Ɉeremi 5:3 - Yálá laawoo hɛɓɛ (dc)

³ Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Yálá laawoo hɛɓɛ

³ Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Bible

³ Tɔ̃yâ ma, Yâwɛɛ káa teniŋ ƃô laa kɔ̂rii. È ká lòkwa, kɛ́lɛ káfe káwoli tɔɔ ní m̀a. Káfe fáa ní ma a gɛɛ ká mɛni maa kɔ́ri. Káŋuŋ su a kpanaŋ kpɔ́ yɛ̂ɛ kɔni. Ǹyaŋ káfe niî kápôlu tɔ̀ɔ ní kásɔnyɔ̂ŋ-ŋai dîa.

Ɉeremi 5:3 Referans Kwoze

Ɉeremi 7:28

Mo kani diɛ, yɛ́ diɛ: Kaa kɛ a nu huwu yii hva nwəli tɔɔ Yai-Laa di wɔ Yálái woo ɓa, ə lɛɛ, mɛ̨nįi a ka kalan na, ka hva ɉon; kulɔ nwoo ɓa laa nwun na aa pili, aa kpɛɛ di lɔwai.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Sofoni 3:7

Ŋą́ mo gbɔ́wɔ́ ɓa, gɛ́ kɛ diɛ: «Ɉerusalɛmə, ə́ wɛi, ə́ kaa kiɛ pai mą́ą́wiɛi, ə́ ə́ wəli tɔɔ ə́ hutɔɔ woo ɓa.» A gɛ tii, nwɔ pɛlɛ́i hvo pai pui. Kɛlaa, mɛ̨nį ɓo pələ diɛ tɛitɛi, diɛ mun, di wɔ mɛ̨nį ɲɔ̨n gɛ yee ta lɔ ɓə kɛi pɛlɛi mą.

Azaya 9:13

Yili ɓə gɛ, Yai-Laa ə Israɛlə nwun dee da nwon, ə mɛ̨nį ɲąąnwąnąą laa diɛ a voló tɔ̨nɔ̨i tii.

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Azaya 42:25

Yili ɓə gɛ yɛ nwɔ lííholi kɛnɛ̨ɛ̨i hiɛ Israɛlə mɛ̨i, kɔ́ mɔ̨nɔ̨ɠaa diɛ hee ɉu; diɛ nwɔ̨n doo ɉu nąą kɔ́lɔ kəlee, ə mą kɛ tii, Israɛlə hvo tí hvo gɔlɔn, Yálá ə gələn, ə diɠi kɛ, ə həli ɉɛ̨ąi, ə mą kɛ tii, yili hvo kɛ Israɛlə ɓa a mɛ̨nį.

Hebreu 12:9

Gu nąnnii kɛ ɓɛ lɔi mɛ̨i, di kɛli gu hutɔɔ, yili ə ɓo guɔ a mɛ̨nį lɛlɛɛ, gu hvo mun kɛ gu Nąn yələi, a tɛ̨ą, mąąnɛ̨ɛ̨i, 'ká gu lɛɛ nwoo mu, əgɛ, gu yɛnɛ̨ɛ̨ hɔlɔɓo.

Lomaŋ 2:2

Gu gɔlɔn guɔ diɛ: Nuąi di túwɔ́ pələ kaa ti, Yálá a di kiti tee a tɛ̨ą.

Izikiɛ 24:13

Túwɔ pələ ɲɔ̨n mə a ə́ mąąliɓi, mąąhɔlɔɓo ŋą́ą́ ə́ mąąhəɠə, kɛlaa ə́ mąą hvo həɠə li. Ɛlɛɛ, ə́ mąą hvo pai həɠəi ə́ mąąliɓi hɛn tii yəi. Hvo kɛli ŋą́ níí holi ə́ pɔ, ŋą́ naa kulɔ.

Ɉeremi 32:19

Ə́ kaa a liɛwoo kɛ mun nɛlɛɛ, mɛ̨nį lɛlɛɛ kɛ mun. Ə́ ɲɛ̨i kaa nu kəlee túwɔ́ pələ ɓa, yá nu kəlee hvɛla kulɔ, yɛ bələi ə túwɔ́ la; yɛ bələi gɛ koló kaa la.

