Ɉeremi 51:16 - Yálá laawoo hɛɓɛ (dc)

¹⁶ Mąąhɔlɔɓo, ya ɓə a tulɔ yáɠaa tiɛ̨ gee mɛ̨i yələi, yɛ tulɔ kpinįnŋaa kulɔ lɔi kpon ɉeei, a di hu wia, diɛ tɛ; yɛ tulɔ pu a yələgbąnąą nwɔ mąną-mąną; ya ɓə a hvaŋąɠaa kulɔ ɓɛi a di pu laa gee mɛ̨i.

Yálá laawoo hɛɓɛ

¹⁶ Mąąhɔlɔɓo, ya ɓə a tulɔ yáɠaa tiɛ̨ gee mɛ̨i yələi, yɛ tulɔ kpinįnŋaa kulɔ lɔi kpon ɉeei, a di hu wia, diɛ tɛ; yɛ tulɔ pu a yələgbąnąą nwɔ mąną-mąną; ya ɓə a hvaŋąɠaa kulɔ ɓɛi a di pu laa gee mɛ̨i.

Bible

¹⁶ A gɛ̀ ǹyái nyíi gáa ŋ̀ele-kɔlɔŋ mu-perei kɛ́ kɛ̀ zìkɛ-zikɛ gɛ́ tôo. A gɛ́ ŋ̀ele-kɔlɔŋ kolei a kûla ǹɔii kpera-ŋa. A gɛ̀ ŋ̀ele-gbâna kɛ́ kɛ̀ mãla-mãla duna-yai mu, é vãai kúla ǹâai kɛ̂i.

Ɉeremi 51:16 Referans Kwoze

Mąątɛ̨nɛ̨ 135:7

Ə həɠə kpɔ lɔi kpɛlai pələ, a tulɔ kpinįnŋaa muhəɠə, tulɔ ə duwɔ, yələ gbąnąą ə ɓɛla, tulɔ yɛ pu, ə hvaŋąɠaa kulɔ ɓɛi ə di pu laa gee mɛ̨i.

Zôna 1:4

Yai-Laa ə ɓo hvaŋą kɛnɛ̨ ta ɓa, ə hee gələn ma gboloyá ŋą. Vaŋą tɛɛ pələi tii yɛ kɛ kpɔ ə gələn daɠa-taɠa gee ɓa.

Mąątɛ̨nɛ̨ 18:13

Kɛɛ pɔ̨nɔ̨ tawolo ə kɛ dɔwɔ, dulɔ kpinįnŋąąi tii diɛ tɛɛ, hawonn da nwɔ̨n gbaalənŋąą diɛ kulɔ.

Zôna 4:8

Ɓɛlɔwai hvóló ə kulɔ la, Yálá ə hvaŋą ta tɛɛ yɛ həɠə hvóló kulɔi pələ, a gələn ŋąą. Hvóló ə Ɉonasə nwuɔ̨ kələn gbɔ yɛ kɛ ə hvowa. Ə mo yɛ mą: «Ɉáá hviɛlaɓoɔi gɛ́ɛ́ yɛnɛ̨ɛ̨ ɓa.»

Amɔsə 9:7

Yai-Laa yɛ mą: Akɛti, Israɛlə nu huwu, ka hvo mɔ̨ɔ̨ ɲɛ̨́i ɓa yɛ Eziptə nuą? Kɛlɛi ɲą́ą́ ɓə Israɛlə nu huwu kulɔ Eziptə lɔi hu ee? Ŋą́ Filisti nuą kulɔ Kaftɔrə lɔi hu, ŋį́ Aramə nuą kulɔ Kirə lɔi hu! Kɛlɛi yili kpaɠala kaa tii kaa ee?

Izikiɛ 10:5

Di kɛi mąąkpɛ malakaɠaa koon di mɛ̨n bɛlɛ́ kwɛlɛ, ɲɛnɛ̨ɛ̨ pələ, nwoo ə ɓo yɛ Huwalawala Kəlee Nąmu, a kɛi pələ ɓo.

Mąątɛ̨nɛ̨ 147:18

Yai-Laa a hvaa lɔ, daa mą həɠeen, A ɲee ɓo lɔ hvaŋą ɓa, yáɠaa daa mąn tɛɛ.

Mąątɛ̨nɛ̨ 104:7

Yá tómą di mɛ̨i, da pu, diɛ gilɛ həɠə ə́ wɔ yələgbąnąą tin ma.

Mąątɛ̨nɛ̨ 78:26

Ə hvóló kulɔi pələ hvaną lɛɛ yələi ə mąą kwɛa diɛ, ə pa a ɉɛɠɛɛ pələ hvaŋą di pɔ a nwɔ huwalawalalaa.

Mąątɛ̨nɛ̨ 68:33

Yɛnɛ̨ɛ̨ tɔɔlaaɠaa, 'ka wələ too Yálá ɓa, 'ka hvɛ́li kɛ Nąmu ɓa.

Mąątɛ̨nɛ̨ 46:6

Yálá kaa daa kwəi, ɲɔw hva pɛli tooi nąą nuą hu, Yálá a kpɔnmąą tɛɛ bɔ yələɓɔi pinɛ̨ɛ̨.

Zôo 40:9

Huwalawala kaa ə́ yəi yɛ Yálá? Ə́ woo kaa yɛ yələ gbąląąn yɛ nwɛ́i.

Zôo 38:22

Yá ta həli ɓɛi kwɛlɛ kpuwulu puɔ laa gee mɛ̨i, da ɓɛi hanwon gbuwulu kaa la gee mɛ̨i, ya ta naa kaa?

Zôo 37:13

Akɛ bɔ ə lɔi laahvɛɛ, a wala kɛ ti ə ɲɔwɔ lɔ, ə lúwɔ́ too mą, diɛ ɓə a di tɔɔ.

Lɛɛ gbɔwɔ ɓa 14:21

Moisə ə ɲee haŋą gboloyá mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə voló kulɔi pələ. Vaŋąi tii ə gboloyá ɓɛlaɓo ɉu hveelɛ a kpinį, di tɛɛ pələ hu ə kpala.

Lɛɛ gbɔwɔ ɓa 10:19

Yai-Laa ə vaŋą ɲɛ̨i tinɛ̨n, hvaŋą kɛnɛ̨ ta ə həɠə hvóló tooi pələ, ə beeləɠaai ti kəlee həɠə, ə li ə di pu veegbɔnɔ̨ gboloyá hu. Beeləi tii dɔ̨nɔ̨ kpɛli hvo lɛɛ Eziptə lɔi hu.

Lɛɛ gbɔwɔ ɓa 10:13

Moisə ə nwɔ tunwɔ̨n haŋą Eziptə lɔi mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə hvóló kulɔi pələ. Vaŋą ə hvóló tɔ̨nɔ̨ da kpinį tɔ̨nɔ̨ kɛ yɛ tɛɛ; yələwala pɔ, vóló kulɔi pələ hvaŋą ə pa a peeləɠaa.

Zɛnɛse 8:1

Noe nąą kili ə too Yálá ŋą, da ɉɛnŋaa kpɔ tii kɛ Noe pɔ gələn ɉu. Yálá ə hvaŋą kɛnɛ̨ ta tɛɛ lɔi mɛ̨i, ɲáɠaa mąą yɛ yɛɛ.