Ɉeremi 51:22 - Yálá laawoo hɛɓɛ (dc)

²² Yɛ́ ɓə ŋį́ hinąą da nɛ̨ąą ɓuwɔ a yɛ́, ŋį́ hulɔgoloɠaa da nu nwunuɠaa ɓuwɔ a yɛ́ ŋį́ hilɛlɛa da nɛ̨ɛ̨lɛa ɓuwɔ a yɛ́.

Yálá laawoo hɛɓɛ

²² Yɛ́ ɓə ŋį́ hinąą da nɛ̨ąą ɓuwɔ a yɛ́, ŋį́ hulɔgoloɠaa da nu nwunuɠaa ɓuwɔ a yɛ́ ŋį́ hilɛlɛa da nɛ̨ɛ̨lɛa ɓuwɔ a yɛ́.

Bible

²² ŋ́gɛ nɛ̃yâa da sinâa pàa, ŋ́gɛ núu-pɔlɔ-ŋa da nyáŋkpa-ŋa pàa, ŋ́gɛ sinâa-nɛ̃yɛa da nɛ̃yâa-nɛ̃ya pàa,

Ɉeremi 51:22 Referans Kwoze

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Azaya 13:18

Di kaa pai kɛi ɓɔi ɉilɛlɛa hu a di wɔ kilɛnŋąąi, di hvo pai nɛ̨ąą kwəi lon da mąąhvaalɛɛi, di ɲɛ̨iyá hvo di hu, di hvo lɛapɛlɛɛ mąąwɛli kaa la.

Izikiɛ 9:6

Ə kɛ a hulɔngolo, ə kɛ a ląŋąlon, ə kɛ a halakpɛla, lɛapɛlɛɛ mąn, nɛ̨ąą mąn; ka gəlee paa, ə lɛɛ ɉu, di kpɛɛ kpɔ tɛ̨ɛ̨ tɛ̨ɛ̨. Kɛlaa, nui lɔpee, nui ɲɛ̨i pɔɔ a kɛ mą, 'ká hvo tunwɔ̨n mą. 'Ká gbala tɔɔ Yálá hee pɛlɛ́ ɓa. Di gbala tɔɔ kɛa ɉulɔngoloɠaai ti kɛ Yálá hee pɛlɛ́ laaləi diɛ.»

Samuɛlə dɔlɔɔ 15:3

Yili ɓa, li, ə́ Amalɛkə nuą kəlee paa, hvo dɔ̨nɔ̨ kpɛli lɛɛ, da ɉɛnŋaai kpɔ gaa laa gəlee; ə kɛ a hulɔnu, nɛ̨ɛ̨nu, lokolo, ə mą kɛ a ɲįnį kpələ lon, nįŋɛ̨ɠaa, ɓɛlaaɠaa, ɲɔ̨nwɔmɛɛɠaa, da hoohvaalənŋaa.›»

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Ɉeremi 6:11

Gáá hvɛɛi a Yai-Laa nwɔ liiholi, Ə lɛɛ vá kɛa pɛli ɉu hon ɉii. Daɠa nɛapɛlɛɛ mɛ̨i gwəliɠaa pɔ, ə mą kɛ muhəɠə nįnɛ̨ɠaa mɛ̨i, da daai nuą kəlee, ɉinąą mąn nɛɛa mąn; ə kɛ a hulogolo, ə kɛ a nu nwunu.

Azaya 13:16

Da di lonnii huwolo lɔi ɓa di ɲɛ̨i ɓa, diɛ di wɔ pɛlɛ́ɠaai mu hɛnŋąą taɠa taɠa, diɛ too di nɛ̨ąni mɛ̨i.

Dutɛrɔnome 32:25

Da hvilɛn taa pɔ, kɔ́ kɔ́ ɓɔwa ə di lonnii kulɔ di yəi, da lɔ bɛlɛ́n, ɲɔwu aa daa tɔɔlaa. Laŋąlon da halakpɛla di hɔɔ kwɛni a kɛ tɔ̨nɔ̨. Ɲini kpələ lon da hulɔ golo pɔlɔ di haa pələ a kɛ tɔ̨nɔ̨.

Azaya 20:4

Bələ ɓə Asiri tɔɔmun gaa pai lii la a Eziptə nuą, da Nubi nuą, kɔluwɔlaa hu. Ɉilɛlɛa da ɉilɛgoloɠaa di ɓo a di kpuwulu, kɔ́lɔ hva kɛ di kɔ́wɔ ŋą, bɛlɛ hva kɛ diɛ, diɛ di wulɛn gaa; a kɛ Eziptə ɓa a nwumɛ̨.

Azaya 13:15

Nui lɔpee di pai gaai, da baa, nui lɔpee di kaa pai ɉon ɉii, kɔ́ kɔ́ ɓɔwa a doo.

Ɉeremi 44:7

«Yii hu, ə həli kɛa kaa! Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: Lə ɓə kɛ, yaai, ka káá mɔ̨nɔ̨ taaləi tii lɔi ka kpɔɔ pɔ? Diɛ ka kəlee ka paa Ɉuda lɔi hu; ɉinąą mąn, nɛ̨ą mąn, nɛapɛlɛɛ da non gaa nįnɛ̨ɠaa? Ka kpəli logolo kpɛli hva lɛɛ!

Ɉeremi 50:37

Gɔ kɔ́ ɓɔwa ə hee ɉooɠaa hu, da nwotoloɠaa, da nu hviikpɛɠaa kpɔ tii nįnįn mu, da kɛ yɛ nɛ̨ąą. Gɔ kɔ́ ɓɔwa ə hee gɔ́ kɔ́ hɛnŋaa pui, daa too ɉu.

Ɉeremi 51:23

Taatɛlɛɛ da di mɛ̨i kaa nuą ɓuwɔ a yɛ́. Ŋą́ tíi kɛ nuą da di wɔ kóló kɛ kwɛli hɛnŋaa ɓuwɔ a yɛ́. Ŋą́ lɔi ɲąą woo ɓo nuą da di ɲɛ̨itɔɔ nuą ɓuwɔ a yɛ́.

Woolaa 2:21

Nu nwunuɠaa da ɉulɔgoloɠaa di powa kaa puuni gwəli hąąiɠaa ɓa, nɛ̨ɛ̨lɛa da ɉilɛlɛa daa gəlee nwun dee a ɓɔwa kwɛa. Yai-Laa! Ə́ wɔ liiholi hu, yáá di nwun dee, yáá di hukala hvo kpɛli di mąąwɛli kaa li.