Ɉeremi 49:13 - Yálá laawoo hɛɓɛ (dc)

¹³ Yai-Laa woo li, gáá gwɛ́lai a gbɔ́ɔ́ kpinį lee, Bɔsra kaa pai lɛɛi a lɔi pun, a taa kpoloon, diɛ gɛ a lalan ɉɛn, da nɛ̨ŋɛ̨n naa hɛn. Daaɠaa kpɔ ɲee hu di kaa pai lɛɛi a taa kpoloon, a yələ kəlee da nwɔɔ.»

Yálá laawoo hɛɓɛ

¹³ Yai-Laa woo li, gáá gwɛ́lai a gbɔ́ɔ́ kpinį lee, Bɔsra kaa pai lɛɛi a lɔi pun, a taa kpoloon, diɛ gɛ a lalan ɉɛn, da nɛ̨ŋɛ̨n naa hɛn. Daaɠaa kpɔ ɲee hu di kaa pai lɛɛi a taa kpoloon, a yələ kəlee da nwɔɔ.»

Bible

¹³ Ńyãa kpîŋ-kpiŋ ŋá ḿvòo a gɛɛ ŋa pâi Bozira taa-leei su karâi, nûa da ǹaa kàa, dílaa é kpála dîa. Ǹaa a pâi kɛ̂i a fɛ̃ɛ-kpâlaŋ. Nûa da pâi ɣɛ́lɛ-maa kulâi gbonôi. Ǹaa láa a pâi kɛ̂i a kpalo. Ǹaa kɔlɛ ma kpanaŋ-ŋai da pâi kɛ̂i a pilêŋ ŋá wɔ́lɔ-wɔlɔ da wɔlɔ-wɔlɔ. Ńyãa Yâwɛɛ ƃé mò tí.”

Ɉeremi 49:13 Referans Kwoze

Azaya 34:6

Yai-Laa nwɔ kɔ́ kɔ́ ɓɔwai kaa a ɲąmą nąą kəlee, aa pilɛ nu wulɔ hu, aa pilɛ mɛlaa lonnii da moluɠaa di ɲąmą hu, mɛlaa hilɛɠaa kwəikwɛnikɔw ɓa wulɔ hu; mąąhɔlɔɓo, Yai-Laa aa haláá kulɔ Bɔsra daai, gaa pai kɛi a nu hukala mɛ̨nį kɛnɛ̨ Edɔmə lɔi hu.

Zɛnɛse 36:33

Bɛla haa pulu, Zera lon Yovavə ə tɔɔlaa kɛ Edɔmə lɔi hu, bɔ taai laa ɓaa kɛ: Bɔsra

Zɛnɛse 22:16

«Yai-Laa aa gwɛla a gbɔwɔ, yɛ mą: Ɲą́ą́ ɓə gáá a Yálá hvulú, mɛ̨nįi ŋɛ̨i yáá gɛ, yii kpɔ hvo kɛ lənə li ə́ lon gɔw tɔ̨nɔ̨i ŋɛ̨i kulɔi mą́ą́ a haláái,

Amɔsə 6:8

Nąmu Yai-Laa aa gwɛla a gbɔwɔ, yɛ mą: Ɲą́ą́ Yai-Laa, ɲą́ą́ ɓə gáá a Mɛ̨nį Kəlee ŋą Hééɓomun Yálá! Ɉakɔbə nwɔ huɲąŋą kɛnɛ̨ wɛli hvo mą́ą́, Di wɔ tɔɔ pɛlɛ́ɠaai wɛli hvo mą́ą́. Gáá pai daa lee da ɉu hee ɓo nuą kwɛlii di yowoɠaa diɛ.

Amɔsə 1:12

Gáá pai nwɔ̨n dooi Tema daai, nwɔ̨n gaa pai Bɔsra taa nwɔ tɔɔ pɛlɛ́ɠaa kəlee kələn ɉii.

Ɉeremi 49:22

Gaa yɛ geelə a kɛi tɛ yələi, yɛ koon, yɛ goon ɉu lɛan Bɔsra mɛ̨i. Volói tii, Edɔmə kɔ́kulááɠaa lii a kɛ di kwəi, yɛ kwəi nwąną kɛ nɛ̨ɛ̨nu lii.

Ɉeremi 44:26

Ə həli kɛa kaa! Ka ká wəli tɔɔ Yai-Laa woo ɓa, kaai a Ɉuda nuą, kaa ŋɛ̨i pa heei Eziptə lɔi hu. Gáá gwɛ́lai a náá mąąwia! Ɲą́ą́ Yai-Laa nwóó li! Gɛ́ diɛ: Náá hvo kɛa pai kɛi Eziptə lɔi hu Ɉuda mun da lɔpee la, yɛ kɛ diɛ: ‹Yai-Laa ɓə mo!›

Azaya 63:1

Gbɛɛ ɓə tii kulɔi Edɔmə pələ, yɛ həɠə Bɔsra pələ, yɛ pai? Hɛn gbɔlu pɔɔ ə ɓo mąą həɠə hui? Ganąnŋąą nwɔ həɠəi hu, ɉaŋąą dədən, vaŋą kɛnɛ̨ pələ ɓai? Ɲą́ą́ li, ɲą́ą́i ŋą́ hvaa a tələnmolaa, gɛ́ vą́ŋą́ lɛ nu ɓalo mɛ̨nį ɓa.

Azaya 45:23

Ŋą́ą́ gwɛla, a gbį́nįlee, mɛ̨nį hąŋąnŋąą ɓə a kulɔ ná, Vá nwóó ɲali bulu. «Nu kəlee kaa pai pui gbəlin na, nííla, nɛ̨n gəlee yɛ gwɛla a Náá.

Abdiasə 1:18

Ɉakɔbə nwɔ pɛlɛ́i kaa pai kɛi yɛ nwɔ̨n. Ɉosɛfə nwɔ pɛlɛ́i kaa pai kɛi yɛ nwɔ̨n nən, di kaa pai Esau huwu kəlee kələn ɉii, yɛ pələi nwɔ̨n a kɛɛ kpalaa kələn na. Dɔ̨nɔ̨ kpɛli hva lɛɛ yɛnɛ̨ɛ̨. Ɲą́ą́ Yai-Laa, Nwóó li.

Kɔlɔnikɔ Maa-ŋuŋ 1:44

Bɛla haa pulu, Zera lon Yovavə yai həɠə Bɔsra, ya ɓə hee a dɔɔmun.

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Ɉeremi 19:8

Gáá pai daa ŋɛ̨i mąą pənəi a lɔi mąąwɛliɛ, nuąi pai kɛi tɛɛi nąą kwɛlɛ, ɲɔw yɛ too di hu, di kwəi yɛ pili diɛ; da gɛɛ kalaa taaləi tii kaa, hvo kɛ li da tomą a ɲɔw.

Ɉeremi 51:14

Yai-Laa Mɛ̨nį Kəlee ŋą Hééɓomun aa gwɛla a gbɔwɔ; yɛ diɛ: «Gáá ə́ laa hvɛɛi a nuą, di tamąą di tɛɛ peelə ɓa, diɛ kɔ́ húú pili ə́ mɛ̨i, yɛ mɔ̨nun dee nuą da kɛi tomą.»

Ɉeremi 48:24

Keriyotə, Bɔsra, Moabə taa kəlee lɔ, ə kɛ kwɛaa la, ə kɛ kpuɔla.