Ɉeremi 50:35 - Yálá laawoo hɛɓɛ (dc)

³⁵ Yai-Laa woo ka, yɛ diɛ: Kɔ kɔ́ ɓɔwa kaa Kalde nuą hu hɛɓɛ́-hɛɓɛ́i, ə mą kɛ Babilonə nuą da di ɲɛ̨itɔwɔ nuą, bɛlɛɛ nwɔ mɛ̨nį kɔ́lɔn nuą diɛ.

Yálá laawoo hɛɓɛ

³⁵ Yai-Laa woo ka, yɛ diɛ: Kɔ kɔ́ ɓɔwa kaa Kalde nuą hu hɛɓɛ́-hɛɓɛ́i, ə mą kɛ Babilonə nuą da di ɲɛ̨itɔwɔ nuą, bɛlɛɛ nwɔ mɛ̨nį kɔ́lɔn nuą diɛ.

Bible

³⁵ Yâwɛɛ è mò ǹyɛɛ, “Saa a too Babelɔŋ ma! Saa a too ŋɔnûai dîa, Saa a too ŋɔnúu mɛi-ƃelai da ŋɔtáre-ƃelai dîa.

Ɉeremi 50:35 Referans Kwoze

Ɉeremi 47:6

Lə mɛ̨nį ɲąąnwąnąą ɓəi, Yai-Laa nwɔ ɓɔwai! Akɛti, hvįįtɔɔ hvo kɛa yɛ́? 'Lɔ ə́ taa hu, too ə́ kɔ́lɔi, ə́ liilaa.

Osia 11:6

Kɔ kɔ́ ɓɔwa kaa pai yamąn ɉii di wɔ taaɠaai hu, gaa pai di mąą kɔ̨nwɔ̨ hɛnŋąą pui, yɛ kɛɛ kala, di wɔ nwun dɔɔ ɲɔ̨nwɔ̨ɔ̨ɠaa mąą mɛ̨nį ɓa.

Danîa 5:30

Gbini tɔ̨nɔ̨i tii hu, Kalde nuą di tɔɔmun Bɛlsasarə paa.

Ɉeremi 51:57

«Gáá lɔɔ tɔɔi Babilonə lɔi hu kóló kɛ nu kpɛa kpɛa kəlee la, da nwɔ mɛ̨nį kɔ́lɔn nuą, da nɔi ɲɛ̨itɔwɔ nuą, bɛlɛɛ galanɉonŋaa diɛ, da gulaaɠaa; yɛ di hon. Di kaa pai yíi, kpɛla bələi hva kɛ mą, di hva kɛa di ɲįnąąɓo. Dɔɔmun da kɛ naa ɓaa a: Yai-Laa Mɛ̨nį Kəlee ŋą Hééɓomun nwoo li!»

Zakari 11:17

Kpalo ɓɛlaai taatɛlɛɛ pulumun ɲɔ̨nwɔ̨ɔ̨ ɓa, yai a daatɛlɛɛ kpulu lɛɛ gbɔwɔ ɓa! Mąąnɛ̨ɛ̨ ɓɔwa kwɛaa ə ɲee kɔ́nwɔ̨n ɉu hvala hvala, ə mamįiyee ɲɛ̨i kɔ́w wolo! Ɲee ə kpala mą, ə kpala mą kpɔ a neelee! Mamįiyee ɲɛ̨i kɔ́w ə pɛlɛ mą, ə pɛlɛ mą kpɔ a neelee!

Izikiɛ 14:2

Nąąlɔwai Yai-Laa ə mɛ̨nį ɓo mą́ą́, yɛ mą́ą́:

Ɉeremi 51:39

Hvɛ́nɛ̨ aa di yɔwɔ, gáá kɔ̨nɔ̨n bili diɛ, gáá lɔɔ tɔɔi di la, yɛ di yee kulɔ di mu, diɛ yíi, a yíi ɲɔ̨nwɔ̨mąn, kpɛɛ hvo mą, di hva kɛa pənə di hvo nwun. Ɲą́ą́ Yai-Laa nwóó li.

Ɉeremi 50:30

«Yili mąą mɛ̨nį ɓə gɛi háákələi, nwɔ kɔkulaa laŋąą kaa tooi ɲəi gwəli hąąiɠaa, nwɔ kɔ́kulááɠaa kəlee mɛ̨i aa haa.» Ɲą́ą́ Yai-Laa nwóó li!

Ɉeremi 50:27

'Ka Nįŋɛ̨ gbɔnŋaa kəlee paa, 'ka li a diɛ Nįŋɛ̨ paai. Aa kɛ a mɔ̨nɔ̨ aa laa diɛ, di wɛi ɲələ aa həli. Ɲələi da di nwąną kulɔ la diɛ, ɲələ li.

Ɉeremi 10:7

Gbɛɛ a pɛli niikpələi a yɛ́! Lɔiɠaa di wɔ tɔɔmun! Mąą nɛ̨ɛ̨ kilimąą nuą di hɔlɔɓo lɔi kəlee hu, di tɔɔ, lɔiɠaa hu, Kɛlaa, nu ta hvo laa yɛ ɓo yɛ yɛ́!

Ɉeremi 8:9

Gilimąą nuą tii daa nwumɛ̨, di ɲɛ̨i aa paa, daa kɔ́ a hɛlɛn di kɛi tɛɠɛ ɓo Yai-Laa woo hu. Da pɛli di kpɔɔ kaai ləi a mɛ̨nį kɔ́lɔn nuą?

Azaya 66:16

A tɛ̨ą, nwɔ̨n nən mə Yai-Laa kaa pai kiti teei la, yɛ nu kanŋaa kiti tee a ɓɔwa kwɛaa. Nu kpulu tamąą ɓə Yai-Laa kaa pai ɓɔi di hu.

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Azaya 41:25

Ŋą́ą́ nu təli, yɛ həɠə ɲələi pələ, aa pa, ə lɛɛ hvóló kulɔi pələ, ŋą dəli a naa, gaa ɓɔlɔn ɉii lɔi ɲąąwooɓo nuą mɛ̨i, yɛ da kɛ a palaya yɛ bələi pɔlɔ tan nuą da pɔlɔ tan na.

Azaya 29:14

Yili ɓə gaa mą, gáá kpɔlɔ pai kɛi di kwəi pilii diɛ, a mɛ̨nįɠaai gáá pai kɛi gɛi di lɔwai, yɛ kilimąą nuą kiliŋą pɛlɛ, yɛ mɛ̨nį kɔ́lɔn nuą di wɔ mɛ̨nį kɔ́lɔnŋąą pili di yəi.

Levetekɔ 26:25

Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.

Azaya 45:1

Yai-Laa woo ka, nui ə mąątí a tɔɔ wulɔ, mą, yɛ mą: A Sirusə ŋɛ̨i ŋą́ą́ ɉon a mamįiyee, gɛ́ lɔiɠaa pɛlɛ gɔwɔ mu, gɛ́ tɔɔɓɛlaa di wɔ hvąŋąlaa kulɔ di yəi, gɛ́ daa mąą kpɛ kponŋąą laaɓo dɔwɔ, gbonŋąąi tii da hva pɛli lɛɛi a naa kpulɔɔ dɔwɔ.

Ɉeremi 51:47

Yili ɓə gaa mą, Yələ ta kaa pai həlii, gáá pai heei Babilonə haliɠaa hu, yili hva kɛ a nɔi ɲɛ̨i pɔ̨nɔ̨ mɛ̨nį tɔ̨nɔ̨ kpɛli. Nu kaa pai kɛi tooi lɔ a bowa.