Ɉeremi 46:23 - Yálá laawoo hɛɓɛ (dc)

²³ Yai-Laa yɛ diɛ: Ka nwɔ wəlaɠaai pɔn, ə mą kɛ nu hva pɛli lɔi ɉu. Di kpulu kɛnɛ̨ pələ, lono hvo diɛ.

Yálá laawoo hɛɓɛ

²³ Yai-Laa yɛ diɛ: Ka nwɔ wəlaɠaai pɔn, ə mą kɛ nu hva pɛli lɔi ɉu. Di kpulu kɛnɛ̨ pələ, lono hvo diɛ.

Bible

²³ gɛ̀ wolâa wuru su-kara. Dí kɔkûluƃa-ŋai tâmaai kpɔ́ núu fa pɔ̂ri dílônoi. Dí tâmaai kpɔ́ é tɛ́ɛ gotó kpulu ma.

Ɉeremi 46:23 Referans Kwoze

Nwun mąąɓo 7:12

Madian nuą, Amalɛkə nuą, da doonwunma nuąi həɠə voló həɠəi pələ, di hu hiaa kpɔ kɛ nɛ̨ŋɛ̨ hu laa yɛ peeləɠaa. Di wɔ ɲɔ̨nwɔmɛ̨ɛ̨ɠaai, kwɛdɛn və kɛ mą, ə kɛ yɛ gboloyá kwɛlɛ ɲɛ̨ąkɔw.

Nwun mąąɓo 6:5

Nuąi tii kɛi mɛ̨nį ɲąąnwąnąą la Israɛlə nuą diɛ, di kpulu hu kɛnɛ̨i kɛ yɛ peeləɠaa, da di wɔ taatɛlɛɛɠaai, ə mą kɛ, ɉəɠə pɛlɛ́ɠaa kəlee. Diɛ, da di wɔ ɲɔ̨nwɔmɛɛɠaai, di kpulu hu kɛnɛ̨i kɛ. Di kɛi pa, diɛ nɔi hɛnŋaa kəlee həɠə.

Zooɛ 2:25

Yai-Laa woo ka, yɛ diɛ: Gwəlanŋąa kpɔ, gbəligbiɛɠaa da peeləɠaa, ɉaiɠąa da hviliɠaa, diɛi a nwɔ́ kɔlaɠai diɛ ŋį́ ɲąątɔɔ kaa, diɛ kɛɛ kala la kaa; Ŋą́ gəlee pɔɔi kulɔ ɉu.

Azaya 10:18

Nwɔ lɔwɔ lɛlɛɛ da nwɔ ɓá wulu yɛa lɛlɛɛɠaai, gaa pai di kələn ɉii, diɛ lɛɛ a tiɠi; a kɛ yɛ ɲɔ̨n gɛ mun aa kulɔ nwului.

Ɉeremi 21:14

Gáá heei ka hu, yɛ bələi ka wɔ túwɔ́ pələ ɲɔ̨n gaa la. Yai-Laa woo ka, yɛ diɛ: Gáá nwɔ̨n bilii nwɔ wəlai hu, nwɔ̨n ə gwɛlɛ hɛnŋaa kəlee kələn.»

Ɉeremi 46:22

Ka ká wəli tɔɔ, gaa yɛ kaalə pa tin aa kɛi tɔɔ. Di kaa pai a di kpulu kɛnɛ̨, di kaa pai, yowaɠaa di ɓo di yəi, yɛ wulu pɔn nuą.