Ɉeremi 51:1 - Yálá laawoo hɛɓɛ (dc)

¹ Yai-Laa woo ka, yɛ diɛ: Gáá pai lɔi kala hvaŋą ɲąątɔɔi Babilonə ɓa, da ɲówoɠaa di wɔ yɛnɛ̨ɛ̨.

Yálá laawoo hɛɓɛ

¹ Yai-Laa woo ka, yɛ diɛ: Gáá pai lɔi kala hvaŋą ɲąątɔɔi Babilonə ɓa, da ɲówoɠaa di wɔ yɛnɛ̨ɛ̨.

Bible

¹ Yâwɛɛ è mò ǹyɛɛ, “Ŋa pâi fãa tɛɛ̂i nyíi pâi Babelɔŋ lɔii sú karâi da ǹaa-ƃela kéleei.

Ɉeremi 51:1 Referans Kwoze

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Osia 13:15

Ɛfraimə ə mą kɛnɛ̨ nąn nonnii lɔwai, hvóló kulɔi pələ hvaŋą kaa pai, Yai-Laa nwɔ hvaŋąi, yai həɠəi gbali kələn ŋąą hu pələ, yɛ ɲá nwun gulɔi hu kpala, ya yɛ kpala yálɔwa hu, yɛ nɔi kala, da ɉu hɛn gɔwɠaa.

Gɛlaɠaa 9:4

Solə ə too nɔi ɓa, ə woo ta mɛ̨n yɛ kɛ mą: «Solə! Solə! Lə mɛ̨nį ɓa ə́ kaa mɔ̨nɔ̨ɓoi?»

Zakari 2:8

Ə mo malakai tii ɓa, yɛ mą: «'Li a gilɛ, yɛ́ ɉulɔnon tii lii mą: ‹Ɉerusalɛmə mąąnɛ̨ɛ̨ ə lɛɛ a taa yii hįį hva tɔɔ mą, nu kpulu da daatɛlɛɛɠaai tii pai kɛi laa, di mąą mɛ̨nį ɓa.

Izikiɛ 19:12

Kɛlaa, di gulɔ a nwun a lii ɲąnwąną; di doo nɔi ɓa, hvaŋą ə həɠə hvóló kulɔi pələ, ə maɠaa kpala ma; nwonwo kpɛa kpɛaɠaai tii di kpala, nwɔ̨n ə di kələn.

Ɉeremi 50:33

Yai-Laa Mɛ̨nį Kəlee ŋą Hééɓomun nwoo ka, yɛ diɛ: Di kaa Israɛlə lonnii da Ɉuda nuą mɔ̨nɔ̨ ɓoi, di mɔ̨nɔ̨ ɓo nuą daa di hon, di hvo bɔ di hvo ɓo diɛ,

Ɉeremi 50:29

'Ka kilɛn bili nuą kəlee ɲąątɔɔ Babilonə ɓa, 'Ka mąą tinɛ̨n a kɔlaɠaɠaa ka doo gee hu, nui lɔpee ta hvo kulɔ a ka yee wolo. Bələi ə túwɔ́ la, ka gwələ kulɔ mą. 'Ka naa mą, yɛ bələi ə gɛ la. Ə tɛɠɛɓoɉu laa kulɔ a Yai-Laa, a Israɛlə nwɔ Yálá mąąhəɠɛɛ.

Ɉeremi 50:24

Ŋą́ hɛlɛn dɛ ə́ tɔwɔ Babilonə, ya ka yaa gɔ́ la ə́ tɛɠii, ə́ mąą kali aa ɓo, daa ə́ kaa, daa ə́ hon, mąąhɔlɔɓo, ə́ tɔɔ, yɛ́ kɔ́ pɛlɛ Yai-Laa ɓa.

Ɉeremi 50:21

'Wolo Maratimə lɔi ɓa a kɔ́, 'wolo da Pekɔdə nuą diɛ, 'di paa, nu gbəlii a lɛɛ, 'gulɔ mą́ą́ a haláá, 'gɛ kpɔlɔɔ yɛ bələi gáá ə́ tíi la. Ɲą́ą́ Yai-Laa nwóó li!

