Ɉeremi 6:12 - Yálá laawoo hɛɓɛ (dc)

¹² Di wɔ pɛlɛ́ɠaai daa lɛɛ nu takpɛliɠaa yəi; bɛlɛɛ di wɔ tííɠaa diɛ, da di nɛ̨ąni. Ŋą́ą́ ɲɛ̨́i ɲɔ̨nwɔ̨ɔ̨ hee nɔi nuą diɛ ɲą́ą́ Yai-Laa nwóó li.

Yálá laawoo hɛɓɛ

¹² Di wɔ pɛlɛ́ɠaai daa lɛɛ nu takpɛliɠaa yəi; bɛlɛɛ di wɔ tííɠaa diɛ, da di nɛ̨ąni. Ŋą́ą́ ɲɛ̨́i ɲɔ̨nwɔ̨ɔ̨ hee nɔi nuą diɛ ɲą́ą́ Yai-Laa nwóó li.

Bible

¹² Ŋa pâi dípɛrɛ-ŋai tɛɛ̂i díƃarâai pɔ, é pɛ́lɛ díkpâlaŋ-ŋa tíi da dínɛyãai dîa. Ŋa pâi ǹɔii ŋí su-ƃelai kélee su karâi.

Ɉeremi 6:12 Referans Kwoze

Ɉeremi 8:10

Yili ɓə gaa mą, Yai-Laa yɛ diɛ: Gáá di nɛ̨ąni tɛɛi nu takpɛliɠaa pɔ, di wɔ tííɠaa di lɛɛ nui a ɉəɠə ɲəi. Mąąhɔlɔɓo, di kəlee di hɛn nwɛliɛi, ə kɛ a lokolo, ə kɛ a nu kɛnɛ̨, gəlee túwɔ́ pələ kaa lɔ a lɛɛ, Yálá kwəi mɛ̨nį hukulɔ nuą mąn ə mą kɛ ɉaláá laa həli nuą mąn.

Azaya 5:25

Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Sofoni 1:13

Nuą da too di wɔɔ hɛngɔwɠaai hu, di di wɔɔ pɛlɛ́ɠaai wolo. Di kaa pai pɛlɛ́ɠaa tɔɔi, Kɛlaa, di hva lɔ mu. Da viɲə yɛa laa, Kɛlaa, di hva da ya kpələ.

Woolaa 5:11

Daa too Siɔn nɛ̨ąą mɛ̨i ə mą kɛ, Ɉuda daa-lee hu nɛ̨ɛ̨lɛaa.

Woolaa 5:3

Kwaa lɛɛ a təlilɛaa, ku nannii hvo kuɔ ku leeni daa lɛɛ a galanin.

Woolaa 3:3

Ɲą́ą́ dɔ̨nɔ̨ lɔ ɓə a ɲee haŋą mɛ̨́i a yələ kəlee.

Woolaa 2:8

Yai-Laa aa Siɔn lɛlɛɛ mąąkpɛ hįi pu kili tee gwəi; yɛ gaa nąą kəlee kalan ɉi, ə ɉee tin-tin, yɛ hva pɛli ɲee yalii bulu, hvo kɛli a nąą kəlee wolo; aa bɛlɛ́ nwąną hveelɛi kəlee kɛlɛ, aa woolaa too gəlee la.

Ɉeremi 38:22

Nɛąąi tii nii dɔɔ pɛlɛ́ mu, da li a gəlee Babilonə tɔɔmun nwɔ kɔlaɠai ɲɛ̨itɔwɔ nuą kpɛa-kpɛa pɔ. Diɛ wələ too, diɛ kɛ mą: «‹Daa ə́ nwun ɉu lan, daa ə́ ɓowo, ə́ ɓɛlaa lɛlɛɛɠaai tii, ə́ kɔwɔ a lɔ palayá hu, lɛani daa di wɔ li ɓo.›

Azaya 10:4

Mɛ̨nįi lɔ ka pɛli gɛi, ya ɓaa, ka ka nwun vilən gɔ́ honŋąą lɔwai, ka too nuąi daa lɛɛ gɔ́ hu, di pɔ. Kɛlaa mɛ̨nįɠaai tii kəlee di mą kɛ kɛi, nwɔ liiholii hvo ni yali li bulu, ɛlɛɛ, ɲee haŋąą lɔ ni di mɛ̨i.

