Ɉeremi 49:29 - Yálá laawoo hɛɓɛ (dc)

²⁹ Di kaa di wɔ huwɔ kɔ́lɔ kələɠaa həɠəi, da di wɔ taatɛlɛɛɠaa. Di wɔ həɠə ɓɛlaaɠaa, da di wɔ hɛnɲąŋąɠaa di kaa lii a di wɔ ɲɔ̨nwɔmɛɛɠaa, diɛ tomą di mɛ̨i, diɛ kɛ diɛ: ‹Ɲɔw kɛnɛ̨ kaa pələ kəlee.›

Yálá laawoo hɛɓɛ

²⁹ Di kaa di wɔ huwɔ kɔ́lɔ kələɠaa həɠəi, da di wɔ taatɛlɛɛɠaa. Di wɔ həɠə ɓɛlaaɠaa, da di wɔ hɛnɲąŋąɠaa di kaa lii a di wɔ ɲɔ̨nwɔmɛɛɠaa, diɛ tomą di mɛ̨i, diɛ kɛ diɛ: ‹Ɲɔw kɛnɛ̨ kaa pələ kəlee.›

Bible

²⁹ Ka dísua-kɔlɔ-pɛrɛi kúla díyêei, díƃala-ŋai dísua-kɔlɔ-pɛrɛi lá-ƃerei seɣei da zãâi díkaa mui. Ka dísoo-fáleŋ-ŋai kúla díyêei, ká mò ǹûai dîa kâai, ‘Mɛni kpɔ̂lu a pá kâa.’

Ɉeremi 49:29 Referans Kwoze

Ɉeremi 46:5

Lə ɓə kɛ? Ɲɔw aa pili di hu; Di kaa pui. Daa di wɔɔ huwalawala nuą paa. Nuą kaa tɛɛi a gilɛ, diɛ li, di hvo di pulu kaai! Ɲɔw aa di hon bələ kəlee. Ɲą́ą́ Yai-Laa nwóó li!

Ɉeremi 6:25

Ka hvo kɛ ka káá lii yɛɛ kɔwɔ ta hu, ka hvo ɉon a pələ ta. Mąąhɔlɔɓo, ka yowoɠaa di wɔ kɔlaɠai pɛlɛɛ laa, aa kɛ a mɛ̨nį-o!

Habakukə 3:7

Ŋą́ą́ Kusan nuą di wɔ laanɔ̨nwɔ̨ kaa, da Madian nuą di wɔ ɲɔw.

Mąątɛ̨nɛ̨ 120:5

Ee kə néé gboo! Kpalo aa gáá! Ɲą́ą́ ka Mɛsɛkə lɔi hu, gɛ́ ɓo heeni Kedarə lɔi hu.

Korɛntə veelɛ 7:5

Hvo gaai, bələi mąn ku paa la Masedoanə, ku hvo hvįįtɔɔ hɔlɔɓo, kɛlaa mɔ̨nɔ̨ huwu lɔpee ə həli kuɔ; di kɔ pɛlɛ kuɔ ɲɛnɛ̨ɛ̨ pələ, ɲɔw yɛ ɓo ku hu pələ.

Korɛntə veelɛ 4:8

Ku hvanąąi bələ kəlee, kɛlaa, ku hvo wolo li, kwa too ku kaa kanąn mɛ̨nįɠaa hu, kɛlaa, kuɔ kulɔ ɉu,

Ɉeremi 49:24

Damasə aa too, aa bulu tinɛ̨n yɛ pu. Maa yɛ kpɛlin nɔ ya ya mɔ̨nɔ̨ da liikələn gwəi daa həli mą, yɛ Nɛ̨ɛ̨nui kwəi nwąną kɛi.

Ɉeremi 10:20

Daa nwɔ pɛlɛ́i pu, daa bɛlɛ hɔlɔɔn gəlee kulɔ, nónnii-o nwɔ́ taatɛlɛɛɠaai-o, dɔ̨nɔ̨ kpɛli hvo kɛa laa; nu hvo mą́ą́, hvo nwɔ́ pɛlɛ́i tɔɔ; hvo nwɔ taa kɔ́wɔ hvilɛn!

Ɉeremi 4:20

Di kaa kɛi diɛ: «Kɛɛ kala mɛ̨nį ɓə-o, kɛɛ kala mɛ̨nį ɓə-o.» Nɔi kəlee aa lɛɛ a lɔi pun. Daa nwɔ́ pɛlɛ́ɠaa pu lɔ tɔ̨nɔ̨, kpulú! Daa ku nwun mąąkilɛi lɛɛ a hvea ŋą.

Azaya 60:7

Kedarə taatɛlɛɛɠaa kaa di ɲąą kpɔn ɉi ə́ pɔɔli, Nebayotə ɓɛlaa hilɛɠaa kaa pai kɛi ə́ yeekɔn mą. Di kaa pai tɛi a diɛ ɓɛi da haláá kulɔ laa mą́ą́, ɛlɛɛ gɛ́ ɲee hee di mu, gɛ́ nwɔ́ pɛlɛ́i nɛlɛ yee ta pɛlɛ mą a nwɔ́ mąąwiɛ pɛlɛi ŋą́ mo mɛ̨i.

