Ɉeremi 9:15 - Yálá laawoo hɛɓɛ (dc)

¹⁵ Gáá pai di taɠa taɠai lɔiɠaa hu, ɓɛi di hvo naa kɔ́lɔn, diɛ man-o di nanii-o, ə lɛɛ ŋį́ kɔ́ hvilɛn di pulu, ə lɛɛ ɉu, di haa.

Yálá laawoo hɛɓɛ

¹⁵ Gáá pai di taɠa taɠai lɔiɠaa hu, ɓɛi di hvo naa kɔ́lɔn, diɛ man-o di nanii-o, ə lɛɛ ŋį́ kɔ́ hvilɛn di pulu, ə lɛɛ ɉu, di haa.

Bible

¹⁵ M̀ɛni ma, ńyãai a Ŋ̀wála-wâla kélee Yâwɛɛ nyíi gáa a Eezuɛ-ŋai Díɣâlai, ŋa môi a gɛɛ ŋa pâi sɛŋ wã́naa tɛɛ̂i dípɔ a dí kɔ̃́nɔŋ. Ŋá ŋ̀ale-maa tɛ́ɛ dípɔ a díkpele-sɛŋ.

Ɉeremi 9:15 Referans Kwoze

Ɉeremi 8:14

Gu kaa ɓɛ tɔɔni kpɛli-kpɛli lə mɛ̨nį ɓa? Ka gu gu ɲąąkpɔn, ka gu lɔ daɠaa hįi kaa mą ɉu; ka gu lɛɛ laa gu haa mąąkpɔn. Hvo gaai guɔ Yálá a gu laakwɛlanmo haa ɓa; aa pilimąą tɔɔ gu la, gu haa mɛ̨nį ɓa. A tɛ̨ą, kwaa ku hɔn gɛ a Yai-Laa.

Woolaa 3:15

Aa góó laahvɛɛ a kala nwąną nwąną aa ɉón.

Mąątɛ̨nɛ̨ 80:5

Yai-Laa Mɛ̨nį Kəlee ŋą Hééɓomun Yálá! Ə́ kaa pai lɛɛi Ə́ líiholii, yɛ́ ə́ lii tee ə́ wɔ nuąi di wɔ hvɛliwooɠaai diɛ, ə lɛɛ ɉu mįnɛ̨ lɔwai?

Ɉeremi 23:15

Yili mąą mɛ̨nį ɓa, yii Yai-Laa Mɛ̨nį Kəlee ŋą Hééɓomun kaa moi, Yálá kwəi mɛ̨nį hukulɔ nuą tii mąą mɛ̨nį hu, ya ka, yɛ diɛ: «Gáá pai di paa hali tɔɔi di la, gaa a pili mąą ya, gáá pai dɛɛi di pɔ di gbələ. Mąąhɔlɔɓo, Yálá kwəi mɛ̨nį hukulɔ nuąi Ɉerusalɛmə daai, diɛ ɓə nɔi kala mɛ̨nį aa həɠə di pɔ pələ, yɛ hiɛ nɔi nąą kəlee.»

M̀ɛni-lɛɛi 8:11

Bɛmɛ̨lɛ̨n-gɔwi tii laa ɓaa: Pilimąą. Yáɠaa ɓɛlaɓoɔ ɉu haaɓa bələ tɔ̨nɔ̨, ə kɛ a pilimąą, nu tamąą di haa, ɲáɠaa kɛi ə mo a pilimąą, mąą mɛ̨nį ɓa.

Woolaa 3:19

Ŋą́ kɛi gíliŋąhiɛ nwɔ yɛnɛ̨ɛ̨ ɓa, da nwɔ́ mɔ̨nɔ̨i, gaa yɛ pilimąą da kaalə nwąną.

Ɉeremi 25:15

Nwooi Yai-Laa Israɛlə nwɔ Yálá ə mo mą́ą́, ya ka, yɛ mą́ą́: «Nɔɔ gbamąi ŋɛ̨i hon ɲə́i, yai naahvɛɛ a nwɔ́ liiholi lɔɔ kpəɠiɛ; nɔiɠaai gáá ə́ tɔɔ di pɔ, ə́ dɔɔ di la.

Azaya 2:22

Ka hvo ka kilitɔɔ nu ɓa, yai nwɔ yɛnɛ̨ɛ̨ ka lɔ nɔ̨w yəi, mɛlɛ kɛɛ nąą ɓaa mį?