Ɉeremi 19:15

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąą kpɔ ŋą́ą́ gili tee gwə́i, yɛ hvilɛn na daa ŋɛ̨i ɓa, gáá pai naai mą da gwɛlɛ taaɠaa kəlee. Mąąhɔlɔɓo, daa di kili walawala, di hvo gɛi di hvo di wəli tɔɔ nwóó ɓa.»

Ɉeremi 7:26

Kɛlaa, di hvo ta di wəli tɔɔ li nwóó ɓa di hvo mɛ̨n. Di di nwun nwalawala, di wɛi ə ɲɔ̨nwɔ̨ ə tɛɛ di nąnni di wɔ ɓa.

Azaya 48:4

Ŋą́ gɔlɔn gɛ, gɛ́ diɛ ə́ kili wala walaai, ɛlɛɛ ə́ kpowola wala walaai yɛ kwɛli, ə́ tɔwɔla wala walaai yɛ ɓala kwɛli,

Hanwon 27:22

Ə́ ma kilikpɛɛgwəi mun ɉiɠɛ kwənąi da mɔ̨nun, mɔ̨nun gala a kulɔ mą, Kɛlaa, yili hva kilikpɛɛgwəi mun ŋą kilikpɛɛgwəilaa kulɔ mą.

Hanwon 23:35

Ə́ woo laa diɛ: Daa gɛ́lɛ, Kɛlaa, və́ ɲąą kaa li; daa ɉú lɔwa, gɔlɔ hvo gili kɔ́lɔn ni, mįnɛ̨ lɔwai ɓə gáá pai muhəɠəi la, ŋį́ li ŋį́ da kwɛli nwɔ̨nɔ̨?

Hanwon 22:12

Yai-Laa a mɛ̨nį kɔ́lɔn ŋąą leelee mɛ̨i kaa, yɛ nu ɲɔ̨nwɔ̨ɔ̨ɠaa woo mąą kpoloon.

Hanwon 21:29

Nwąnąlɔmun ɲɛ̨i kaa gamąn, nui ɉaŋąą, a dúwɔ́ pələ mąą kpala a nwala-walaa.

Mąątɛ̨nɛ̨ 51:6

Ŋą́ą́ nɛ̨ŋɛ̨n ɉəɠə yɛ́, yɛ́ kɔw taanɔ̨n gbən, yɛ́ kpɔ ɓə, mɛ̨nįi ɲɔ̨nwɔ̨ɔ̨ ə́ ɲɛ̨i mu, ŋą́ą́ gɛ; yili ɓa, yá kɛi ɉɔ́n mo, yɛ́ tɛ̨ą mɛ̨nį li, yá kɛi ɉútɔɔ, tɛ̨ą kaa ə́ pɔ, ɛlɛɛ, yɛ́ kitii mąą kulɔi hvo mą.

Kɔlɔnikɔ Veerɛi 28:22

Ɓɛlɔwai Asiri kɔlaɠai pɛlɛɛ la kɛ mą, tɔɔmun Akazə ə pɛlɛ nwɔ̨nɔ̨ yɛ nwɔ mąąluwu nɛ̨ŋɛ̨n da kɛ mą Yai-Laa ɲɛ̨i ɓa.

Levetekɔ 26:23

«Ka wala nwɔ̨nɔ̨ gɛ ka hvo ka nwun ɉee ɉutɔɔ mɛ̨nįi tii mu, kɛlaa ka tɔɔ lɔ ni ná,

Tɔɔɓɛlaa veelɛ 1:13

Tɔɔmun ə pənə nwɔ̨nɔ̨ ə kɔlaɠa nwun nąmu tɔ̨nɔ̨ tɔɔ a ɉaaɓa nąą, da kɔ́kuláá pow lɔɔli. Gɔ́laɠa nwun nąmu tii, ə tɛ ɲee nwuɔ̨, ə pu gbəlin na Eli lííla, ə nɛ̨ɛ̨mąą hvə mą, yɛ mą: «Yálá kwəi mɛ̨nį hukulɔ mun! Gɛ́ ə́ ɲɛ̨́i mąąwɛli kaa, kwa bɔ́ nuą, ə́ ku lɛɛ yɛnɛ̨ɛ̨!

