Ɉeremi 50:37 - Yálá laawoo hɛɓɛ (dc)

³⁷ Gɔ kɔ́ ɓɔwa ə hee ɉooɠaa hu, da nwotoloɠaa, da nu hviikpɛɠaa kpɔ tii nįnįn mu, da kɛ yɛ nɛ̨ąą. Gɔ kɔ́ ɓɔwa ə hee gɔ́ kɔ́ hɛnŋaa pui, daa too ɉu.

Yálá laawoo hɛɓɛ

³⁷ Gɔ kɔ́ ɓɔwa ə hee ɉooɠaa hu, da nwotoloɠaa, da nu hviikpɛɠaa kpɔ tii nįnįn mu, da kɛ yɛ nɛ̨ąą. Gɔ kɔ́ ɓɔwa ə hee gɔ́ kɔ́ hɛnŋaa pui, daa too ɉu.

Bible

³⁷ Ka ŋɔsoo-ŋai da zoo sia-keleŋ-ŋai su-kara. Saa a too wɔ̃́ya kɔkuluƃa-ŋai è dísiɣaŋ sòŋ, dîa, dífii a kpɛɛ a ŋ̀ánaa. Ka too dîa ká dílaai kɛi-sãai kúla díyêei ka dísu-kara.

Ɉeremi 50:37 Referans Kwoze

Ɉeremi 51:30

Babilonə kɔ́kulááɠaa daa lənə gɔ́ ɓa, daa hee so-so, hoŋonŋaa hu, di hvaai aa kpɛɛ di yəi, daa kɛ yɛ nɛ̨ąą, di kaa nwɔ pɛlɛ́ɠaai kələn ɉii. Diɛ nwɔ kponŋaai ɓɛla.

Nahumə 3:13

Ə́ wɔ kɔ́kulááɠaai kaa lɔ a nɛ̨ąą, kpɛli kpɛli ə́ wɔ lɔi hu pələɠaa laaɓoɔi lɔ kpanągalan, ə́ yowoɠaa tɔwɔ, gbon gəlee aa lɛɛ a nwɔ̨n gɔ̨nɔ̨n, aa nwulukpiɛɠaa kəlee kələn.

Ɉeremi 51:21

ŋį́ hooɠaa da hoo gilɛ həɠə nuą ɓuwɔ a yɛ́, ŋį́ wotoloɠaa da di gilɛ həɠə nuą ɓuwɔ a yɛ́.

Ɉeremi 48:41

Daa Keriyotə hon, daa lɔ Mesadotə. Moabə kɔ́kulááɠaa lii aa kɛ di kwɛi yɛ yɛ̨ɛ̨nui kwəi nwąną kɛi a volói tii.

Ɉeremi 25:20

Voló tooi pələ kəlee, Usə lɔi dɔɔɓɛlaa kəlee, Filisti tɔɔɓɛlaa kəlee: Askelɔn, Gaza, Ɛkrɔn da nu kpəlii aa lɛɛ Asdɔdə;

Azaya 19:16

Nąąlɔwai Eziptə a kɛ lɔ yɛ nɛ̨ɛ̨nu, yɛ ɲɔw, mąą yɛ kpɛlin, ɓɛlɔwai a Yai-Laa Mɛ̨nį Kəlee ŋą Hééɓomun yee kaa la mɛ̨i.

Izikiɛ 30:5

Nubi, Putə, Ludə, Kuvə, nɔi huwu tamąąi kpɔ da diɛ ni di kaa ɓɛlan naa hu, da diɛ ni da too a kɔ́ kɔ́ ɓɔwa laa pɔɔ.

Azaya 45:3

Ɉɛn gɔwɠaai daa kɛ di laaikɛ, kɛɛnąą kpinɛ̨ɛ̨ɠaa ɓa, nwaliɠaai daa kɛ di loo, kɛɛnąą hɔwɔ́-hɔwɔ́ɠaa ɓa, gáá pai di lɔi ə́ yee ŋą. Bələ ɓə ə́ kaa pai gbaɠala kaai la, yɛ́ kɛ, Yai-Laa ɓaa a ɲą́ą́. Ya ɓə ə́ təlii a ə́ laa; yai a Israɛlə nwɔ Yálá.

Egaa 2:22

Ŋą́ tɔɔɓɛlaa di wɔ huwalawala too, wotoloɠaa da mɛ̨i hee ɓo nuą da too, hoo da mɛ̨i hee ɓo nuą di laa nɔi ɓa, diɛ di kee paa.

Nahumə 2:13

Ɲala ə kɛi ɉuwɔɠaa ɲąąkwɛlɛ lonnii diɛ, ə kɛi ɉuwɔɠaa hon a ɲala haaɠaa di wɔɔ, ə kɛi nwɔ woloɠaai laahvɛɛ a hɛnŋąą, yɛ nwɔ kwɛni woloɠaai laahvɛɛ a huwɔ powa.

Izikiɛ 39:20

Ka káá pai pilɛi nwɔ haláá kulɔi hooɠaa hu, gilɛ həɠə hooɠaa; gɔ́kulááɠaa kəlee di wɔ hooɠaai hu. Mɛ̨nį kəlee ŋą Hééɓomun Yálá woo li.

Ɉeremi 50:26

'Ka həɠə lɔi kpon ɉeei ka pa, 'ka pa bɔ, 'ka nwɔ kɔ̨nɔ̨n gələɠaai laa ɓo, 'ka bu gee mɛ̨i, 'ka naa həli Yai-Laa ɓa. 'Ka hvo da lɔpee lɛɛ pulu.

Ɉeremi 25:24

Arabə tɔɔɓɛlaa kəlee, nu humɔɔɠaa di wɔ tɔɔɓɛlaa kəlee, diɛi tii heeni nɔi pun ɉu.

Mąątɛ̨nɛ̨ 76:6

Gɔ́kuláá kpəɠiɛɠaai tii, di lɛɛ yíi, diɛ di mąąkpoloon, a ɉu wala wala nuąi tii, di yeekɔ̨nwɔ̨n ɉu aa haa.

Mąątɛ̨nɛ̨ 46:9

'Ka li ka Yai-Laa kɛ mɛ̨nįɠaa kaa, a mɛ̨nį kpɛa kpɛai aa gɛ lɔi mɛ̨i.

Ɉeremi 51:4

Nuąi daa di mąą nwąną di paa pələ ɓa, di kaa tooi Kalde lɔi hu a di powa. Nuąi daa ɓɔ di hu, diɛ too bələɠaa pɔ.

Ɉeremi 51:22

Yɛ́ ɓə ŋį́ hinąą da nɛ̨ąą ɓuwɔ a yɛ́, ŋį́ hulɔgoloɠaa da nu nwunuɠaa ɓuwɔ a yɛ́ ŋį́ hilɛlɛa da nɛ̨ɛ̨lɛa ɓuwɔ a yɛ́.

Ɉeremi 50:10

Kalde lɔi aa kɛ a kɔ́ hon, nuąi kpɔ too mɛ̨i, gəlee kaa pilɛi, Yai-Laa woo li.