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Mąątɛ̨nɛ̨ 75:8

Yálá ɓə a kiti tee, yaa lɔ ɓə a nu mąą yɛɛ, yɛ nu nwun muhəɠə.

Mąątɛ̨nɛ̨ 69:21

Lalan aa níí yali gwə́, yili kaa mą́ą́ a ɲɔ̨n gbɔ kpɔɔ, ɲɛ̨́i ə kɛ níí laamun dɔwɔ, ya ka və́ gaa li, ə mą kɛ gbɛlaɓonuą, və́ da hɔlɔɓo li.

Mąątɛ̨nɛ̨ 60:3

Yálá, yáá ku pili, yáá ku hu taɠa-taɠa, Ə́ líiholiɛ kɛ! 'Pənə ə́ ku pu ku nįnɛ̨ kɔ́lɔi.

Dutɛrɔnome 29:18

Ɛlɛɛ, mąą nu a nolo woo ŋɛ̨i mɛ̨n, yɛ gbɔwɔ kaa yɛ mąątɛ̨nɛ̨ gwəi pələ, yɛ kɛ mą: ‹Ŋą́ mą kanąn gwə́i kiliŋąhiɛ ɓa, ŋą́ pɛli mɛ̨nį kəlee hɔlɔɓoi, mąąhɔlɔɓo, lɔi tulɔ a pu mą, kpələ wɛli hvo laa.›

Dutɛrɔnome 28:36

«Dɔɔmun ka ɉee ka nwun na, Yai-Laa kaa pai ka diɛni ka tɛɛi, nu huwui wɔlɔ ka nąnni di hvo gɔlɔn, ɛlɛɛ, kaa kpɛli ŋɛ̨i ka hvo gɔlɔn, di pɔ, kaa ɓo di yee kɔ́nma, kaa tí haliɠaa diɛ, diɛi di kaa a wulu, da kwɛni.

Ɉeremi 24:10

Gáá kɔ́ pɛlɛi diɛ, ŋį́ pulu too diɛ, da ɲɔ̨n, əlɛɛ ɉu, di kpɛɛ nɔi ŋɛ̨i hu, yai ŋą́ dɛɛ di pɔ da di nąnni.»

Ɉeremi 44:27

Gáá ɲɛ̨i ɲɔ̨nwɔ̨ɔ̨ heei káá, gɛ́ ká mɔ̨nɔ̨ ɓo. Ɉuda nuąi heeni Eziptə lɔi hu, di kaa pai haai a kɔ́ da pulu, əlɛɛɉu, gəlee di kpɛɛ.

Ɉeremi 49:37

Elamə nuą da pa di yowoɠaa kaai, nuąi ŋɛ̨i di hvilɛnŋąą di wɔ yɛnɛ̨ɛ̨ pulu, di ɲɛ̨i a tɔɔ diɛ. Ɲą́ mąą kpɛlin doo di hu, nííholi pələ ɓa, ɲą́ą́ nwɔ́ liiholi kɛnɛ̨ɛ hu; ɲą́ą́ Yai-Laa nwóó li. Gáá kɔ́ hvilɛn ɉi Elamə pulu, əlɛɛ ɉu, ŋą́ di kpɛɛ yɛnɛ̨ɛ̨.

Izikiɛ 5:2

Ə́ ɉeei tɔ̨nɔ̨ kələn daa hɛ̨ąi; ɲələi da kpɛɛ la a gɔ́ həɛ daa ɓa; ə́ ɉeei tɔ̨nɔ̨ həɠə, ə́ ɉu tee a mowa kwɛaa, ə́ daa mąątínɛ̨n na, ə́ doo gee hu. 'Ə́ gbəli taɠa hvaŋą hu, gáá pai ɓɔwa kwəaa kulɔi daa hu di pɔ.

Izikiɛ 5:12

Gáá yɛ́ nuąi hee kpəlina kɛi haaɓa; ɉeei tɔ̨nɔ̨ kaa pai haai a nu paa ɲɔ̨n, awala kɛ ti nwun na a pili a pulu, daa kwəi; ɉeei veelɛnąn gaa pai tooi a kɔ́ kɔ́ ɓɔwa laa pɔɔ, ə́ kwɛlɛ kəlee; ɉeei ɉaaɓanąn nwɛi, ŋą́ ɉu taɠa taɠa pələ kəlee; ɛlɛɛ, ŋą́ hvilɛn di pulu a kɔ́ kɔ́ ɓɔwa.