Ɉeremi 46:6 - Yálá laawoo hɛɓɛ (dc)

⁶ Gilɛ həɠə nuą di hva pɛli pui, huwalawala nuą di hva pɛli kulɔi ɉu. Ɲánwuɔ̨ pələ Eufratə kwɛlɛ, daa kalin, diɛ too.

Yálá laawoo hɛɓɛ

⁶ Gilɛ həɠə nuą di hva pɛli pui, huwalawala nuą di hva pɛli kulɔi ɉu. Ɲánwuɔ̨ pələ Eufratə kwɛlɛ, daa kalin, diɛ too.

Bible

⁶ Diai kpîŋ kîrɛ siɣêi a ŋ̀ánaai dífe pɔ̂rii pûi. Gɔ-kûluƃa-ŋai dífa pɔ̂ri pûi dí lí Yufeletii Ya-leei kɔlɛ, yá ŋûa-pere, da karênii dí kɛ́ tòo.

Ɉeremi 46:6 Referans Kwoze

Danîa 11:19

Nąąlɔwai, gaa pai tinɛ̨n ɉii ə ɲɛ̨i hee bɔ lɔi taaɠaa diɛ, yiiɠaai di mąątínɛ̨n ŋąą a hįi, kɛlaa, hva tɔ̨nɔ̨ hɔlɔɓo yili hu, kɛlaa yaamun, a haa, naa hva kpɛli lɛɛ lɔi mɛ̨i.

Ɉeremi 46:12

Lɔiɠaa daa ə́ nwumɛ̨i kaa, ə́ tomą woo aa lɔi nąą kəlee kulɔ. Kɔkulaa kaa kɛlɛi kɔkulaa hu, gəlee hveelɛi diɛ too a gee.

Ɉeremi 50:32

Tɛɠɛɓoɉu aa kalin aa too, nu ta hvo muhəɠəi. Ŋą́ą́ nwɔ̨n bili nwɔ taaɠaai hu, nwɔ̨n gaa gwɛlɛɠaa kəlee kələn ɉii.

Ɉeremi 46:16

Aa hviɛn gbɔ kɛnɛ̨, nuą kpɛli mąn, di kaa tooi di kee mɛ̨i. Diɛ kɛ di kee ni diɛ: «'Ká gu gu muhəɠə, 'ká gwə li gu wɔ nuą pɔ, ka gwə li gu kaa lɔi hu. Gu gu mąą kwɛa gɔ́ kɔ́ ɓɔwa kpəɠiɛɠaa ŋɛ̨i diɛ.»

Ɉeremi 46:10

Kɛlaa volói tii, gaa a Nąmu Yai-Laa Mɛ̨nį Kəlee ŋą Hééɓomun nwąną kulɔ hvóló, yɛ nwąną kulɔ ɲowoɠaa diɛ. Kɔ kɔ́ ɓɔwa kaa paa ɓo kɛi, yɛ pilɛ, yɛ pilɛ ɲąmą hu. A tɛ̨ą Nąmu Yai-Laa Mɛ̨nį Kəlee ŋą Hééɓomun, gaa paa ɓo kɛnɛ̨ kɛi ɲánwuɔ̨ pələ Eufratə kwɛlɛ.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 20:11

Kɛlaa, kwa Yai-Laa ɓə ku tɔɔ, ya ɓə gaa a kɔ́kuláá kpəɠiɛɛ. Nuąi di hvilɛn ŋąą búlú, di kaa pai kalin ɉii, mɛ̨nįi di kaa gwɛ́lii la, di yee hvo pai pɛlii mą. Nwumɛ̨ kaa pai di ɲɛ̨i paai. Di yee hvo pai lɔi. Di ɓɛlɛ kaa pai tooi a yələ kəlee, di hvo pai lɛ̨ąi yili ɓa.

Ɉeremi 6:1

Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Ɉeremi 4:6

Ka huu pili nuą diɛ Siɔn pələ! Ka lí, ka ka mąą kilɛ! Ka hvo tɔɔ pələi nu ta hvo kɛ gaa lɛɛi ɉeei! Kpalo ka tii Yai-Laa aa ɉəɠə ɲanwuɔ̨ pələ, yɛ paa la, ə kə! Kɛɛ kala mɛ̨nį kɛnɛ̨!»

Ɉeremi 1:14

Yai-Laa ə mɛ̨nįi tii hukulɔ mą́ą́, yɛ mą́ą́: «Ɲanwuɔ̨ pələ ɓə mɛ̨nį ɲąąnwąnąą kaa pai həɠəi la yɛ pa laai nɔi lonnii kəlee diɛ.

Azaya 8:15

Nu tamąą kaa pai kalin ɉi mą diɛ too, di hu yɛ yali, diɛ kɔ́ a ɓaale, diɛ di hon a luwɔ.

Ikilisiati 9:11

Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.

Mąątɛ̨nɛ̨ 27:2

Nu ɲɔ̨nwɔ̨ɔ̨ɠaa di mą wolo mą́ą́, diɛ kɛ di ɉú hvala-hvala, diɛmun mə da kalin di too a diɛi tii gɔ́ pɛlɛ mą́ą́i, a ɲówóɠaa.

Danîa 11:22

Kɔ kpulu lɔpee ta yee hvo pai pɛlii ma. Gaa pai kɔlaɠa kəlee ɲąąwoloi, ə lɛɛ, nuąi ŋɛ̨i Yálá ə mįnɛ̨ həɠə diɛ, gaa pai di wɔ tɔɔmun dɔ̨nɔ̨ paai.

Tɔɔɓɛlaa veelɛ 23:29

Nąąlɔwai tii ɓə Faraɔn Neko, yai kɛ a Eziptə tɔɔmun, da Asiri tɔɔmun di pɛlɛ di kee ɓa Eufratə ɲalee kwɛlɛ, diɛ li kɔ́ tooi. Tɔɔmun Ɉosiasə yaan, ə muhəɠə yɛ li Eziptə tɔɔmun laa kwiɛn ɉi a kɔ́. Kɛlaa, yii lɔ yili ə ɲɛ̨i tɔɔ lɔ Ɉosiasə ɓa, aa mą Ɉosiasə paa Megido.

Tɔɔɓɛlaa veelɛ 24:7

Eziptə tɔɔmun hvo kɛa kulɔ nwɔ lɔi hu, mąąhɔlɔɓo, nɔiɠaa kpɔ kɛ Eziptə tɔɔmun ɲee mu, Babilonə tɔɔmun ə gəlee həɠə ɲəi. Ə həɠə Eziptə ɲa lee ŋɛ̨i a Nilə mą, ə həli la Eufratə ya ɓa.