Ɉeremi 8:2 - Yálá laawoo hɛɓɛ (dc)

² Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Yálá laawoo hɛɓɛ

² Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Bible

² Ǹûai ŋí da kâa vóloi fɛ̀li, ŋáloŋ-foloi, ŋ̀elei su sãai kélee nyíi-ŋai dí díwɛli-ni, dí kɛ̀ tíi kɛ̀ dîɛ, dí kɛ̀ ƃò dípôlu, dí kɛ̀ dífɛ̀lii. Dí díkao kùla dí bú díŋɛi túɛ. Ǹyaŋ dífe pâi díkao ŋáa tɛ̂i gîe ma, kpaa dí díloo. Dí káo a pâi kɛ̂i a kala ǹɔii ma.

Ɉeremi 8:2 Referans Kwoze

Tɔɔɓɛlaa veelɛ 23:5

Ɉaláá laa həli nuąi Ɉuda tɔɔɓɛlaa di di hee, diɛ haláá laa həli di wɔ halááɠaa kulɔi Ɉerusalɛmə taa da gwɛlɛ taaɠaa hu, tɔɔmun Ɉosiasə ə nuą kəlee yee kulɔ yili hu, ə lɛɛ, nuą kɛi lansan kələn Baalə ɓa, hvóló da ɲąnin diɛ, ə mą kɛ yələ kwəi hɛnŋąą diɛ, Ɉosiasə ə nuą tii kəlee yee kulɔ yili hu.

Gɛlaɠaa 7:42

Yili ɓə gɛ Yálá ə di lɛɛ laa, diɛ kɛa kwɛli hvilɛn yələi hɛnŋąa diɛ, yɛ bələi bɛ̨ɛ̨ la Yálá kwəi mɛ̨nį hukulɔ nuą di wɔ hɛɓɛ́i hu, diɛ kɛ mą: «‹Israɛlə nu huwu! Gwɛlan bow nąąn ka gɛ nɔi pun ɉu, ɲą́ą́ ɓə mɔ̨ɔ̨ ká kɛli gɔ́, a ka wɔ haláá hɛn, da kɔ́ɓo hɛn?

Ɉeremi 9:22

Yai-Laa yɛ diɛ: Kilimąą mun və gbɔwɔ ɲąąkɛnɛ. Nwɔ kili mɛ̨nį hu. Huwalawala mun hvo gbɔwɔ ɲąą kɛnɛ̨, nwɔ huwalawala laa hu. Hɛn Nąmu hvo gbɔwɔ ɲąą kɛnɛ̨, nwɔ hɛn gɔw mɛ̨nį hu.

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.

Izikiɛ 8:16

Ə li a ɲą́ą́ Yai-Laa hee pɛlɛ́ mu pələ; Yai-Laa hee pɛlɛ́ laaləi, ɲįmąn mu da ɉaláá kulɔi di lɔwai, hinąą pow hveelɛ gɔw lɔɔli pɔɔla di kɛ laa, di pulu tinɛ̨nŋąą Yai-Laa kɔ́i ɓa, di ɲɛ̨i həɛ hvóló ɓɛlan bələ; di kɛi pɛlɛ nɔi ɓa hvóló ɓɛlan bələ, diɛ kwɛli hvilɛn hvóló ɓa.

Ɉeremi 36:30

Ə həli yɛ́, Yai-Laa woo ka; yɛ hvilɛn na Ɉuda tɔɔmun Yoyakimə ɓa: ‹Non da hvo pai heei Davidə nwɔ tɔɔkpəlin hu a mąąhvalin. Bowa kaa pai lɛɛi too ni, hvóló ə gələn, laɠi ə too mą kpinįi.

Ɉeremi 22:19

Di kaa pai bowa looi yɛ bələi da hoohvaalən now la, di kaa pai bowa yalai di bili Ɉerusalɛmə taa mąąkpɛ hį́i gbon bulu pələ.»

Ɉeremi 19:13

Ɉerusalɛmə taa da Ɉuda lɔi hutɔɔɓɛlaa kaa pai kɛi yɛ Tafetə, mąąliɓiɛ, a bɛlɛ́ɠaa kpɔ tii da kɛ halááɠaa kələn ɉii di laaləi yələkɔlɔn ɉu hɛnŋaa diɛ, diɛ lɔɔ pu laa haliɠaa diɛ.