Ɉeremi 8:5

Lə ɓə kɛ yaai, nu huwui ŋɛ̨i Ɉerusalɛmə, gaa lɔ nwun gulɔi nwóó mu diɛ nɛ́ɛ́ laa a ɉu kwɛa? Diɛ ka, daa kanąn nɔ hali mɛ̨nį ɓa, di hvo gɛi di hvo tinɛ̨n di hvo pa bɔ́.

Ɉeremi 35:13

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ mą: Li, yɛ́ Ɉuda nuą da Ɉerusalɛmə nuą diɛ: Ka hva pɛli kɛ ka yee heei ka mąą kwɛli woo mu, kaa ka wəli tɔɔ nwóó ɓa? Yai-Laa woo li.

Izikiɛ 2:4

Nu huwu nwun nwala walai tii, da gili wala wala nuąi tii ɓə gáá ə́ tɔɔi di pɔɔli, yɛ́ diɛ: ‹Ną́mu Yálá woo ka!›

Danîa 9:13

Yɛ pələ kpɔlɔ bɛ̨ɛ̨ la Moisə nwɔ tɔ́n ɉɛɓɛ́i hu, mɛ̨nį nwąnąąi tii kəlee ə həli kuɔ. Pələi mąn ə kɛ la tii, yɛi ŋɛ̨i a kuɔ Yálá, ku hvo kɛ wɔlɔ li yɛ́, ku hvo ə́ mąąnɛ̨ɛ̨, ku hvo nwɔ̨nɔ̨ kɛ həɠə li ku kɛ nɛ̨ŋɛ̨nŋaa pulu, ku hvo kɛ ku kili lɛɛ li ə́ wɔ tɛ̨ą mɛ̨nį hu.

Amɔsə 4:6

Ną́mu Yai-Laa yɛ nwɔ̨nɔ̨ diɛ: Bələi mąn ŋį́ pulu too la ka wɔ taaleeɠaai hu, kɔ̨nɔ̨n golo ə too ka yəi bɛlɛnŋąą, pələi mąn ŋį́ gɛ la tii, ka ta hvo giliŋąhiɛ, hvo pənə hvo pa bɔ́.

Zɛnɛse 19:34

Mąą yələ laa ɓoɔ, nu pɔlɔ laamun yɛ nəɠə ɓa: «ŋą́ą́ nwɛ́i kɛ, kwa gu ną́n kwaa laa. Gu pənə nwɔ̨nɔ̨ gu lɔɔ tɔɔ na, ə gɛ, yələwulii pɔ, yɛ́ kpɛli ə́ li, ya ɓə a gɛ, gu gu ną́n ɉuwu kulɔ.»

Tɔɔɓɛlaa dɔlɔɔ 13:33

Ə mą kɛ tii, Ɉeroboamə hvo ɲee kulɔ nwɔ túwɔ́ pələ ɲɔ̨n ɉu; ə kɛi lɔ ni nuą həɠə lɔ tii nɔi lonnii lɔwai, yɛ di kɛ a haláá laa həli nuą; di wɔ haláá kulɔiɠaai ɓa. Nui lɔpee a kɛ bɔ, di kɛi ɉee a ɉaláá laa həli mun da.

Mąątɛ̨nɛ̨ 51:8

Kɛlaa ə́ kaa bɔ, tɛ̨ą ə kɛ nu koo kpala, yɛ́ ɉú tɔɔ a ə́ wɔ kilii, loo pələi.