Azaya 9:17

A tɛ̨ą, nwąnąlɔ a nu kələn yɛ nwɔ̨n, yɛ tíi kələn nwɔ̨n, yai a lɔwɔ kələn, yɛ lulu kɛnɛ̨ tɛ yələ kwəi.

Azaya 9:12

Bələ ɓə Yai-Laa ə nwɔ nuąi kɛlɛ la, bələi mąn ə kɛ la tii, di hvo pənə di hvo pa di nwɔ Yálái pɔ, yai a Yai-Laa Mɛ̨nį Kəlee ŋą Hééɓomun.

Kɔlɔnikɔ Maa-ŋuŋ 21:16

Davidə ə ɲɛ̨i tɛ ɲələi, ə Yai-Laa nwɔ malakai kaa, yɛ ɓo yələkɔlɔn da lɔi di lɔwai, kɔ-kɔ ɓɔwa ə ɓo ɲəi gulaa daa hu; Aa mowa ɲɛ̨i haŋą Ɉerusalɛmə taa ɓa pələ. Davidə da nɔi kalanɉonŋąą kəlee, di ɓíi haɠa too di kwaną, di pɛlɛ lɔi ɓa.

Ɉeremi 7:20

Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Ɉeremi 21:5

Gáá ɲéé haŋąi a vaŋa kɛnɛ̨ɛ, ɲą́ą́ gbinįi ɓə kɔ́ pɛlɛi kaa a liiholi, kpɔ a kɛɛ kala liiholi, a liikələn gwəi.

Ɉeremi 38:23

«Ə́ nɛąni da ə́ lonnii di kaa lii a diɛ Kalde nuą pɔ. Yɛ́ kpinįi hva kulɔ di yee ŋą. Babilonə tɔɔmun gaa ə́ hon ɉii, diɛ daa kələn.»

Izikiɛ 35:3

yɛ́ mą: Mɛ̨ni kəlee ŋą Hééɓomun Yálá woo ka, yɛ; gáá múhəɠəi ə́ laa ɓa, Seirə yee, gáá pai ɲéé pɛlɛi yɛ́, gɛ́ ə́ kɛ a lɔi pun mąąwɛliɛ,

Mise 2:4

Mąą yələi, da kaa ka laa too, a yɛlɛ mąą wələ, mɛ̨nįi tii aa gbɛa mun hɔlɔ kɛ, di kaa pai kɛi diɛ: «Daa ku hukala kpɔ tɛ̨ɛ̨ tɛ̨ɛ̨, daa nwɔ́ nuąi kwɛlin gulɔ di yəi, gulɔ mɛ̨nį ɲə́i nwun maa lə? Di kaa ku wɔ tíiɠaai ɲąąkwɛlɛi kulɔ nwoo mu nuą lɔwai.»

Sofoni 1:4

Gáá pai ɲéé pɛlɛi Ɉuda nuą, da Ɉerusalɛmə nuą diɛ. Hɛn kpɔ gaa gɛɛnąą tii a Baalə nwɔɔ, ŋą́ gəlee hukala, ə mą kɛ, a nuąi kɛi tí mą, da di wɔɔ haláá laa həli nuą, ŋą́ gəlee laa kpɛɛ.

Woolaa 5:2

Ku kwɛlinŋaa daa lɛɛ nu takpɛliɠaa yəi. Nuąi ku wɔ pɛlɛ́ɠaa kaa di yəi, ku hvo di kɔ́lɔn.

Izikiɛ 7:24

Lɔiɠaai di ɲɔ̨nwɔ̨ɔ̨ di ɓɛlaa diɛ, diɛ ɓə gáá pai a diɛ, diɛ di wɔ pɛlɛ́ɠaai həɠə. Gáá pai yeewalawala nuą di wɔ kpɔwɔ ŋąą kɛnɛ̨ mąąyɛɛi, gɛɛnąąɠai di kɛi di mąąhəɠə laa, da nąą laa pu.