Ɉeremi 50:9

A tɛ̨ą, gáá pai ɲələi pələ lɔi kpɛa kpɛaɠaa yee lɔi gee hu, di pɛlɛ Babilonə ɓa a kɔ́, di kaa pai woloi mą, a kɛ a ɉonŋaa di yəi. Di wɔ tonwąɠaai kaa yɛ kɔ́kuláái kɔ́ aa nɛ̨ɛ̨ mą, hva pənə hvo pa a ɲee howolo.

Ɉeremi 49:36

Gáá pai heei Elamə ɓa a hvaŋą nąąn bələ kəlee gɛ́ daɠa taɠa yələ ɲɛ̨i, lɔi ta hvo pai kɛi laa, ɓɛi da di mąąkilɛ laa.

Tɔɔɓɛlaa veelɛ 19:7

Gáá hvaai mą, dɔɔmun tii ə pənə ə li nwɔ lɔi hu, ɓɛlɔwai gaa pai wɛlɛɛ hɔlɔɓoi la, gaa pai haai gbɔ-kpɔɔ lɔi tii hu ɓɔwa laa pɔɔ.»

Mąątɛ̨nɛ̨ 137:8

Babilonə nɛ̨ɛ̨gbɛla, ə́ hu kala mɛ̨nį hɛlɛnŋąąi ə́ mɛ̨i, nui pai ə́ hon ɉii, yɛ bələi ə́ ku hon na, nwun na nɛ̨ɛ̨i.

Ɉeremi 23:19

«Yai-Laa nwɔ tulɔ hvaŋai aa muhəɠə, a kɛɛ kala liiholi, vaŋa kaa tɛɛi, yɛ kpəlaan a hɔn mąą nuą nwun.

Azaya 13:13

Gáá pai yələkɔlɔn ɉiɠi-hiɠi ɓoi, lɔi yɛ kpɛlin ɉeei, Yai-Laa Mɛ̨nį Kəlee ŋą Hééɓomun ɲɛ̨i tɔwɔ, a ɲələi nwɔ liiholii kaa pai muhəɠəi la.

Azaya 14:14

Gáá pai tɛi tulɔ kpinįnŋąą mɛ̨i, gáá pai kɛi yɛ Hɛn Gəlee mɛ̨imun Yálá.»

Azaya 21:1

Mɛ̨nį kponąąi di mo gboloyá kwɛlɛ lɔi pun naa mɛ̨i, ya ka: Bələi lɔ tulɔ hvaŋą a tɛɛ la Negɛvə lɔi hu, bələ lɔ ɓə kɔ́ kaa pai həɠəi la nɔi pun mąą ɲɔwuɔ hu pələ.

Azaya 47:1

Yɛi ɓaa a Babilonə nɛ̨ɛ̨gbɛla, 'ə́ mąą yɛɛ kpɔ kɛnɛ̨! 'Laa munuun gbala hu! 'Ka həɠə dɔɔ kpəlin ɉu, 'ka hee luwu hu, Kalde nɛ̨ɛ̨gbɛlaɠaa, mąąhɔlɔɓo, di hvo kɛa pai kɛi ə́ laa ɓa: «Nɛ̨ɛ̨nu lɛlɛɛ, kwəinɛ̨ɛ̨ kulɔ nɛ̨ɛ̨nu.»

Ɉeremi 51:53

Ə mą kɛ, Babilonə aa tɛ yələi, yɛ mąąkpɛ hįį tɔɔ, yii nu hva pɛli tɛi mą, ŋą ɉuwolo nuą ɲąątɔɔ mą, di yee ə lɔ. Ɲą́ą́ Yai-Laa nwóó li!

Ɉeremi 51:60

Mɛ̨nį ɲąąnwąnąąɠaa kpɔ kɛi pa laai Babilonə ɓa, a mɛ̨nįɠaa kpɔ ŋɛ̨i gwaa mo, yaai di di pɛ̨ɛ̨ a Babilonə mąą mɛ̨nį, Ɉeremi aa kɛ gəlee pɛ̨ɛ̨ hɛɓɛ́ tɔ̨nɔ̨ hu,