Ɉeremi 9:11 - Yálá laawoo hɛɓɛ (dc)

¹¹ Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Yálá laawoo hɛɓɛ

¹¹ Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Bible

¹¹ Yâwɛɛ è mò ǹyɛɛi, “Ŋa pâi Zerusâlɛŋ wôloi, ŋá ǹaa kɛ́ a taa-pîleŋ ŋá. Ǹaa a pâi kɛ̂i a fɛnɛ-sãa pɔ́-taai. Ŋa pâi Zuda taa-lee-ŋai kélee lɛɛ̂i a búŋ. Núu da kélee fé pâi seêi naa.”

Ɉeremi 9:11 Referans Kwoze

Azaya 25:2

Yáá daa kɛ a taa kpoloon, daa yii kɛ mąątínɛ̨n ŋąą a hįį, Yáá nɛɛ a lɔi pun, Túwɔ́ pələ ɲɔ̨n gulɔ nuą, di wɔ taai, hvo kɛa a taa, hva kɛa pənə hvo tɔɔ kpɔ tanɔ̨n gbɛli.

Ɉeremi 51:37

Babilonə kaa pai lɛɛi a kwɛni hįį, a yalaɠaa pɛlɛi, a lɔi pun, yii nu a gaa, hvo kɛli a kɛ: «Éé kə́!» Ŋą́ ɉu nuą kulɔ laa.

Ɉeremi 10:22

Ka ka wəli tɔɔ din ŋɛ̨i ɓa; gaa yɛ nu kpulu kɛnɛ̨, di kaa həɠəi ɲanwuɔ̨ pələ, di kaa pai Ɉuda taaɠaa mąą pənəi a pun. Naa ə lɛɛ a góɓəɠaa pɛlɛi.

Azaya 34:13

Ɲąąlən gaa pai ɓɔn ɉii daaɠaa hu, tɛ̨ɛ̨tɛ̨ɛ̨ da didi-hɔ̨ɔ̨-hɔ̨ɔ̨ diɛ tiliin daa mąąkpɛ pɛlɛ́ɠaa mu, nąą a lɛɛ a goɓəɠaa pɛlɛi, haɉaliɠaa diɛ pɛlɛ laa.

Azaya 13:22

Hvuluɠaa diɛ di kee woo mu hon, tɔɔ pɛlɛ́ɠaa mu, kwɛliɠaa di ɓo nu kpɛa-kpɛaaɠaa di wɔ pɛlɛ́ lɛlɛɛɠaai mu, nąąlɔwai kaa lɛɠɛi, Babilonə nwɔ hvóló tii hu hvo kɛa kwɛa li.

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.

Woolaa 3:47

Ku wɛi aa lɛɛ a ɲɔw da hulowaɓo, a ku mąą kpoloonŋaa, da kɛɛ kalaa kuɔ.

Woolaa 2:2

Yai-Laa aa Ɉakɔbə heei kəlee wolo hvo kpɛli mąąwɛli kaa li nwɔ liiholi hu, aa Ɉuda halakpɛla mąąkpɛ hįi wolo aa dɔɔlaa da dɔɔɓɛlaa ɓɛlɛkpɛɛ diɛ, aa di too nɔi ɓa.

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Ɉeremi 26:18

«Morɛsɛtə hulɔnui ŋɛ̨i kɛ a Mise, ə kɛi Yálá kwəi mɛ̨nį hukulɔ, a Ɉuda tɔɔmun Ezekiasə nwɔ yələi. Ə ta mo Ɉuda lɔi hu nuą kəlee diɛ, yɛ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: «‹Di kaa pai Siɔn hin ɉii yɛ tíi, Ɉerusalɛmə kaa pai kɛi a pɛlɛ́ kpoloon buɔ pɛlɛ́ kpoloon mɛ̨i, ɛlɛɛ, ɲee ŋɛ̨i Yálá hee pɛlɛ́ tɔɔ nwuɔ̨, a lɛɛ a kpomo.›

Ɉeremi 25:11

Nɔi ŋɛ̨i naa kəlee kaa pai lɛɛi a kpomó, da lɔi pun. Ɛlɛɛ, ɉu nuą kəlee da kɛ Babilonə tɔɔmun ɲee mu əlɛɛɉu, kwɛlan bow mɛ̨ihveelɛ.