Azaya 13:20

Nu hva kɛa hee laa a yələi lɔpee ta, a lɛɛ a lɔi pun a kwɛlan gəlee mɛ̨nį, ə mą kɛ, Arabə mun mə, hvo pai nwɔ həɠə pɛlɛ́i tɔɔi laa; ə mą kɛ, taatɛlɛɛ pulu nuą, di hvo pai kɛi tɔɔi laa.

Mąątɛ̨nɛ̨ 31:13

Da lɛ̨ą mą́ą́, yɛ haamun, yɛ haamuŋ gili aa kpɛɛ nuą ɲą gɛ́ pələ kaa lɔ kɛa yɛ pili hɛn.

Zôo 1:3

Ɓɛlaa waa mɛ̨ihveelɛ ə kɛ ɉulɔnui ti yəi, da ɲɔ̨nwɔmɛ̨ɛ̨ waa haaɓa, ə lɛɛ, nįŋɛ̨ heei hveelɛ hveelɛ nwun nɔɔli, hoohvaalən ɉaa nwun nɔɔli, koló kɛ nu kpulu kɛnɛ̨ ə ɓo ɲəi. Ɉulɔnui ti ə kɛ a nu kɛnɛ̨ dɛɛ hvóló kulɔi pələ nuą kəlee diɛ.

Nwun mąąɓo 8:26

Ya ɓə, gbonoɠaai tii Zedeɔn ə ɉu hvɛli diɛ, gəlee pɛlɛɛ gee ɓa, ə kɛ a kilə pow hveelɛ. Ɲɔ̨nwɔ̨mɛ̨ɛ̨ mąą yili hɛnŋaa laa hvo kɛ ɉu, nwəlii kwɛliɠaa, da Madian tɔɔɓɛlaa kwąną həɠəɠaa di hvo kɛ lonon ni, ə mą kɛ gwɛɛnŋaai kɛ doɔ di wɔ ɲɔ̨nwɔmɛ̨ɛ̨ɠaai kwąną.

Nwun mąąɓo 8:21

Nąąlɔwai; Ɉɛva da Salmuna diɛ Zedeɔn ɓa: «Yɛ́ kpinįi pa ə́ ku paa, mąąhɔlɔɓo, nu kəlee da bɛli mąą kuláá ɓə.» Zedeɔn ə li, ə Ɉɛva da Salmuna di paa, yili pulu, ə di wɔ ɲɔ̨nwɔ̨mɛ̨ɛ̨ɠaai mąą yili hɛnŋaa həɠə.

Nwun mąąɓo 7:12

Madian nuą, Amalɛkə nuą, da doonwunma nuąi həɠə voló həɠəi pələ, di hu hiaa kpɔ kɛ nɛ̨ŋɛ̨ hu laa yɛ peeləɠaa. Di wɔ ɲɔ̨nwɔmɛ̨ɛ̨ɠaai, kwɛdɛn və kɛ mą, ə kɛ yɛ gboloyá kwɛlɛ ɲɛ̨ąkɔw.

Nwun mąąɓo 6:5

Nuąi tii kɛi mɛ̨nį ɲąąnwąnąą la Israɛlə nuą diɛ, di kpulu hu kɛnɛ̨i kɛ yɛ peeləɠaa, da di wɔ taatɛlɛɛɠaai, ə mą kɛ, ɉəɠə pɛlɛ́ɠaa kəlee. Diɛ, da di wɔ ɲɔ̨nwɔmɛɛɠaai, di kpulu hu kɛnɛ̨i kɛ. Di kɛi pa, diɛ nɔi hɛnŋaa kəlee həɠə.

Zɛnɛse 37:25

Yili pulu, di hee kɛa diɛ di kɔ̨nɔ̨n mį́i. Di lɛɛ lɔ laa heeni, diɛ yɔw kɛ nuą kaa diɛ pa, di kɛ a Ismaɛlə nu huwu, daa həɠə Galaadə pələ, diɛ li Eziptə, yɔw tįɛ̨ tamąą ə ɓo di yəi ɲɔ̨nwɔ̨mɛ̨ɛ̨ɠaa pulu.

Ɉeremi 49:5

«Yili mąą mɛ̨nį ɓa, ɲą́ą́ Nąmu Yai-Laa Mɛ̨nį Kəlee ŋą Hééɓomun, nwóó ka, gɛ́ diɛ: Gáá pai ə́ mɛ̨i a ɲɔw kɛnɛ̨, yɛ həɠə ə́ heeyɔwɔ kəlee pɔ pələ, di kaa pai ka hu taɠai, nu kəlee yɛ li gɔwɔ ɲɛ̨i tɔwɔ pələ. Ɛlɛɛ, nu hva hɔlɔɓo, nuąi di kaa pui, hvo di ɲąąkpɔn.