Ɉeremi 16:4

Pulu kaa pai di mɔ̨nɔ̨ ɓoi, diɛ haa ɉu, di hvo pai wɔlɔi di powa mɛ̨i, di hvo pai kámą hɔlɔɓoi, di kaa pai lɛɛi nɔi mɛ̨i, di kɛ a tulun bɔlɔ. Kɔ kaa pai di paai, pulu ə di paa, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Mąątɛ̨nɛ̨ 83:10

'Di hon yɛ bələi ə́ Madian hon na, yɛ Sisera da Yavin, Kisɔn yá huluun ɉii.

Tɔɔɓɛlaa veelɛ 21:3

Ɉaláá kulɔiɠaai nąn Ezekiasə ə nąą kala, ya ɓə Manase ə pənə ə di tɔɔ. Ə Baalə nwɔ haláá kulɔ kwɛniɠaa tɔɔ, ə pənə ə wuluɠaa tɔɔ diɛ haláá kulɔ mą, yɛ bələi Akabə Israɛlə tɔɔmun ə gɛ la, yɛ haláá kulɔ yələ kwəi hɛnŋąą diɛ, yɛ tí diɛ.

Sofoni 1:17

Gáá mɛ̨nį ɲąąnwąnąą laai nu kanŋaa diɛ, diɛ hiɛ yɛ ɲɛ̨ipu nuą. Mąąhɔlɔɓo, daa nɛ̨ŋɛ̨n ɉəɠə Yai-Laa ɓa. Di ɲąmą kpoloon gaa pai laai yɛ, tulɔya kpoloon, di powa puɔ gee mɛ̨i, yɛ luwun yɛ túlún.

Ikilisiati 6:3

Nu ta a pɛli mą ə lon ɉɔlɔɓo nwun dɔ̨nɔ̨, mąą nu ə kwɛlan damąą kɛ yɛnɛ̨ɛ̨, akɛ hvo ɲąąnɛ̨ɛ̨ kulɔ li ɲíi hvóló tamąą tii hu, ɛlɛɛ nwɔ̨nɔ̨, di hvo kpɛli bowa loo li a nɛlɛɛ, yili ɲąąnɛ̨ɛ̨ ɓaa a lə? Nwɔ́ kwəi, yəikalalon viɛlaɓoɔi mąą nu ɓa.

Tɔɔɓɛlaa veelɛ 21:5

Manase ə haláá kulɔi pɛli yələ kwəi huwalawalaɠaa kəlee laa ɓa Yai-Laa nwɔ pɛ́lɛ́i gwəli hąąi.

Tɔɔɓɛlaa veelɛ 17:16

Di Yai-Laa di wɔ Yálái nwɔ tíɓoɠaa kəlee lɛɛ laa, di nįŋɛ̨ lon mąąnįnįn veelɛ pɛli, di wulu tɔɔ, diɛ haláá kulɔ mą. Diɛ kwɛli hvilɛn yələ kwəi hɛnŋąą kəlee diɛ, diɛ tí Baalə ɓa.

Dutɛrɔnome 17:3

mąą nu yɛ haliɠaa mąąwiɛ, yɛ pɛlɛ di lííla, yɛ pɛlɛ hvóló da ŋąnin, da yələ kwəi hɛnŋąą lííla; ɲą́ą́ hvəi dí la.

Mąątɛ̨nɛ̨ 53:5

Mɛ̨nį ɲɔ̨n gɛ nuąi tii, gbaɠala hvo mɔ̨ɔ̨ diɛ, a diɛi kɛi nwɔ́ nu kanŋaai mįi, a di kɔ̨nɔ̨n di kɛi gulɔ di yəi, ɛlɛɛ, di hva kpɛli Yálá hvɛli!