Mąątɛ̨nɛ̨ 79:1

Asafə nwɔ wələ woo. Ee Yálá! Hįi takpɛliɠaa daa lɔ ə́ kwɛlin nɔi hu, daa ə́ wɔ pɛ́lɛ́i mąąliɓi; daa Ɉerusalɛmə lɛɛ a taa kpoloon.

Mise 6:16

Omri nwɔ tɔ́nŋaai ɓə ə́ yee kaa mą, da Akabə yəi bɛlɛ́n ɲii pələɠaa kəlee, bələi da ka tí la, bələ ɓə ka hiɛ la, yili mąą mɛ̨nį ɓa, gáá pai ɲɔw pilii nɔi hu, yɛ nɔi hu nuą mąą kpɛlin, gɛ́ di kɛ a yɛlɛ kulɔ ɉu hɛn, nwɔ́ nu huwuɠaai wɛli aa kpɛɛ mą́ą́ kpɔ tɛ́-tɛ́.»

Mise 1:6

Gáá pai Samari kɛi a kpomói daa nɛɛ gbɔwɔ ɓa, a tíi kɛ lɔi. Ŋą́ nwɔ kwɛniɠaai kiliɠilin, ŋį́ bili ɓoloon ɉu. Gwɛniɠaai daa hvilɛn ŋąą mɛ̨i, ŋį́ di kulɔ nɔi mu, ŋį́ di pu pɔ̨nɔ̨ ŋą.

Ɉeremi 26:9

Ə́ liikpələi pələ kaa ləi, yɛ mɛ̨nį lɛɛ kwɛa la, yɛ mo a Yai-Laa laa, yɛ kɛ diɛ, bɛlɛ́i ŋɛ̨i kaa pai kɛi yɛ Silo, ɛlɛɛ, di kaa pai daa kalai di ɉu nuą kulɔ ɉu?» Nuą kəlee di tinɛ̨n Ɉeremi ɓa Yai-Laa hee pɛlɛ́ mu.

Ɉeremi 25:18

Ɉerusalɛmə taa, da Ɉuda taaɠaa, da nwɔ tɔɔɓɛlaa, da di wɔɔ kalanɉonŋaa; yɛ di kɛ a lɔi pun, a taa kpoloon. Nu ta a gaa hvo kɛli a tomą, yɛ nɛ̨ŋɛ̨n naa. Bələ kpɔlɔɔ ɓə gaa la yiihu.

Azaya 44:26

Gɛ́ nwɔ́ tímun hvaa woo pɔ mɛ̨nį lɛɛ mą, gɛ́ nwɔ wɛlɛɛɓo nuą, woo hu nɛ̨ɛ̨, ɲą́ą́ ɓə kɛ Ɉerusalɛmə ɓa: «'Ə́ laa ə hvɛɛ a nu kan», gɛ́ Ɉuda taaɠaa diɛ: «'Ka pɛ̨nɛ̨ ka tɔɔ a nįnɛ̨», yii kpɔ kala, ŋį́ gəlee pu nįnɛ̨ kɔ́lɔi.

Nehemi 4:2

Di kəlee di woo ə laa mą, diɛ pa kɔ́ pɛlɛi Ɉerusalɛmə ɓa, ə gə, di mąą mɛ̨nį hukala.

M̀ɛni-lɛɛi 18:2

Ə tomą kpɔ a nwoo kɛnɛ̨, yɛ kɛ mą: «Aa too, aa too, Babilonə kɛnɛ̨i aa too; aa lɛɛ kɛa a ɲįnɛ̨nŋaa heei, aa lɛɛ a ɲinɛ̨n ɉuwui lɔpee gəlee heei, a nwɛ̨nį kɔ́hɔɓoɔɠaa, diɛi di wɛlikpɛɛ nu kanŋaa diɛ, di heei.