Mąątɛ̨nɛ̨ 55:20

Gɛ́ Yálá ə di wooo mɛ̨n, ə nwumɛ̨ tɛ a diɛ; yai tii Heeɓolaa kaa ɲəi ə həɠə yɛnɛ̨ɛ̨ kɔ́wɔ tɔɔi lɔwai ɓa; nuąi tii kɛ pələ mąą hvo pai hvalin ɉii, di hva ɲɔw Yálá ɓa.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Ɉeremi 3:3

Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Ɉeremi 15:7

Ŋą́ laɠa həɠə daaɠaa hu, nɔi, gɛ́ di hu taɠa taɠa la. Ŋą́ą́ nwɔ́ nuąi kwəi kpala, ŋą́ą́ di lɛɛ a lon nwɛli. Kɛlaa ə mą kɛ tii, di hvo di túwɔ́ pələ mąą hvalin ni.

Ɉeremi 17:23

Ka nanii tii, di hvo di wəli tɔɔ, di di kili walawala, di di wəlii kpɔlɔ, mɛ̨nįi ŋį́ kɛi nɛ diɛ, diɛ di wəli kulɔ ɉu.

Ɉeremi 44:10

Háá ɓa háá, ka hvo ni ka hɔn mąąhvalin ni, ka hva ɲɔw, mąąwiɛ hvo ka yəi, ka hvo hvilɛn na nwɔ́ tɔ́nŋaa da bɔ liɛwooɠaai ŋį́ dɛɛ ka nąnni pɔ di pulu, ká hvo hiɛ la.»

Amɔsə 4:8

Taa hveelɛ ɉaaɓa di kɛi li taa takpɛli hu, ə gɛ, di kpələ ya hɔlɔɓo, kɛlaa, di hvo kɛi ɉɔlɔɓo kɛnɛ̨. Kɛlaa, ə mą kɛ tii, ka hvo gɛ li, ka hvo pənə, ka hvo pa bɔ́. Yai-Laa woo li.

Amɔsə 4:9

Ną́mu Yai-Laa yɛ nwɔ̨nɔ̨ diɛ: Ŋą́ hvaa mą kolo ə lɔ ka wɔ hihɛnŋąąi hu, ka wɔ hihɛnŋąąi di kpala ɲeą, ka wɔ hihɛn ɲeaɠaai, ka wɔ viɲə yɛaɠaai, ka wɔ ɓolaa wuluɠaa da ka wɔ olivə wuluɠaai, peeləɠaa da gəlee laa mįi. Kɛlaa, pələi mąn ŋį́ gɛ la tii, ka hvo gɛ li ka hvo pa bɔ́. Yai-Laa woo li.

Amɔsə 4:10

Ną́mu Yai-Laa yɛ nwɔ̨nɔ̨ diɛ: Gwəikulɔ ɲɔ̨n ŋɛ̨i ta ŋį́ bɛlɛ Eziptə nuą diɛ, yili ɲɔ̨nwɔ ma mə ŋį́ hvaa mą, ə pɛlɛ kaa, ŋį́ hvaa mą, ka wɔ hilɛlɛaɠaa di lɛɛ kɔ́ hu, di ka wɔ hooɠaa həɠə a kɔ́ pulu hɛn. Nu powa kun yɛ tɛ ɓɛi ka wɔ kɔlaɠaɠaai di kɛ laa. Kɛlaa, pələi mąn ŋį́ gɛ́ la tii, ka hvo gɛ li, ka hvo pənə, ka hvo pa bɔ́. Yai-Laa woo li.

Amɔsə 4:11

Ną́mu Yai-Laa yɛ nwɔ̨nɔ̨ diɛ: Mɛ̨nii ɲąąnwąnąą ɲą́ą́ Yálá ŋį́ naa Sodomə taa da Gomorə taa diɛ, yili ɲɔ̨nwɔ̨mąn mə ŋį́ naa kaa. Kɛlaa, ŋį́ ka nwun mąąɓo, ka kɛ yɛ kwɛituwɔ tɔ̨nɔ̨ kulaa kpaɠa nwɔ̨n ɉu. Kɛlaa, pələi mąn ŋį́ gɛ la tii, ka hvo gɛ li, ka hvo pa bɔ́. Yai-Laa woo li.