Ɉeremi 6:23 - Yálá laawoo hɛɓɛ (dc)

²³ Nwɔ kulaaɠaa kaa di wɔ kpalaɠaa da mį́i kɔ́wɠaa kɔ̨nwɔ̨i. Di kili walawalaa ɲɛ̨imąąwɛli hvo di hu, di tin gaa tɔɔ yɛ gboloyá aa kɛi huluun, di kaa heeni hooɠaa mɛ̨i; di háán yiliɛ kɔ́ kɔ́ mɛ̨nį ɓa, daa tɔɔ a di yɛli, Siɔn taa! Yɛ́ ɓə di kaa pai pɛlɛi yɛ́.

Yálá laawoo hɛɓɛ

²³ Nwɔ kulaaɠaa kaa di wɔ kpalaɠaa da mį́i kɔ́wɠaa kɔ̨nwɔ̨i. Di kili walawalaa ɲɛ̨imąąwɛli hvo di hu, di tin gaa tɔɔ yɛ gboloyá aa kɛi huluun, di kaa heeni hooɠaa mɛ̨i; di háán yiliɛ kɔ́ kɔ́ mɛ̨nį ɓa, daa tɔɔ a di yɛli, Siɔn taa! Yɛ́ ɓə di kaa pai pɛlɛi yɛ́.

Bible

²³ Da díkerâŋ-ŋai da díkpala-ŋai síɣe. Dí ŋwana lɔ̂ɔi, dífa núu ŋɛ́i malôŋ kàa. Dí sia-tîŋ káa yɛ̂ɛ yúo too tîŋ. Díkaa seêni dísoo-ŋai mɛi dí kɛ̀ pà a gɛɛ dí kɔ́ pɛ́lɛɛ yá Zerusâlɛŋ yâ.”

Ɉeremi 6:23 Referans Kwoze

Azaya 13:18

Di kaa pai kɛi ɓɔi ɉilɛlɛa hu a di wɔ kilɛnŋąąi, di hvo pai nɛ̨ąą kwəi lon da mąąhvaalɛɛi, di ɲɛ̨iyá hvo di hu, di hvo lɛapɛlɛɛ mąąwɛli kaa la.

Ɉeremi 50:42

Daa kilɛn, da kpalaɠaa həɠə, di kili walawalaa, di hva nu ɲɛ̨imąąwɛli kaa. Di tín gaa yɛ gboloyá huluun dín, di kaa hoo mɛ̨i, daa hvólóon a di yɛli, yɛ kɔlaɠa, di kaa pai kɔ́ pɛlɛi yɛ́ Babilonə.

Ɉeremi 30:14

Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Ɉeremi 5:16

Di wɔ tonwą taɠai ka a kámą laa ɓoɔ, di kəlee di kaa a kulaa kpəɠiɛɠaa.

Ɉeremi 4:29

Daa lee hu nuą da pa: ɉooɠaa da gilɛn bili nuą tin mɛ̨n ɉii, di kəlee di kaa pai tɛɛi a gilɛ; diɛ lɔ gbomoɠaa hu; diɛ tɛ kwɛniɠaa ɓa; nuą daa kulɔ daa kəlee hu, nui lɔpee ta hvo lɛɛ li daai.

Ɉeremi 4:13

Kaa ɲɛ̨i hee tai ku yowo ɓa! Gaa pai yɛ hvaŋą a hee tulɔ kpinįn ɉu; ku yowo nwɔ kɔ́ kɔ́ wotoloɠaai kaa yɛ tulɔ hvaŋą. Nwɔ hooɠaa mąąhulaa di tɛɛ kuwɔ ɓa. Ə́ kə néé! Ku nwun na piliɛ li-ee!

Azaya 19:4

Ŋą́ Eziptə too ɲąąwooɓo kɛ nuą kili wala-walaaɠaa yəi, nwąnąlɔ tɔɔmun da a hee di mɛ̨i, Ɲą́ą́ Nąmu Yai-Laa Mɛ̨nį Kəlee ŋą Hééɓomun, nwóó li.

Dutɛrɔnome 28:49

Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.

Azaya 10:32

Voló tɔ̨nɔ̨i tii yeemu, a Nɔvə hon, ə nɛɛ mą ə Siɔn nɛ̨ɛ̨gbɛla nwɔ yeei mąą ɲɔw a ɲee, yai a Ɉerusalɛmə yee kpukpu.

Azaya 17:12

Mąąwɛli mɛ̨nį ka! Nu kpulu kɛnɛ̨i lono hvo mą, di huluun nwoo kaa tɔɔi, di huluun nwoo yɛ tɔɔ, yɛ gboloyá a kɛi huluun, di kaa huluun ɉii yɛ ya leeɠaa da kɛi huluun.

Ɉeremi 6:4

'Ka ka hą́ą́ yili kɔ́ kɔ́ mɛ̨nį ɓa! 'Ka ka muhəɠə! 'Ka ɲili ŋą 'Ka li gɔ́ mɛ̨i a hvoló ŋą ɉə́ ɉə́! 'Ku nwun napiliɛ li! Hvóló mąą kaa laai! Pɛlɛ kɔ́n nįnįn yɛ kwɛa.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Izikiɛ 21:31

Yai-Laa, Yálá woo ka: Di kaa pai mɔlɔ kulɔi, di dɔɔɓɔlɔ kulɔ di nwuɔ̨; mɛ̨nįɠaa kɛ pələ hvo kɛa pai kɛi yɛ bələi ə kɛi kɛ la; yii kɛ mąą yɛɛ, di dɛ; yii mąą tɛɛ, di mąą yɛɛ.

Ɉeremi 4:16

Ka nuą kiliŋą pono, ka Ɉerusalɛmə taa kiliŋą pono gɔ too nuą daa lɛɠɛ ɓɛ. Daa həɠə kwɛala lɔi hu, di kaa kɔ́ ɉələ kɛi, diɛ tomą a kɔ́ mɛ̨i woo Ɉuda taɠaa mɛ̨i.

Ɉeremi 8:16

Hvo gaa, ku yowoɠaa di wɔ hooɠaa di tin gaa tɔɔi Dan, di wɔ hoo hilɛɠaa kɔ́wɔ mu tin yɛ nɔi kpɛlin. Di kaa pai nɔi da ɉu hɛnŋaa kəlee mįi diɛ daa da ɉu hee ɓo nuą mį́i.

Ɉeremi 25:32

Mɛ̨nį Kəlee ŋą Hééɓomun Yai-Laa woo ka, yɛ: Mɛ̨nį ɲąąnwąnąą a həɠə lɔi, ə li dakpɛli hu. Tulɔ hvaŋą kɛnɛ̨ a muhəɠə lɔi kpon ɉeei.

Ɉeremi 50:41

Nu huwu ta kaa həɠəi ɲələi pələ, gaa a lɔi kɛnɛ̨ da tɔɔɓɛlaa tamąą, daa di muhəɠə, di həɠə kpɔ lɔi kpon ɉeei pələ.