįn ɉaɠaa ŋɛ̨i ŋą́ bɛli ma. Ka wala gɛ, ŋaaɓa, daa ma ka pili fuulu nwɔ̨n ɉu. Ə lɛɛ, ala yii pai ka kulɔi ɲə́i, ŋą́ pa ŋą́ gaa.»


Ya ɓə a gɛ, yɛ bələi ɉɛɓɛ́ ə mo la, yɛ kɛ: «Nui yɛ ə gbɔwɔ ɲąąkɛnɛ̨, ə gbɔwɔ ɲąąkɛnɛ̨ gu Nąmu hu.»


a tɛ̨ą, ŋą́ gíliɲąkiɛ Ną́mu Jesus Kristə kɔlɔn mɛ̨nį kɛnɛ̨ɛ̨ ŋɛ̨i ɓa, ŋą́ yili kəlee kaa a kpɛli. Mąą mɛ̨nį ɓa, ŋą́ą́ ɲéé kulɔ hɛn gəlee hu, ŋą́ą́ gəlee kaa yɛ tulun ŋą hɛn, ə gɛ, ŋą́ Kristə hɔlɔɓo,


Mɛ̨nįi kpɔ gaa laa, ya ɓaa: Yaa gɔlɔn mɛ̨nį, ɛlɛɛ, ɉuwalawalai gulɔ haa yəi, da nwɔ mɔ̨nɔ̨i ta mįi mɛ̨nį, yɛ́ kɛi yɛ, yaa, ɉaa mɛ̨nį hu;


Ka hvo tɔɔ kaa kɛ diɛ: «Kwaa mɛ̨nį kɔ́lɔn gili hɔlɔɓo, Yálá lɔ ɓə ɲee a pɛli tɛɛi nui ŋɛ̨i ɓa, nu kan vəi.»


'Hvó ə́ kilitɔɔ ə́ kpɔwɔ nwɔ nwun gɛ ɉu laa ɓa, Kɛlaa, ə́ kilitɔɔ Yai-Laa ɓa.


Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.


Nuą kwəi a pili diɛ, di ɲɛ̨i ə paa, Nubi mąą mɛ̨nį ɓa; yai di ɲɛ̨i heɛ kɛ mą, da Eziptə; yai nuą di kɛi di nwun dɛ a mąą mɛ̨nį.»


Ə́ kilitɔɔi kɛ ə́ wɔ gbąnąlaa ɓa, yɛ́ kɛ diɛ: «Nu ta hvo gáái.» Ə́ kili da ə́ wɔ mɛ̨nį kɔ́lɔn ŋąą ɓə ə́ pulu kulɔi. Ɛlɛɛ, yɛ́n, yɛ́ kɛ diɛ ə́ kwəi pələ: «Ɲą́ą́ lɔ gáá laa, akɛ ɲą́ą́ hvəi, nu takpɛli hvo nąą pulu, gəlee kaa a kpɛli!»


Mąąhɔlɔɓo, ka ka kilitɔɔ ka kpɔwɔ ɓa, da ka yəi hɛn gɔwɠaa, ka hon ŋąą li. Kemɔsə kaa lii mąąkilɛi, da nwɔ haláá kulɔ nuą, da nwɔ ɲąąwooɓo kɛ nuą kəlee.


Ə́ kɛ mɛ̨nį heeni yee lɔwai, ə́ kaa ə́ kpɔɔ ɲąą kɛnɛ̨i yili hu, lə mɛ̨nį ɓa? Ə́ wɔ lɔi kaa a lɔi lɛlɛɛ, yɛ́i ɓaa halakpɛla, liihɛlɛn və yɛ́. Yɛ́i ə́ kilitɔɔi ə́ wɔ hɛn gɔwɠaa diɛ, yɛ́ kɛ diɛ: «Gbɛɛ ɓə a kɔ́ pɛlɛ mą́ą́?»


Gɔlɔ hu, wiɛ pələ kɛnɛ̨ɛ̨, nwalawala pələ, tumun və mą.


Tələnmolaa da tɛ̨ą di wɛli kaa Yai-Laa ɓa, lɔi laahvɛɛi a Yai-Laa yəi mɛ̨inɛ̨ɛ̨.


Gwə́i kpɔ-kpɔɔ nɛ̨ɛ̨i Yai-Laa mąą mɛ̨nį ɓa, kpɔwɔ mąą yɛɛ nuą, ka nwóó mɛ̨n, 'ka kwəinɛ̨ɛ̨ kulɔ.


Ku kɛi tuwɔ Yálá mąątɛ̨nɛ̨ wələ tooi, kuɔ ə́ laa tɛ a wələ, a yələ kəlee.


Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»


Ka tɔɔ pələ kɛi ləi, kaa kɛ diɛ: «Kɔkulaa gbəliɠaa ɓaa kuɔ? Kɔ kɔ́ nuą kpɔ-kpɔ ɓaa kuɔ?»


Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,


Swiv nou:

Piblisite


Piblisite