Ɉeremi 51:9 - Yálá laawoo hɛɓɛ (dc)

⁹ Kwaa Babilonə hali kɛ pələ kwɛli, Kɛlaa, kɛi hvo kɛa mą. 'Ka tee kɛa mą, nu kəlee ə li bɔ taai, nwɔ mɛ̨nįi aa həli yələkɔlɔ ma, aa tɛ tulɔ kpinįnŋaa diɛ.

Yálá laawoo hɛɓɛ

⁹ Kwaa Babilonə hali kɛ pələ kwɛli, Kɛlaa, kɛi hvo kɛa mą. 'Ka tee kɛa mą, nu kəlee ə li bɔ taai, nwɔ mɛ̨nįi aa həli yələkɔlɔ ma, aa tɛ tulɔ kpinįnŋaa diɛ.

Bible

⁹ Ŋ̀ɔ̃ya-ŋai díkaa naai dîyɛɛi, ‘Kúkɔ̀ a gɛɛ kú kpɔŋ mâ tɛɛ Babelɔŋ pɔ́, kɛ́lɛ pere fé kɛ́ ní naa. Gɛ̀ ní kwaa pere kɔ̂rii a gɛɛ kwaa pú kúli kú-pɔ taai. Ɣâla a Babelɔŋ kùla ma kɛ́ a ŋɔwála-wala-laai kélee. Ǹyaŋ a Babelɔŋ su kara kpɔ́ kpúŋ’ ”

Ɉeremi 51:9 Referans Kwoze

M̀ɛni-lɛɛi 18:5

Gbala ə tɔɔ, nwɔ nɛ̨ŋɛ̨nŋaa daa tɛ, daa həli yələ kwəi, ɛlɛɛ, Yálá aa gili hvilɛn nwɔ tuwɔ pələ ɲɔ̨nŋaai diɛ.

Ɉeremi 50:16

Ɉihɛn ɉuwu pili nuą kəlee, nui lɔpee wɛlɛɛ mɔ̨nun dee ɓɔwa lon pənə ɲee ŋą, a mɔ̨nun dee yələ, 'ká gəlee kulɔ Babilonə. 'Káá kɔ́ kɔ́ ɓɔwa kpəɠiɛɠaa kaa! Nu kəlee ə li nwɔ nuą pɔ, nu kəlee ə pu, ə li gaa lɔi hu.

Azaya 13:14

Nąąlɔwai tii kɛa, nu kəlee kaa pai lii nwɔ nuą pɔ, nu kəlee yɛ pu yɛ li nwɔ lɔi pɔ pələ, diɛ laŋin yɛ lomąi di kaa gbɛi, yɛ taatɛlɛɛ kpului ɲąąkpɔn mun və mą.

Ɉeremi 46:16

Aa hviɛn gbɔ kɛnɛ̨, nuą kpɛli mąn, di kaa tooi di kee mɛ̨i. Diɛ kɛ di kee ni diɛ: «'Ká gu gu muhəɠə, 'ká gwə li gu wɔ nuą pɔ, ka gwə li gu kaa lɔi hu. Gu gu mąą kwɛa gɔ́ kɔ́ ɓɔwa kpəɠiɛɠaa ŋɛ̨i diɛ.»

Ɛsdrasə 9:6

Ŋą́ Yálá hvɛli, gɛ́ mą: «Nwɔ́ Yálá, nwumɛ̨ kaa ɲɛ̨́i! Ɛlɛɛ, ɲɛ̨́i aa paa! Vá pɛli nwún muhəɠəi ə́ pɔ pələ, yɛ́i ə́ kaa ɓaa nwɔ́ Yálá. Mąąhɔlɔɓo, kuɔ nɛ̨ŋɛ̨nŋąą daa tamą, daa laŋin ku nwun mɛ̨i. Ku wɔ hɔn ɲɔ̨n, ɉu aa kɛnɛ̨, aa tɛ yələkɔlɔn ma.

Ɉeremi 46:21

Ə mą kɛ, gɔ́kulááɠaai da di ya, nwɔ lɔi hu, di kaa yɛ Nįŋɛ̨ hilɛ gbɔnŋaa, kɔ̨nɔ̨n nɔ ɓə da mį́i; diɛ kpɛli mąn, daa yali di pulu, di kaa pui. Di hvo pɛli li gɔ́ mu, di nwun na pili yələ aa həli diɛ; a ɲələi mąąnɛ̨ɛ̨ di di woo hukulɔ la.

Ɉeremi 8:20

Daa kpɛɛ a di wɔ hihɛnŋaai ɓa kulaa, hvóló laa ɓɔɔ kaa tɛɛ, ə lɛɛ, ku hvo ni kulɔ li mɛ̨nįi, ku hvo ni ɓalo kaa li ku hvo mo.

Azaya 47:15

Bələ ɓə ə́ wɔ tɔlukpɛ nuąi kaa pai kɛi la yɛ́, diɛi ə́ ə́ kpɔwɔ hviikpɛɛ di pulu ə həɠə ə́ muhəɠə yələ ɓa, di kəlee di kaa pai lii di nwun mą, di ta lɔpee hva pɛli ə kulɔi mɛ̨nįi.

Kɔlɔnikɔ Veerɛi 28:9

Yai-Laa kwəi mɛ̨nį hukulɔ mun da ə kɛ Samari, diɛ kɛ mą: Odɛdə. Israɛlə kɔlaɠa kɛɛ bulu pənəi, yɛ pai Samari, Odɛdə ə kulɔ yɛ li di laakwiɛn ɉii, yɛ diɛ: «Ka nąnni di wɔ Yálái Yai-Laa lii aa holi Ɉuda pɔ, ya ɓə gɛ yɛ di lɔ ka yee ŋą, kaan, kaa gɛɛ kalaa huwiɛ, aa həli yələ kɔ́lɔn ma.

M̀ɛni-lɛɛi 18:4

Ɛlɛɛ, ŋį́ woo ta mɛ̨n yɛ həɠə yələi pələ, yɛ kɛ mą: «'Ká kulɔ daai ŋɛ̨i hu, káái a ŋą nu huwu, ə gɛ ká hvo pa too di wɔ nɛ̨ŋɛ̨nŋaai hu; ɛlɛɛ, mɛ̨nį ɲąąnwąnąą tii pai laai diɛ, ká hvo pa hɔlɔɓo ɉu.

Osia 7:13

Kpalo ɓɛlaai diɛ, mąąhɔlɔɓo di kaa pui mą́ą́, di yee aa lɛɛ ɉu, mąąhɔlɔɓo di di nwun dɛ a ɲą́ą́; ɓɛlɔwai ŋį́ kɛi di nwun mąąɓo la, diɛi da kɛ lɛɛ pɛlɛi a náái.