Ɉeremi 14:16

Ə lɛɛ, nuą tii bələɠaa tii ɓoi, di kaa pai kɛi puuni Ɉerusalɛmə gwəliɠaa lɔwai a pulu, da kɔ́ kɔ́ ɓɔwa laa pɔɔ; nu hva hɔlɔɓo, hvo di powa loo, diɛ mąn, di nɛ̨ąni mąn, di lonnii hinąą da di lonnii nɛ̨ąą. Bələ ɓə gáá pai di túwɔ́ hɔn ɲɔ̨n tii yɛɛi la a di nwun.»

Ɉeremi 16:11

Da mo tii yɛ́, yá kɛ diɛ: Mąąhɔlɔɓo, ka nąnni di Yai-Laa lɛɛ laa, di hvilɛn ŋąą haliɠaa pulu, diɛ di mąąwiɛ, diɛ kwɛli hvilɛn diɛ, diɛ pɛlɛ di lííla. Nwɛ́i di lənə mą́ą́, di hvo nwɔ́ tíɓoɠaa lɛɛ li di kili pɔ.

Ɉeremi 31:40

Nu powa boloon da nuwu pili ɓoloon gəlee, ə mą kɛ, Sedrɔn nɛ̨ŋɛ̨ hu, əlɛɛɉu ə həli ɉoo kpon ma, voló həɠəi pələ, gəlee a kɛ a lɔi mąąhəɠɛɛ, a Yai-Laa nwɔɔ, nu ta hva kɛa nąą kala, di hva nąą wolo, a kwɛlan nɔpee ta.»

Izikiɛ 6:5

Gáá pai Israɛlə nuą pɔwa pui di wɔ haliɠaai lííla; gɛ́ ka kɔ́wɠaa taɠa taɠa ka wɔ halaa kulɔiɠaa kwɛlɛ.

Izikiɛ 29:5

Gɛ́ ə́ pili nɔi pun ɉu, ka ə́ wɔ Nilə hu hɔ̨ŋɔ̨leeɠaa kəlee. Ə́ kaa pai tooi nɔi ɓa, tiiɠaa hu; yɛ́ taɠa-taɠa; ɛlɛɛ di ə́ yɛɠɛ, di hvá ə́ kpɔn ə́ gee ɓa; ŋį́ ə́ tɛɛ lɔwɔ huwɔɠaa da yələi nwɛ́niɠaa pɔ, a di kɔ̨nɔ̨n.

Mąątɛ̨nɛ̨ 83:11

Di di ɲąąyíi Ein-Dɔrə; di wɔlɔ di mąąpənə a túlún bɔlɔ.

Ɉeremi 9:20

nwɔlɔ kpɔ ka: «Haa kaa tɛi a bɛlɛ́ nwąną; aa lɔ gu wɔ pɛlɛ pɛlɛɛɠaai mu, yɛ lon nwun napili gwəliɠaa lɔwai, yɛ muhəɠə nįnɛ̨ɠaa paa gwəli heaiɠaa ɓa.»

Ɉeremi 9:21

Ɉeremi! Yai-Laa woo ka, naa həli; yɛ diɛ: Nu powaɠaa taɠa taɠai nɔi mɛ̨i yɛ tulun bɔlɔ, yɛ mɔ̨nun gɔnŋaa daa kɛi pu mɔ̨nun dee nuą pulu; ə lɛɛ nu hva hɔlɔɓo yɛ di yɛɠɛ.

Ɉeremi 16:6

Nɔi ŋɛ̨i hu nu kpɛa kpɛaa, da bɛlɛɛɠaa di kaa pai haai, di powa loo mun hva hɔlɔɓo, wɔlɔ woo hva tɔɔ di mɛ̨i; nu ta hva gbɔwɔ mąą ɓɛla, nu ta hva nwun gbəlaan mo.

Ɉeremi 25:33

Volói tii, ə həɠə nɔi kɔ́wɔ tɔɔi ə həli la naa kulɔi, nuąi Yai-Laa kaa pai di paai, di hvo pai di looi, di hvo pai di powa yɛɠɛi diɛ di loo, di kaa pai lɛɛi a tulun bɔlɔ lɔi mɛ̨i.

Izikiɛ 39:5

Ə́ kaa pai tooi gɔ́ hɛ̨ąi; Nwóó li, Ɲą́ą́ Mɛ̨nį kəlee ŋą Hééɓomun Yálá, nwóó li.