Ɉeremi 52:7 - Yálá laawoo hɛɓɛ (dc)

⁷ Di nɛ̨ɛ̨ mą, di wolo ɓɔ daa mąąkpɛɛ hįį ɓa, gɔ́ kɔ́ nuą kəlee di pu, di kulɔ taai a kwiihąą, bɛlɛ́ nwąną hveelɛ lɔwai kpon gɛɛnąą, tɔɔmun nwɔ nɔw yɛa kwɛlɛ, bələi mąn Kalde nuą daa kɛ daa mąątinɛn na daa doo gee hu. Di ɉon a Ɉurdɛn ɲa-ɓoloon bɔ pələ.

Yálá laawoo hɛɓɛ

⁷ Di nɛ̨ɛ̨ mą, di wolo ɓɔ daa mąąkpɛɛ hįį ɓa, gɔ́ kɔ́ nuą kəlee di pu, di kulɔ taai a kwiihąą, bɛlɛ́ nwąną hveelɛ lɔwai kpon gɛɛnąą, tɔɔmun nwɔ nɔw yɛa kwɛlɛ, bələi mąn Kalde nuą daa kɛ daa mąątinɛn na daa doo gee hu. Di ɉon a Ɉurdɛn ɲa-ɓoloon bɔ pələ.

Bible

⁷ Nya ƃe gɔ-kuluƃa-ŋai dí ziɣãŋ wôlo dí tɛ́ɛ naa, berei máŋ Babelɔŋ kɔ-kuluƃa-ŋai dí kɛ̀ la a dítinaŋɔɔ ziɣãŋ mai. Nya ƃe gɔ-kuluƃa-ŋai kélee kpɔ́ dí pù a gbínii. Dí pù dí tɛ́ɛ a ziɣãŋ lá-ƃerei pere nyíi kɛ̀ ziɣãŋ feerɛi loai, dí tɛ́ɛ gâloŋ ŋɔsûai su-pere dí díteniŋ tɔ́ɔ diŋ-tiŋ su pere nyíi kɛ̀ Zɔdiŋ Ya-leei ma perei.

Ɉeremi 52:7 Referans Kwoze

Ɉeremi 51:32

daa bələ kəlee hon, daa nwɔ̨n bili daa mąąkpɛ pɛlɛ́ɠaa hu, gɔ́ kulaɠaa daa pu.

Tɔɔɓɛlaa veelɛ 25:4

Kalde nuą di nɛɛ mą, di wolo tee daa mąąkpɛ hį́i ɓa. Kwii hąą, Ɉuda kɔkulaaɠaa di pu. Bələi mąn Kalde kɔkulaaɠaa daa kɛ Ɉerusalɛmə taa mąątinɛn na, ɉį́i naaləi ɲii ŋɛ̨i kɛ a tɔɔmun yəi nɔw yɛa pələ, nąą bələ ɓə di tɛɛ la, ɉį́i hveelɛi ti lɔwai. Da tɔɔmun ni di ɉaŋą a Ɉurdɛn ɲa-ɓoloon bɔ pələ.

Ɉeremi 49:26

Gaa tii, mąą yələ, nwɔ kɔkulaa laŋaa da too gwəli hąąɠaa. Nwɔ kɔ́kulááɠaa kəlee mɛ̨i a haa; Ɲą́ą́ Yai-Laa Mɛ̨nį Kəlee ŋą Hééɓomun nwóó li!

Dutɛrɔnome 32:30

Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Levetekɔ 26:36

«Nuąi pai kulɔi ɉu ka lɔwai, gáá pai gɛi di hvii yɛ kpɛɛ ka yowoɠaa di wɔ lɔiɠaai hu, laa kpala too tin gbɛli kpɛli kaa pai gɛi diɛ tɛɛ a gilɛ; di kaa pai kɛi pui yɛ da kɛi pu kɔ́ kɔ́ ɓɔwa tɔwɔ, diɛ too, nu hva kpɛli kɛ di pulu.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Ɉeremi 39:2

Sedesiasə nwɔ tɔɔlaa gwɛlan bow gɔw tanɔ̨n nąą, a ɲąnin nąąn nwɔ hvóló mɛ̨inąąn, di daa mąąkpɛ hįi wolo nąą ta;

Izikiɛ 12:12

Dɔɔmun tii di lɔwai, gaa pai tiɛ̨ laai galan ŋą; gaa pai kulɔi kwii hąą daa mąąkpɛ hį́i wolo ɓa pələ. Di gbɛa wolo ɓɔ laa, dɛɛ mɛ̨nį ɓa lɔ. Gaa pai həɠə pɛlɛi nwun mɛ̨i, hvo pa lee nɔi kaa a ɲɛ̨i kɔ́w.

Izikiɛ 33:21

Ku liɛ nuwɔlaa hu, gwɛlan bow gɔw hveelɛ, ɲąnin bow nwɔ hvóló nɔɔli yələ, nu ta ə pu, ə həɠə Ɉerusalɛmə, ə pa bɔ́, yɛ mą́ą́: «Daa daa hon a kɔ́!»

Amɔsə 4:3

ka káá pai kɛi kulɔi ɉįi wolo ɓa, kaa kulɔ ka wɔ tɔɔ pɛlɛ́ɠaa mu. Yai-Laa woo li.

Ɉeremi 6:5

Ka ka muhəɠə ka kwəli gɔ́ mɛ̨i a kwii hą́ą́ tón tón. Ka gu di wɔ pɛlɛ lɛlɛɛɠaa wolo.

Izikiɛ 12:4

Ə́ kaa pai yɛ́ tiɛ̨ɠaai kulɔi yɛ nui di kaa lííla luwɔlaa hu nwɔ tiɛ̨; hvóló ɲą, di ɲɛ̨i ɓa; ɛlɛɛ, yɛ́n, ə́ kaa pai kulɔi yələ wilii pɔ, di ɲɛ̨i ɓa, yɛ bələi kɔluwɔɠaa da kulɔ la taai.