Levetekɔ 26:32

Ɲą́ą́ gbinįi ŋą́ mąąwɛli mɛ̨nį hee nɔi, ka yowoɠaai pai heei laa, yili a di kwəi pili diɛ.

Mąątɛ̨nɛ̨ 44:19

Ku hvo kɛ ku kili mąą hvalin ni ə́ mąą mɛ̨nį hu, ku kɔwɔ hvo kɛ həɠə li ə́ wɔ pələi mɛ̨i.

Ɉeremi 1:15

Gáá pai ɲanwuɔ̨ pələ tɔɔɓɛlaa kəlee təlii, di kaa pai, nu kəlee kaa pai nwɔ tɔɔkpəlin hvilɛn ɉii Ɉerusalɛmə taa bələ nwun na; daa mąąkpɛ hįį tənən ma, da Ɉuda taaɠaa kəlee tənən ma. Ɲą́ą́ Yai-Laa, Nwóó li.

Ɉeremi 4:27

Yai-Laa woo ka, yɛ diɛ: Gáá nɔi kəlee kalai. Kɛlaa, ə mą kɛ tii, gáá ɲéé pulu lɛɛi naa ta.

Ɉeremi 44:2

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: Mɛ̨ni ɲąąnwąnąąɠaai ŋą́ naa Ɉerusalɛmə taa da Ɉuda taaɠaa diɛ, ka di kɔ́lɔn, daa lɛɛ kɛa a lɔi pun, nu hvo laa.

Ɉeremi 49:33

Hasɔrə aa lɛɛ a yalaɠaa pɛlɛi, aa lɛɛ a lɔi pun a yələ kəlee mɛ̨nį. Nu ta hva kɛa hee laa. Nu ta hva kɛa daa tɔɔ laa.»

Ɉeremi 50:3

Gaa tii, ɲələi pələ, nu huwu ta kaa woloi mą, yɛ nwɔ lɔi mąą pənə a lɔi pun. Nu kan-nwoo huwɔ-oo. Gəlee daa pu, hɛn da hvo lɛɛ li laa.

Woolaa 1:4

Siɔn daa pələɠaa kəlee daa kpɔlɔɔn. Nu ta hvo kɛa lii laa hɛli ɓa. Gwəli hɛ̨ąiɠaa kəlee daa kpɔlɔɔn. Ɉaláá laa həli nuą diɛ di woolaa. Siɔn halakpɛlaɠaa kwəi aa pili diɛ. Siɔn aa lɔ liikələn gwəi hu.

Dutɛrɔnome 29:23

Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Mąątɛ̨nɛ̨ 107:43

Gbɛɛ ɓə yɛi kɛ a mɛ̨nį kɔ́lɔn mun? Ə mɛ̨nįɠaai ti kəlee mąąkpɛɛ, ə Yai-Laa nwɔ mɛ̨inɛ̨ɛ̨ mąą mɛ̨nį kpaɠala kaa.

Ɉeremi 8:22

Akɛti wulu laa hvo mɔ̨ɔ̨ Galaadə? Akɛti hali kɛ mun və mɔ̨ɔ̨ laa? Lə ɓə kɛ yaai hvaŋą wolo hvo kpɛli pui nwɔ́ nuą diɛ?

Ɉeremi 16:10

Yá pa mɛ̨nįɠaa ŋɛ̨i kəlee ɓoi nuą tii diɛ, da kɛ yɛ́: «Lə mɛ̨nį ɓa, yaai, Yai-Laa ə mɛ̨nį nwąnąą taaləi tii kili tee gwəi, yɛ naa kuɔ? Kɛɛ lə kɛɛ ɓə ku gala?.»