Ɉeremi 5:21 - Yálá laawoo hɛɓɛ (dc)

²¹ «'Ka ka wəli tɔɔ! Kai ka kiliŋaa pɛlɛɛ, ka hva ŋąą hiɛ. Ɲɛi kɔ́w kaa ka, ka hva kɛɛ kaa la! Wəli ə ɓo ka, ka hva mɛ̨nį mɛ̨n na!»

Yálá laawoo hɛɓɛ

²¹ «'Ka ka wəli tɔɔ! Kai ka kiliŋaa pɛlɛɛ, ka hva ŋąą hiɛ. Ɲɛi kɔ́w kaa ka, ka hva kɛɛ kaa la! Wəli ə ɓo ka, ka hva mɛ̨nį mɛ̨n na!»

Bible

²¹ Ka káwoli tɔ́ɔ káai táre fé káŋuŋ su ka tûa nɔ́ a ƃoo-perei, káai káŋɛi-gao káa kâa, kɛ́lɛ káfa kwaa kâai, káwoli kɛ́ ƃò kâa, kɛ́lɛ káfa mɛni mɛ̂nii.

Ɉeremi 5:21 Referans Kwoze

Izikiɛ 12:2

«Hulɔnu lon, ə́ kaa kulɔ nwoo mu nuą lɔwai; ɲɛ̨i kɔ́w kaa diɛ, kɛɛ kaa mɛ̨nį ɓa, kɛlaa di hva kɛɛ kaa; wəli kaa diɛ mɛ̨nį mɛ̨n mɛ̨nį ɓa, kɛlaa di hva mɛ̨nį mɛ̨n; mąąhɔlɔɓo kulɔ nwoo mu nu huwu li.

Gɛlaɠaa 28:26

yɛ kɛ: «‹'Li nuą tii pɔ, yɛ́ diɛ: 'Ká mąn kpɔ ká wəli tɔɔ, ká hva gbaɠala kaa; Ká mąn kpɔ ká ɲɛ̨i kpɛ̨ɛ̨, ká hva kɛɛ mąąkpɛɛ.

Lomaŋ 11:8

Yɛ bələi bɛ̨ɛ̨ la Yálá lawoo hɛɓɛ́ hu yɛ mą: «Yálá ə di kili walawala, ə di ɲɛ̨i pu, ə gɛ, di hvo kɛɛ kaa, ə di wəli wolo, ə gɛ, di hvo mɛ̨nį mɛ̨n ə lɛɛ ɉu yiihu.»

Ɉaan 12:40

«Ə di ɲɛ̨i pu, ə di kili walawala, əgɛ, di ɲɛ̨i hvo pa kɛɛ kaa, ɛlɛɛ, di kili hvo pa mɛ̨nį hukpɛ; diɛ pɛli di hɔn mɛ̨ɛ̨ pənəi. Və́ pa di mąą ɲɔ̨nŋąą kpɛɛ.»

Ɉeremi 4:22

A tɛ̨ą, nwɔ́ nuąi kili hvo di kwəi! Di hvo kpɛli gɔ́lɔn. Di hva mɛ̨nį kpaɠala kaa. Di yɛlɛɛi mɛ̨nį ɲɔ̨n gɛi, di hva pɛli nɛlɛɛ kɛi.

Markə 8:18

Ka ɲɛ̨ikɔw kaa kaa, ka hva kɛɛ mąąkpɛɛ la, wəli kaa kaa, ka hva mɛ̨nį mɛ̨n na. Akɛti, mɛ̨nį nąą kili hva lɛɛ ka ŋą?

Ɉeremi 8:7

Kpalanwɛ̨nį, ə pai lɔwai kɔ́lɔn, hvólóon, da nįŋɛ̨ pulu nwɛ̨nį di di pa kuu da di li kuu kɔ́lɔn. Kɛlaa nwɔ́ nuąi di wɛi, tɔ́n Yai-Laa ə dɔɔ diɛ di hva hiɛ la.

Ɉeremi 5:4

Ya ɓə ŋį́ kɛ diɛ: «Di hvo gbana li kpɛli tiikpə, nu tununŋaaɓaa diɛ, di ŋaakpɛɛ diɛ, mąąhɔlɔɓo, di hvo Yai-Laa woo kɔ́lɔn, di hvo di wɔ Yálái nwɔ tɔ́n gɔlɔn.

Azaya 44:18

Di hvo mɛ̨nį kɔ́lɔn, di hva mɛ̨nį kpaɠala kaa, mąąhɔlɔɓo, di ɲɛ̨i kpinį pələ diɛ, di hva pɛli kɛɛ kaai, di kili wala wala pələ, mɛ̨nį ta hva pɛli lɔi di kili hu!

Mąątɛ̨nɛ̨ 94:8

Kaai ka hupuɔ kaa nu kəlee lɔwai! 'Ka gɛ a nɛlɛɛ, kiliŋą pɛlɛ nuą, lə yələ ɓə ka káá pai mɛ̨nį kpaɠala kaai la?

