Ɉeremi 51:42 - Yálá laawoo hɛɓɛ (dc)

⁴² Gboloyá aa laa Babilonə mɛ̨i, aa lɛɛ yaɠilin ɉu.

Yálá laawoo hɛɓɛ

⁴² Gboloyá aa laa Babilonə mɛ̨i, aa lɛɛ yaɠilin ɉu.

Bible

⁴² Yúo a túmo-tûmo a Babelɔŋ mɛi pɛ́lɛ, a tôo a díŋ kɛ́tɛ.

Ɉeremi 51:42 Referans Kwoze

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Lukə 21:25

«Mɛ̨nįɠaa kaa pai kɛi hvóló ɓa, da yɛ kɛ ɲąnįn ma da pɛmɛ̨nɛ̨n gɔwɠaa. Lɔi mɛ̨i da, gboloyá hu tin gɛ pələ, yɛ liihɛlɛn doo nuą diɛ.

Ɉeremi 51:55

Yai-Laa ka tii Babilonə huwoloi, yɛ gɛ nuą diɛ gboo təli ɉu, ə mą kɛ di tomą wooi, aa kɛ yɛ ya hvɛɛɠaa da kɛi huluun, di mɛ̨i kaa pai haai.

Mąątɛ̨nɛ̨ 93:3

Yáɠaa daa hvɛɛ, Yai-Laa, yáɠaa daa hvɛɛ, di huluun nwoo huwia; yáhvɛɛɠaa hvuluun din ɲąąnwąnąą.

Mąątɛ̨nɛ̨ 65:7

Yá yeeɠaa hee kpɔ tin-tin, a ə́ hvąŋą, yɛ́ ə́ hɛ̨ą yili a huwalawalalaa.

Mąątɛ̨nɛ̨ 42:7

Nwɔ́ Yálá! Níi mąą aa wɛli gwəi! Yili ɓə gɛi, gɛ́ ə́ təli la, ə həɠə kpɔ Ɉurdɛn lɔi hu, Hɛrmɔn yee nwuɔ̨, da Misearə yee nwuɔ̨.

Mąątɛ̨nɛ̨ 18:16

Yai-Laa, ə́ tomą woo, da ə́ wɔ liiholii tii mąą mɛ̨nį ɓa, gboloyá ɲá kɔ́w ɓa, ə kulɔ pɔ̨nɔ̨ ŋą, lɔi kɔ́wɔ hvilɛn ɉiiɠaa mąą ə pɔ̨nɔ̨.

Mąątɛ̨nɛ̨ 18:4

Mąąwiɛ ə kɛ mą! Ŋį́ Yai-Laa təli lɔ, ɲéé ə tɛɛ ɲówoɠaa diɛ.

Azaya 21:1

Mɛ̨nį kponąąi di mo gboloyá kwɛlɛ lɔi pun naa mɛ̨i, ya ka: Bələi lɔ tulɔ hvaŋą a tɛɛ la Negɛvə lɔi hu, bələ lɔ ɓə kɔ́ kaa pai həɠəi la nɔi pun mąą ɲɔwuɔ hu pələ.

Izikiɛ 26:3

Yili mąą mɛ̨nį ɓa, ɲą́ą́, Yai-Laa, ka wɔ Yálá, mɛ̨nįi gáá moi ya ka: Gáá pai kɔ́ pɛlɛi yɛ́, Tirə; gáá lɔi kpuluɠaa muhəɠəi, ŋą́ di wolo yɛ́, yɛ gboloyá a kɛli muhəɠə.

Danîa 11:10

«Ɲanwuɔ̨ pələ tɔɔmun lon ɉinąą, di kaa pai di kɛ pələ pɛli, di di ɲąąkpɔn da kɔlaɠa tamąą. Di tɔ̨nɔ̨ kaa pai nwɔ kɔlaɠai həɠəi di ɲɛn bələ maa teen yɛ ya hvɛɛ, a kɛi bulu pənə kɛa yɛ li bɔ lɔi, a kɔ́ pɛlɛ ɲowo nwɔ taa walawala ta ɓa.

Danîa 7:2

Ɓɛlɔwai ŋą kɛ la laani ɲəi gbin ŋą a kpinį, ŋą́ hįi kaa. Hvaŋą ə həɠə yɛnɛ̨ɛ̨ nwoɔo nąąn ɉu, yɛ tɛɛ, yɛ li gboloyá ŋą, yɛ ɲa kɛ takpa takpa.