Ɉeremi 51:28 - Yálá laawoo hɛɓɛ (dc)

²⁸ 'Ka nɔiɠaa ɲąąkpɔn Yálá nwɔ kɔ́i kɔ́ mɛ̨nį ɓa, diɛ wolo ma, Medi tɔɔɓɛlaa di wɔ lɔi ɲąą woo ɓo nuą, nɔi hu kóló kɛ nuą kpɛa kpɛaɠaa da nɔiɠaai kpɔ ɲee mu.

Yálá laawoo hɛɓɛ

²⁸ 'Ka nɔiɠaa ɲąąkpɔn Yálá nwɔ kɔ́i kɔ́ mɛ̨nį ɓa, diɛ wolo ma, Medi tɔɔɓɛlaa di wɔ lɔi ɲąą woo ɓo nuą, nɔi hu kóló kɛ nuą kpɛa kpɛaɠaa da nɔiɠaai kpɔ ɲee mu.

Bible

²⁸ Ǹɔii-ŋuŋ-ŋai kpɛtɛ a gɛɛ díkɔ pɛ́lɛ Babelɔŋ ma. Midia kaloŋ-ŋai da ǹúu láa-tuɛ ƃelai da díi kɛ́-ƃela kpaya-kpayai tóli da gɔ-kuluƃa-ŋai díkaa díyee-mu ǹɔii-ŋuŋ-ŋai sui.

Ɉeremi 51:28 Referans Kwoze

Ɉeremi 51:11

'Ka donwąɠaa ɲąąkulɔ, ka gɔ́ kɔ́ hɛnŋaa həɠə, Yai-Laa aa Medi tɔɔɓɛlaa kili mąą kɛlɛ, mɛ̨nįi gaa Yai-Laa kwəi yɛ hvilɛn na Babilonə ɓa, ya ɓaa ə gulɔ lɔi mɛ̨i. Yai-Laa kaa nwąną kulɔi, yələkɔlɔn gaa nwąną kulɔi.

Danîa 9:1

Asuerusə ɲɛ̨i di huwu ɓa kɛ a Medi nu huwu, non ɉulɔnu Dariusə, yaai kɛ a Kalde nuą di wɔ tɔɔmun,

Danîa 8:20

Mɛlaa hilɛi tii kɛ ə́ gaa nįnɛ̨ yɛ ɓo nwuɔ̨ hveelɛi, mįnɛ̨ hveelɛi tii kaa a tɔɔɓɛlaa hveelɛ, dɔ̨nɔ̨ kaa a Medi tɔɔlaa, dɔ̨nɔ̨ yɛ ɓo a Pɛrsə tɔɔlaa.

Danîa 6:8

Ə́ wɔ tɔɔlaai hu, nwun nąmįnąa kəlee, ɉɛn gɔw laaikɛ nuą kəlee, da nɔi nu kpɛa-kpɛa, dɔɔmun gwɛlɛ nuą, da guvɛnɛɛliɠaa kəlee, daa pɛli ɉu diɛ: Ə́ hvaa mą, tɔ́n ə tɔɔ, hvóló pow haaɓa kuu mu, di noloɓo nɔi nąą kəlee, nui lɔpee ta hvo kwɛli hvilɛn ala takpɛli ɓa, ə mą kɛ nu ta ɓa, a kɛ yɛ́ tɔɔmun yɛ́ hvəi. Nui a wala dɔ́n tii hon, di pili ɲala kwənąn ɉu.

Ɉeremi 51:27

'Ka nuą təli gɔ́ ɓa, yɛnɛ̨ɛ̨ nuą kəlee, 'ka gɔ́ tulu hvɛɛ lɔiɠaa hu, 'ka lɔiɠaa ɲąąkpɔn, di wolo mą; a Yálá nwɔ kɔ́. 'Ka tɔɔɓɛlaa ɲąątɔɔ mą, Araratə, Mini, Askenazə, 'ka yala nąmįną tɔɔ, diɛ kɔ́kulááɠaa kulɔ mąą mɛ̨nį ɓa,

Ɉeremi 25:25

Zimri tɔɔɓɛlaa kəlee, Elamə tɔɔɓɛlaa kəlee, Medi tɔɔɓɛlaa kəlee,

Azaya 21:2

Mɛ̨nį kponąą ta ka ŋɛ̨i, di nɛ mą́ą́ hįi pələ. Pulu kulɔmun, yɛ pulu kulɔ mɛ̨nį kɛ, kɛɛ kalamun yɛ kɛɛ kala. Elamə nuą, 'ka tɛ! Medi nuą, 'ka ka wɔ kɔlaɠai pɛlɛ! Gáá woo laa wooɠaa kəlee kpɛɛi.

Azaya 13:17

Gáá pai Medi nuą ɲąątɔɔi diɛ, di wɛi, di mąąkpaan vo wali ɓa, diɛ hɛni hviiɓo.

Kɔlɔnikɔ Maa-ŋuŋ 1:5

Ɉafɛtə lonnii laa ka: Gomɛrə, Magɔgə, Madai, Yavan, Tubalə, Mɛsɛkə da Tirasə.

Zɛnɛse 10:2

Ɉafɛtə lonnii laa ka: Gomɛrə, Magɔgə, Madai, Yavan, Tubalə, Mɛsɛkə da Tirasə.

Ɉeremi 25:14

Diɛ kpɛli mąn, di kaa pai kɛi a luwɔɠaa, lɔi tamąą yee mu, da tɔɔɓɛlaa huwalawalaa yee mu. Ŋą́ di túwɔ́ pələ da di kɛ mɛ̨nį ɲɔ̨n gwələ kpɛ diɛ.»

Ɉeremi 50:41

Nu huwu ta kaa həɠəi ɲələi pələ, gaa a lɔi kɛnɛ̨ da tɔɔɓɛlaa tamąą, daa di muhəɠə, di həɠə kpɔ lɔi kpon ɉeei pələ.

Ɉeremi 51:29

Lɔi mąą kaa kpɛlin ɉii, nwun mini-mini yɛ yɛɛ laa, mɛ̨nį Yai-Laa ə mo, gaa kɛa gɛi. Yaa ɓaa, ə Babilonə lɔi mąą pənə a lɔi pun! Ə ɉu ɓo; ə ɉu nuą kəlee kulɔ ɉu.

Danîa 6:1

Medi mun ŋɛ̨i da kɛ mą Dariusə, di gɛ a tɔɔmun, ɓɛlɔwai gaa kwɛlan ə kɛ la pow mɛ̨ida kɔ́w hveelɛ.