Ɉeremi 7:30 - Yálá laawoo hɛɓɛ (dc)

³⁰ Yai-Laa woo ka, yɛ diɛ: Ɉuda nuą daa di yee lɔ mɛ̨nį ɲɔ̨n ɉu, yii mɛlɛ hvo gwə́i. Daa nwɔ́ pɛlɛ́i kɔ́hɔɓo, daa lɔ laa a haliɠaa diɛ gɔ́.

Yálá laawoo hɛɓɛ

³⁰ Yai-Laa woo ka, yɛ diɛ: Ɉuda nuą daa di yee lɔ mɛ̨nį ɲɔ̨n ɉu, yii mɛlɛ hvo gwə́i. Daa nwɔ́ pɛlɛ́i kɔ́hɔɓo, daa lɔ laa a haliɠaa diɛ gɔ́.

Bible

³⁰ “Zuda-ƃelai da mɛni nyɔ́mɔɔ kɛ́ ŋ́ɛi túɛ. Da dísãâ ƃɛlɛ kpɛɛ ŋ́goi sée ŋápɛrɛi mu da m̀aa tĩ̂a kara.

Ɉeremi 7:30 Referans Kwoze

Izikiɛ 7:20

Di kɛi di nwun dɛ di mąą yili hɛnŋaa hu, ya ɓə di di wɔ hɛn mąąnįnįn ɲɔ̨nwɔ̨ɔ̨ɠaai pɛli la, a gili kpɛɛ ɲəi hɛŋaai tii. Yili mąą mɛ̨nį ɓa, gáá pai di kɛi a di mąąluwu hɛn.

Ɉeremi 32:34

Bɛlɛ́i da vɛli mu, diɛ di wɔ haliɠaa hee laa, diɛ bɛlɛ́ mąąliɓi.

Danîa 9:27

Gwɛlan mɛ̨ihveelɛ lɔwai tii yee mu, da nu kpulu kɛnɛ̨ di kaa pai mįnɛ̨ walawala həɠəi. Kwɛlan ɉaaɓa da gbulɔ yee mu, gaa pai gɛi haláá kulɔ mɛ̨nį da Yálá kɔ́ mɛ̨nįɠaa hu. Gɛɛ kalamun gɛnɛ̨i tii kaa pai nwɔ mɛ̨nį ɲɔ̨nŋaai tii kɛi kpɔ a mąąhulaa, gɛɛ nɔwai ŋɛ̨i di ɲɛɠɛ ɉu hvo kɛ həlii ma.»

Kɔlɔnikɔ Veerɛi 33:7

Ə hali mąą nįnįn haɠa yaa kpįnįi, ə dɔɔ Yai-Laa nwɔ pɛlɛ́i mu. Ya ka yaan, Yálá ə mo Davidə da non Salomɔn ɓa, yɛ diɛ: «Bɛlɛi ŋɛ̨i, da Ɉerusalɛmə taa ŋɛ̨i, ya ɓə ŋą́ą́ di ɉəɠə ɉu a nííɓa, Israɛlə lɔiɠaa lɔwai, ŋį́ náá hee mą a yələ kəlee mɛ̨nį.

Tɔɔɓɛlaa veelɛ 21:7

Manase ə Asera nwɔ halii mąąnįnįn dɔɔ Yai-Laa yəi bɛlɛ́n; ɓɛi Yai-Laa ə kɛ Davidə da non Salomɔn diɛ: «Bɛlɛi ŋɛ̨i, da Ɉerusalɛmə taai ŋɛ̨i, ŋą́ą́ di həɠə Israɛlə lɔi nąą kəlee, gɛ́ náá hee mą a yələ kəlee.

Tɔɔɓɛlaa veelɛ 21:4

Ə pənə ə haláá kulɔiɠaa pɛli Yai-Laa nwɔ pɛ́lɛ́i mu, ɓɛi Yai-Laa ə kɛ diɛ: «Ɓɛ Ɉerusalɛmə ɓə gáá náá heei ma.»

Ɉeremi 23:11

Yai-Laa yɛ diɛ: «Gwə́i mɛ̨nį hukulɔ mun mąn, ɉaláá laa həli mun mąn, di ta hvo Yálá mɛ̨nį pɔ. Ŋą́ą́ di wɔ kiliŋąhiɛ ɲɔ̨nwɔ̨ɔ̨ pɔɔ kaa, ə mą kɛ ɲə́i bɛlɛn.»

Kɔlɔnikɔ Veerɛi 33:15

Ɉali mąąnįnįnŋąą tii kɛ Yai-Laa yəi bɛlɛ́n, ə gəlee kulɔ laa, ə bili daa pulu, ɓɛɠaai ə bɛli a ɉali kɔ́iɠaa, ɲee tii Yai-Laa nwɔ pɛlɛ́i kaa nwuɔ̨, da Ɉerusalɛmə taa, ə nąąɠaa taɠa.

