Ɉeremi 51:21 - Yálá laawoo hɛɓɛ (dc)

²¹ ŋį́ hooɠaa da hoo gilɛ həɠə nuą ɓuwɔ a yɛ́, ŋį́ wotoloɠaa da di gilɛ həɠə nuą ɓuwɔ a yɛ́.

Yálá laawoo hɛɓɛ

²¹ ŋį́ hooɠaa da hoo gilɛ həɠə nuą ɓuwɔ a yɛ́, ŋį́ wotoloɠaa da di gilɛ həɠə nuą ɓuwɔ a yɛ́.

Bible

²¹ ŋ́gɛ soo-ŋa da dí-sia-ƃela tàa-taa a yá, ŋ́gɛ kɔ́kɔ-keleŋ ŋa da dísia-ƃela tàa-taa a yá,

Ɉeremi 51:21 Referans Kwoze

Lɛɛ gbɔwɔ ɓa 15:1

Moisə da Israɛlə lonnii di nwələi ŋɛ̨i too Yai-Laa ɓa, diɛ kɛ mą: Gáá wələ tooi Yai-Laa ɓa, aa yeetɛɛmąą walawala kɛ, aa hoo da mɛ̨i nuą pili gboloyá hu.

Zakari 10:5

Di kəlee, di kaa pai lii gɔ́ ɓa, yɛ kɔ́kuláá kpəɠiɛɛɠaa, di kaa pai gɔ́ kɔ́i, diɛ bələ pɔ palaya tan. Di kaa pai walai gɔ́ hu, mąąhɔlɔɓo, Yai-Laa kaa pai kɛi di pɔ, ɛlɛɛ, hoo gilɛhəɠənuą ɲɛ̨i kaa pai paai a nwumɛ̨, di wɔ hooɠaai mɛ̨i.

Zakari 12:4

Mąą yələi tii, ŋą́ lɔi mɛ̨i hooɠaa kəlee yamąn, gɛ́ ɓowo too ɉoomɛ̨inuą kəlee nwun ɉu, kɛlaa, ɲɛ̨́i kwəleen gaa pai kɛi a ɉeɛ Ɉuda nwɔ pɛlɛ́i mɛ̨i. Yii ɓaa a lɔiɠaa di wɔ hooɠaai, ŋą́ gəlee ɲɛ̨i pu. Yai-Laa woo li.

Egaa 2:22

Ŋą́ tɔɔɓɛlaa di wɔ huwalawala too, wotoloɠaa da mɛ̨i hee ɓo nuą da too, hoo da mɛ̨i hee ɓo nuą di laa nɔi ɓa, diɛ di kee paa.

Nahumə 2:13

Ɲala ə kɛi ɉuwɔɠaa ɲąąkwɛlɛ lonnii diɛ, ə kɛi ɉuwɔɠaa hon a ɲala haaɠaa di wɔɔ, ə kɛi nwɔ woloɠaai laahvɛɛ a hɛnŋąą, yɛ nwɔ kwɛni woloɠaai laahvɛɛ a huwɔ powa.

Mise 5:10

Gáá pai nɔi hu taa kpɛa kpɛa woloi, gɛ́ ə́ mąą kɔ́nwɔ̨ taaɠaa kəlee pu,

M̀ɛni-lɛɛi 19:18

əgɛ, ká tɔɔɓɛlaa huwɔ, kɔlaɠa nwun nąmįną huwɔ, ɲąąwooɓo kɛ nuą huwɔ, hooɠaa huwɔ, ɉoo mɛ̨i nuą huwɔ, nu kanŋaa huwɔ, nuąi di kpɔwɔ yee kɔnma da luwɔɠaa, lɛapɛlɛɛ, ɛlɛɛ, da nu kpɛa-kpɛa, di huwɔ mįi.»

Mąątɛ̨nɛ̨ 46:9

'Ka li ka Yai-Laa kɛ mɛ̨nįɠaa kaa, a mɛ̨nį kpɛa kpɛai aa gɛ lɔi mɛ̨i.

Izikiɛ 39:20

Ka káá pai pilɛi nwɔ haláá kulɔi hooɠaa hu, gilɛ həɠə hooɠaa; gɔ́kulááɠaa kəlee di wɔ hooɠaai hu. Mɛ̨nį kəlee ŋą Hééɓomun Yálá woo li.

Ɉeremi 50:37

Gɔ kɔ́ ɓɔwa ə hee ɉooɠaa hu, da nwotoloɠaa, da nu hviikpɛɠaa kpɔ tii nįnįn mu, da kɛ yɛ nɛ̨ąą. Gɔ kɔ́ ɓɔwa ə hee gɔ́ kɔ́ hɛnŋaa pui, daa too ɉu.

Mąątɛ̨nɛ̨ 76:6

Gɔ́kuláá kpəɠiɛɠaai tii, di lɛɛ yíi, diɛ di mąąkpoloon, a ɉu wala wala nuąi tii, di yeekɔ̨nwɔ̨n ɉu aa haa.

Lɛɛ gbɔwɔ ɓa 15:21

Miriamə yɛ nwələ pili mą, mɛlaa diɛ hvaa mu; yɛ kɛ mą: Ka Yai-Laa mąą wələ too. Aa yeetɛɛmąą kɛ, Aa gbɔwɔ ɲɛ̨i pɔ̨nɔ̨. Ɉoo da mɛ̨i nuą, Aa di pili gboloyá hu.

Lɛɛ gbɔwɔ ɓa 15:4

Aa Eziptə tɔɔmun nwɔ wotoloɠaai, da nwɔ kɔlaɠai pili gboloyá hu, nwɔ kɔ́kulááɠaai, daa lɛɛ veegbɔ̨nɔ̨ gboloyá hu.

Azaya 43:17

Ya ɓə kɔ́ kɔ́ wotoloɠaa da hooɠaa, kɔlaɠa da kulááɠaa ɲąąkpɔn, diɛ li kɔ́ ɓa, di pɛlɛ lɔ kpulu, di hvo kɛa pɛli di muhəɠəi, di hvįna ə tɔ́n, di luwun, yɛ kwɛi a kpɛɛ nwuɔ̨n ma.