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Hanwon 17:16

Wali kɛɛ kilikpɛɛgwəi mun ɲəi, dɔlɔ ɓaa lə? A pɛli mɔ̨ɔ̨ kili hɔlɔɓoi la? Kili hvo yaai tii mą.

Dutɛrɔnome 32:6

Akɛ tii, bələ ɓə mɔ̨ɔ̨ ka Yai-Laa hvɛla kulɔ la? Ka nu huwu ɓowɔɔ kili ŋąą pɛlɛɛ ŋɛ̨i; kɛlɛi ə́ nąn ŋɛ̨i yɛnɛ̨ɛ̨ tɛɛ ə́ pɔ yaa li-e? Yaa tii ɓə ə́ pɛli, yɛ ə́ heei kulɔ.

Dutɛrɔnome 29:4

«Kwɛlan bow nąąn ɲee mu, ŋį́ tɔɔ ka ɲɛ̨i tɔwɔ nɔi pun ɉu. Ka mąą həɠəɠaa di hvo haɠa, ka kɔ́ɔŋą kɔ́lɔɠaa di hvo haɠa.

Osia 7:11

Ɛfraimə kaa a tonwələn mowo laa nɛ̨ɛ̨, hva giliŋą hiɛ, di kaa Eziptə təlii, diɛ li a gilɛ Asiri pɔ pələ.

Ɉeremi 10:8

Nu kəlee, nu ta nwɔ kwɛni hvo kulɔ li ɉu, di kilimąą a pɛlɛ di hva mɛ̨nį ɲąą kaa, kili kpɛɛ gwəi hɛnŋaa ɓə nuą tii da kili kwɛli di yəi; di hva kili hɔlɔɓo.

Markə 4:12

Əgɛ, yɛ pələi Yálá laawoo hɛɓɛ́ ə mo la, yɛ mą: «‹Da kɛɛ kaa, di hva mąąkpɛɛ; wəli kaa diɛ mɛ̨nį yɛ too ɉu, kɛlaa, di hva aa kaa; əgɛ, di hvo pa tinɛ̨n di hvo kpəla mɛ̨nį ɲɔ̨n mą, di mąąhvaa hvo lɛɛ!›»

Lomaŋ 1:20

Ə həɠə yɛnɛ̨ɛ̨ pɛli yələ ɓa, ə həli la yiihu ɓa, Yálá kɛ pələɠaai nu hva pɛli gaai: nwɔ huwalawalalaai kpɛɛ hvo mą, nwɔ Yálá laa, gəlee kulaai pono ŋą gɛ kólóɠaa kəlee hu. Mɛ̨niɠaa di hu ɓə nuą da pɛli di Yálá kɔ́lɔn naa. Yili ɓa, mąąhvaalɛɛ hvo diɛ.

Azaya 43:8

Nu huwui tii ɲɛ̨i kɔ́w kaa mą, kɛlaa ɲɛ̨i hva kɛɛ kaa, nu kan tii nwəli kaa mą, kɛlaa hva mɛ̨nį mɛ̨n, 'pa a gəlee.»

Ɉeremi 5:20

Ka noloi ŋɛ̨i ɓo Ɉakɔbə yəi bɛlɛ́n nuą mɛ̨i, Ɉuda lɔi hu nuą di mɛ̨n, kaa diɛ:

Ɉeremi 6:10

Gbɛɛ ɓə pai nwəli tɔɔ nwóóɠaa diɛ? Yɛ nwɔ́ liɛwooɠaa mɛ̨n! Diɛ ka di wəli non və ɉu! Mɛ̨nį hva pɛli lɔi ɉu. Yai-Laa! Di kaa ə́ woo kaai yɛ yɛlɛ kulɔ ɉu hɛn; di hvo bɔ.

Zakari 7:11

Kɛlaa, di hvo gɛ di hvo di wəli tɔɔ, di di nwun dinɛ̨n, di di wəli walawala, ə gɛ di hvo pa nəi mɛ̨nį mɛ̨n.

Dutɛrɔnome 29:3

kɛlaa, ə mą kɛ tii háá ɓa háá Yai-Laa hvo ni kili tɛɛ li ka pɔ, kaa mɛ̨nį kɔ́lɔn na, hvo nii ɲɛ̨ikɔw tɛɛ li ka pɔ, kaa kɛɛ kaa la, da wəli, kaa mɛ̨nį mɛ̨n na.

Ɉeremi 7:13

Yai-Laa woo ka, yɛ diɛ: Yili ɓa, kaa kpɛli mąn, kaa túwɔ́ a ɲɔ̨nwɔ̨ɔ̨. Ŋą́ mo kaa, ŋį́ pənə ŋį́ mąą lɔ, kɛlaa, ka hvo gɛ li ka hvo ka wəli tɔɔ! Ŋą́ą́ ka təli hveelɛ hveelɛ, ka hvo gɛ li ka hvo hvaa nwóó mu.