Ɉeremi 7:12 - Yálá laawoo hɛɓɛ (dc)

¹² Ka li tai nwɔ́ kɛɛ nąą mąąhəɠɛɛ ɓa Silo daai, a ɓɛi ŋį́ nąą həɠə ɉu, ŋį́ náá hee laa; ka nąą kaa, bələi ŋį́ nąą kala la, nwɔ́ nu huwu Israɛlə nwɔ lii ɲɔ̨n gwəi laa mąą mɛ̨nį ɓa.

Yálá laawoo hɛɓɛ

¹² Ka li tai nwɔ́ kɛɛ nąą mąąhəɠɛɛ ɓa Silo daai, a ɓɛi ŋį́ nąą həɠə ɉu, ŋį́ náá hee laa; ka nąą kaa, bələi ŋį́ nąą kala la, nwɔ́ nu huwu Israɛlə nwɔ lii ɲɔ̨n gwəi laa mąą mɛ̨nį ɓa.

Bible

¹² Lí Silo ƃɛ́i kɛ̀ a ḿbɔ naa a m̀aa ŋuŋ í gáa berei ŋá ǹaa kɛ̀ lai kpɛ́ni fêi, Eezuɛ-ŋai dí sɔnyɔ̂ŋ kɛ̀ naa.

Ɉeremi 7:12 Referans Kwoze

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Zasua 18:1

Israɛlə lonnii kəlee di di ɲąąkpɔn Silo, di gee kaa kələ tɔɔ laa. Nɔi nąą kəlee ə ɓo di yee mu.

Samuɛlə dɔlɔɔ 4:22

Ə kɛ diɛ: «Mąąwiɛ aa kulɔ Israɛlə lɔi hu», mąąhɔlɔɓo, daa kɛ Yálá nwɔ kəhii hon.

Nwun mąąɓo 18:31

Ɉalii tii Mika ə bɛli, ya ɓə di ɉee laa diɛ gɔ́, ə lamun lɔ laa, yɛ bələi Yálá nwɔ pɛ́lɛ́i ə lamun la Silo.

Samuɛlə dɔlɔɔ 1:3

Kwɛlan ɉəli pələ kəlee, Ɛlkana ə kɛi həɓə bɔ taai yɛ li Silo daai, əgɛ, ə kwɛli hvilɛn Mɛ̨nį Kəlee ŋą Hééɓomun Yai-Laa ɓa, ə haláá kulɔ mą. Nuąi kɛ laa a Yai-Laa nwɔ haláá laa həli nuą, diɛ ɓaa; Eli lon ɉinąą hveelɛi; Hɔfni da Pinasə.

Dutɛrɔnome 12:11

Akɛ ti gɛɛnąąi Yai-Laa ka wɔ Yálái kaa pai ɲee kpuwɔ lɛi mą, yɛ naa hee nąą ɓa, nąą ɓə ka káá pai kɛi lii laa a ka wɔ Yálá kɔ́ haláá yii da gəlee kələn, nɛ̨ɛ̨yɔwɔ laa haláá, a ka wɔ hihɛnŋąą má bow nąą, ɉɛnŋąą ka káá pai lɛɛi ka kpɔwɔ ɓa kaa Yálá kɔ́ la; ɉɛnŋąą ka káá pai kɛi di laakwɛlanmoi Yai-Laa ɓa.

Dutɛrɔnome 12:5

Kɛɛnąą lɔpee Yai-Laa ka wɔ Yálá kaa pai ɲeekpiɛ lɛi nąą, Israɛlə huwu kəlee lɔwai, yɛ naa hee laa, yɛ daa tɔɔ laa, gɛɛnąą tii lɔ ɓə ka káá pai kɛi lii laa, kaa hvaa bɔ.

Zasua 18:10

Ɉosue ə gbɛɛn bili di lɔwai Yai-Laa ɲɛ̨i ɓa Silo daai. Ɉosue ə nɔi ɲąąkwɛlɛ Israɛlə lonnii lɔwai yɛ bələi lɔ wɔlɔ di nɔi ɲąąkwɛlɛ la.

Ɉeremi 7:14

Yili ɓə gaa mą, bɛlɛ́i ŋɛ̨i naa heɛ mą, ɉéé pɛlɛi ŋɛ̨i kaa ka kilitɔɔ mą, gɛɛnąą ŋɛ̨i ŋį́ dɛɛ ka kalaɓɔlɔni pɔ, ə mą kɛ kaa, gáá ɉon bələ kɛi yɛ bələi ŋį́ gɛ la a Silo taa.

Tɔɔɓɛlaa dɔlɔɔ 9:7

ka gɛ tii, nɔi ŋɛ̨i ŋą́ dɛɛ Israɛlə pɔ, ŋą́ ɉəɠə ɲəi. Bələi mąn ŋą́ náá hee la mą a nwɔ́ɔ́, ŋą́ bili kwɛaa la, ə həɠə ɲɛ̨́i mu. Ɛlɛɛ, nu huwu kəlee da di laa pu Israɛlə hu, diɛ yɛlɛ diɛ.