Ɉeremi 6:1 - Yálá laawoo hɛɓɛ (dc)

¹ Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Yálá laawoo hɛɓɛ

¹ Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Bible

¹ Káai kákaa a Bɛŋsima ŋɔnûai, ka pú ká kúla Zerusâlɛŋ ká ŋuŋ ma ƃô sɔlɔ ƃó. Ka dúrui fɛ́ɛ Tekoa, ká ŋɛi-kɛ-maa lɛ́ Bɛɛ-akɛŋ kpɛ́ni fêi, mɛni kpɔ̂lu a kulâi yá-ŋua pere da su kâra-laa.

Ɉeremi 6:1 Referans Kwoze

Nehemi 3:14

Rekavə lon Malkiya, yai kɛ a Bɛtə-Kɛrɛmə kwəli ɲąąwooɓomun, ya ɓə duluŋa kpon gɛɛnąą tɔɔ, ə gbonŋąą too na, ə gwɛliɠaa laa bulu, ə naa kpulu a gwɛliɠaa.

Ɉeremi 6:22

Yai-Laa woo ka, yɛ diɛ: Nu huwu ta ka ŋɛ̨i həɠəi ɲanwuɔ̨ pələ yɛ pa! Lɔi ta li yii ɉu kɛnɛ̨, aa muhəɠə aa hvilɛn pələ ɓa, yɛ həɠə lɔi kpon ɉeei pələ.

Kɔlɔnikɔ Veerɛi 11:6

Ə Bɛtleɛmə taa tɔɔ, ə Etamə taa tɔɔ, ə Tekoa taa tɔɔ,

Samia Veerɛi 14:2

Ə Tekoa nɛ̨ɛ̨nu ta wɛlɛɛ tɔɔ, yii kɛ giliŋa kulaa, yɛ mą: «Gɛ yɛ haa a too yɛ́, ɉəɠəɠaai haa a too nu ɓa a gɛ ma, di kɛ yɛ́, hvó ə́ mąątí, gɛ kpɔlɔ yɛ Nɛ̨ɛ̨nui a lamun haa wɔlɔ ɓoi.

Nwun mąąɓo 1:21

Yii ɓaa Ɉebusə nuą ŋɛ̨i kɛ heeni Ɉerusalɛmə daai, Bɛnɉamɛn nu huwu hvo di kpɛ. Ɉebusə nuą di lɛɛ heeni Ɉerusalɛmə daai, da Bɛnɉamɛn nu huwu, da diɛni di kaa háákələi laa.

Amɔsə 1:1

Amɔsə ŋɛ̨i kɛ a Tekoa daai mun, yɛ ɓɛlaa tɔɔ, ya ɓə Ną́mu Yai-Laa ə wɛlɛɛ ɓo mą, yɛ hvilɛn na Israɛlə ɓa; ɓɛlɔwai Oziasə ə kɛ la a Ɉuda nɔi tɔɔmun, ɛlɛɛ, Ɉeroboamə ŋɛ̨i kɛ a Ɉoasə lon, ə ɓo a Israɛlə nɔi tɔɔmun. Di nwɛlɛɛi tii ɓoɔ mą, kwɛlan veelɛ tɛɛ pulu ɓə, nɔi ə kpɛlinŋąą kɛnɛ̨ ə kɛ la.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 10:22

Ka ka wəli tɔɔ din ŋɛ̨i ɓa; gaa yɛ nu kpulu kɛnɛ̨, di kaa həɠəi ɲanwuɔ̨ pələ, di kaa pai Ɉuda taaɠaa mąą pənəi a pun. Naa ə lɛɛ a góɓəɠaa pɛlɛi.

Ɉeremi 4:29

Daa lee hu nuą da pa: ɉooɠaa da gilɛn bili nuą tin mɛ̨n ɉii, di kəlee di kaa pai tɛɛi a gilɛ; diɛ lɔ gbomoɠaa hu; diɛ tɛ kwɛniɠaa ɓa; nuą daa kulɔ daa kəlee hu, nui lɔpee ta hvo lɛɛ li daai.

Zasua 15:63

Kɛlaa, Ɉebusə nuąi kɛ heeni Ɉerusalɛmə, Ɉuda lonnii di hvo pɛli di kpɛi laa, Ɉebusə nuą tii kaa háákələi heeni Ɉuda lonnii lɔwai Ɉerusalɛmə daai.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Zakari 6:6

Nwotoloi tii kɛ ɲiliɛ ɉootɛɠiɠaa diɛ, ə li ɲələi pələ, ɉoo kwələɠaa də li voló tooi pələ, ɉoo pɛ̨ɛ̨ɠaa di li ɉɛɠɛɛ pələ.

Nehemi 3:5

Tekoa nuą diɛ kpɛli, diɛ koló kɛ nąą kwɛlɛ, kɛlaa, di wɔ ɲɛ̨itɔwɔ nuą, di hvo gɛ di hvo di nwun nąmu woo hon.