Tɔɔɓɛlaa veelɛ 23:12

Ɉaláá kulɔiɠaa ŋɛ̨i Ɉuda tɔɔɓɛlaa di bɛli Akazə nwɔ yələi pɛ́lɛ́i mɛ̨i, ə mą kɛ yii Manase ə dɔɔ Yai-Laa hee pɛlɛ́ hvaŋan mu, Ɉosiasə ə gələ taɠa, ə gələn, ə nuwu pili Sedrɔn ɓoloon ɉu.

Tɔɔɓɛlaa veelɛ 21:3

Ɉaláá kulɔiɠaai nąn Ezekiasə ə nąą kala, ya ɓə Manase ə pənə ə di tɔɔ. Ə Baalə nwɔ haláá kulɔ kwɛniɠaa tɔɔ, ə pənə ə wuluɠaa tɔɔ diɛ haláá kulɔ mą, yɛ bələi Akabə Israɛlə tɔɔmun ə gɛ la, yɛ haláá kulɔ yələ kwəi hɛnŋąą diɛ, yɛ tí diɛ.

Kɔlɔnikɔ Veerɛi 33:3

Ɉali kɔ́iɠaa tii nąn Ezekiasə ə di wolo, ə tinɛ̨n ə di tɔɔ, ə Baalə kɔ́iɠaa pɛli, ə wuluɠaa tɔɔ, diɛ gɔ́. Yɛ kwɛli hvilɛn pɛmɛ̨lɛ̨n-gɔwɠaa diɛ, yɛ di mąąwiɛ.

Azaya 66:4

Ɲą́ą́ gbɛli mąn, gáá pai nííɓa mɛ̨nį kɛi a di mɔ̨nɔ̨ ɓo mɛ̨nį, ɉɛn da ɲɔw mą, gɛ́ ɲɛɛ a di nwun. Mąąhɔlɔɓo ŋį́ təliɓo kɛ, nu ta hvo hvaa, ŋą́ą́ hvaa, nu ta hvo nwəli tɔɔ li. Mɛ̨nįi ɲɔ̨nwɔ̨ɔ̨ ɲɛ̨́i mu, ya ɓə da gɛ. Mɛ̨nįi nwɛli kpɛɛ mą́ą́, ya ɓə di gɛ a di liiɓa mɛ̨nį.

Ɉeremi 16:18

Daa nwɔ́ lɔi laa pu, a di wɔ túwɔ́ pələ ɲɔ̨n, da di kɛ nɛ̨ŋɛ̨nŋaa di gɛ, ə mą kɛ, a di wɔ hɛn mąąliɓiɛ powaɠaa, a gwɛ́lin nɔi laahvɛɛi di mo a di wɔɔ hɛn ɲɔ̨nwɔ̨ɔ̨ɠaa. Gáá nɛ̨ŋɛ̨n veelɛi tii mąą kwələ kulɔi diɛ.

Ɉeremi 32:35

Daa haláá kulɔi pɛli Baalə ɓa, Bɛn-Hinɔmə moloon ɉu, diɛ di lon ɉinąą da lon nɛ̨ąą kələn nąą nwɔ̨n ɉu; Molɛkə ɓa. Ɲą́ą́ hvəi di tí la, mɛ̨nį ɲɔ̨nwɔ̨ɔ̨ taaləi tii, mąą kili hvo ta hɔlɔ too li gwə́i, gɛ́ Ɉuda yee lɔ tii nɛ̨ŋɛ̨n ɉu.

Danîa 11:31

Yai tii, gaa pai kɔ́kulááɠaa tɔɔi, ə gɛ, di kɔ́ pɛlɛ Yálá nwɔ taai ŋɛ̨i mąątínɛ̨n ŋąą a hįi ma, di kaa pai mɛlɛkpɛɛ ma. Ɉaláái ŋɛ̨i da gulɔ Yálá ɓa a hvoló kəlee, di kaa pai tɔ́n dɔɔi yili ɓa, di ‹mɛ̨nį kɔ́hɔɓoɔ laa ɉaláá kulɔi.›

Izikiɛ 8:3

Ə hɛn da hąŋąn yɛ nu yee, ə ɉón a nwún nɛɠa; yili pulu, Yálá nwɔ Kilii ə gbə́ŋə, ə tɛ a ɲą́ą́ yələkɔ́lɔn da lɔi di lɔwai, ə li a ɲą́ą́ Ɉerusalɛmə, bɛlɛ́ laaləii ti naa a ɓo ɉu pələ, ŋą́ kɛ Yálá yee kɔ́nma, gɛ́ gɛɛ ti kaa, ɲɛ̨i həɛ ɲánwuɔ̨ pələ; nąą ɓə doló kulɔ hɛn mąąnįnįn gaa laa; a ɉɛn mąąnįnįn ti a tóló tɛ nu hui.